Mwakoro 74
Kaotioti ae kaotaki nakon Iotebwa Timiti te Burabeti, n te Aono ae Wayne, New York, n te 1830. I mwaain naba katean te Ekaretia, a kaoti titiraki i aon te kawai ae eti ibukin te bwabetito, are e a waki iai te Burabeti ni ukoukori kaeka i aon aio. E taekinaki n rongorongon Iotebwa Timiti bwa te kaotioti aei bon kabwarabwaran te 1Â I-Korinto 7:