1 E koaua ae taku te Uea nakon au tia mwakuri ae Thomas: I a tia n ongo am tataro; ao am mwakuri n tangira a tia n roko irou bwa te ^akauring imatau, ibukiia naake, tarim, ake a tia n rineaki bwa a na kaota koauan arau ao ni ^bkanakoa nako tinaniku i buakon aaba ni kabane, reeti, neewe, ao aomata, ao ni katabua rinanon aia mwakuri au taan mwakuri.

2 E koaua ae I tuangko, iai tabeua bwaai inanom ao iroum ae Ngai, te Uea, I aki rang kukurei iai.

3 E ngae n anne, ngkana ko teimatoa ni ^akarinanoko ko na karietataaki; mangaia are, a kabwaraaki am bure ni kabane.

4 E riai nanom ni ^akukurei i matau; ao ko na kaota koauan arau, tiaki tii nakoia ^bTientaire, ma nakoia naba ^cIutaia; ao ko na kanakoa au taeka nako tabotabon aonaba.

5 Mangaia are, ko na ^akaitaraia, ni katoa ingabong, ao ni katoa bong e riai bwanaam ni ^bkauring ni waaki; ao ngkana e roko te tairiki a aki riai kaain te aonaba ni matu, ibukin am taetae.

6 E riai am tabo n ataaki i Tion, ao n aki ^akamwaingaki am auti; bwa Ngai, te Uea, iai au mwakuri ae korakora ibukim ae ko na karaoia, ni karekea atakin arau i buakoia natiia aomata.

7 Mangaia are, ^akabaea nukam ibukin te mwakuri. E riai waem n rabunaki naba, bwa ko a tia n rineaki, ao kawaim e wene i buakon maunga, ao ibukon aaba aika mwaiti.

8 Ao man am taeka a mwaiti aika a rietata a na ^akarinanoaki, ao man am taeka a mwaiti aika a rinano a na karietataaki.

9 Bwanaam e na takua te tia bure; ao n am takutaku e riai newen te tia kabuakaka n toki n ana mwakuri ae e bure.

10 Ko na ^ananorinano; ao te Uea ae Atuam e na kairiko ni baina, ao n anganiko kaekaan am tataro.

11 I ataa nanom, ao n tia n ongo am tataro ni kaineti nakoia tarim. Tai inanonano nakoia n am ^atangira i aoia ake tabeman aika mwaiti, ma e riai am tangira ibukiia n ti te arona ma tangiram i bon iroum; ao e riai am tangira ni korakora nakoia aomata ni kabane, ao nakoia ni kabane ake a tangira arau.

12 Ao tataro ibukiia tarim ake Tengaun ma Uoman. Reireiniia ma taeka aika matoa ibukin arau, ao a riai n reireinaki ibukin aia bure ni kabane, ao ko na kakaonimaki i matau ibukin ^aarau.

13 Ao i mwin ^akaririakiia, ao ^brawawataia aika mwaiti, nooria, Ngai, te Uea, N na ukoukoriia, ao ngkana a aki kamatoai nanoia, ao ni bonotaninga ni kaitaraai, a na ^crairaki, ao N na kamaiuiia.

14 Ngkai, I tuangko, ao tera ae I tuangko, I tuangiia ni kabane Tengaun ma Uoman: Teirake ao kabaei nukami, tabeka rake ami ^akaibangaki, rimwiiai, ao ^bkamwarakeia au tiibu.

15 Tai karietataingkami; tai ^akaitara au tia mwakuri ae Iotebwa; bwa e koaua ae I tuangkami, I mena irouna, ao baiu e na mena i aona; ao taian ^bkiing ake I a tia n anganna, ao nakoimi naba, a na aki anaaki mai irouna ni karokoa ae I roko.

16 E koaua ae I tuangko, au tia mwakuri ae Thomas, ngkoe te aomata ae I a tia n rineia bwa e na taui kiingin abanueau, n aron ae kaineti nakoia Tengaun ma Uoman, n taabo aika raroa i buakon aaba ni kabane—

17 Bwa ko aonga n riki bwa au tia mwakuri ae kauka mataroan te abanuea n taabo ni kabane are au tia mwakuri ae Iotebwa, ao au tia mwakuri ae ^aSidney, ao au tia mwakuri ae ^bHyrum, a aki kona n roko iai.

18 Bwa i aoia I a tia ni kawenea rawawatan mwanga n te ekaretia ni kabane inanon te tai ae uarereke.

19 Ngaia are, taabo are a na kanakoko nako iai, naako, ao N na mena iroum; ao n taabo are ko na katanoata arau n te ^amataroa ae tatauraoi e na uki nakoim, bwa a aonga ni butimwaea au taeka.

20 Ane e ^abutimwaea au taeka e butimwaeai, ao ane e butimwaeai, e butimwaeia naake n te Moan Beretitentii, ake I a tia ni kanakoia, ake I a tia ni karikiia bwa taan ibuobuoki ibukin arau nakoim.

21 Ao N na manga tuangko, bwa ane ko na kanakoa n arau, man bwanaia tarim, ake ^aTengaun ma Uoman, are ko bon uotia rake ao ni ^bkariaia, a na karekea te mwaaka ni kauki mataraoan abanueau nakon aba ake ko kanakoia nako iai—

22 Ngkana a teimatoa n nanorinano i matau, ao ni kakaonimaki n au taeka, ao n ^aongo nakon bwanaan Tamneiu.

23 E koaua, e koaua, I tuangko, te ^aroo e rabuna te aonaba, te roo ae matenten aia iango aomata, ao ni kabane rabwata a ^bbareka i matau.

24 Nooria, te ^akabomwi e tawe rokona i aoia kaain te aonaba, bongin te un, bongin te bue, bongin te urubwai, te ^btang, te tanginiwenei, ao te bwaebwaeti; ao n aron te ukeukennanti e na roko i aon te aonaba ni kabuta, e taku te Uea.

25 Ao i aon au auti e na ^amoanaki, ao man au auti e na waaki nako e taku te Uea;

26 Ni moa mai i buakoia naake i buakomi, e taku te Uea, are a taku bwa a ^aataa arau ao n tia n aki ^bataai, ao n tia n ^ctaetae n aki akaaka ni kaitaraai i buakon au auti, e taku te Uea.

27 Mangaia are, taraia bwa kam na aki karawawataingkami ni kaineti ma bwain au ekaretia n te tabo aei, e taku te Uea.

28 Ma ^akaitiaki nanomi i matau; ao ngkanne ^bnaako ngkami nakon te aonaba ni kabane, ao tataekina au euangkerio nakoia aomata nako ake a tuai karekea;

29 Ao ane e ^akakoauaa ao ni ^bbwabetitoaki e na kamaiuaki, ao ane e aki kakoauaa, ao n aki bwabetitoaki, e na ^ckabuakakaaki.

30 Bwa nakoimi, te ^aTengaun ma Uoman, ao naake, te ^bMoan Beretitentii, ake a tia n rineaki ma ngkami bwa ami taan ibuobuoki ao ami taan kairiiri, bon mwaakan te nakoanibonga aei ae kam anganaki, ibukin boong aika kaitira ao ibukin te kabanea n tai, are i nanona bon te ^cmwioko n tararua ni kororaoin bongina,

31 Are te mwaaka ae kam taua, ni kaineti ma ni kabane naake a tia ni karekea aia tai n tibwa te euangkerio n te tai teuana man moan karikan bwaai;

32 Bwa e koaua ae I tuangkami, ^akiingin te mwioko n tararua, ake kam a tia ni karekea, a tia n ^broko mai irouia bakatibu, ao te kabanea, are e tia ni karuoaki mai karawa nakoimi.

33 E koaua ae I tuangkami, nooria ai kakawakira nakoami. ^aKaitiaki nanomi ao ami kunnikai, bwa mwiina e na ^bkainnanoaki ami kaeka ni bukinami ibukin raraan te roro aei.

34 Kakaonimaki ni karokoa I roko, bwa E tawe ^arokou; ao au kanuanga irou ni kanuangaia aomata nako ni kaineti nakon a na ^bmwakuri. Ngai te Arebwa ao te Omeka. Amen.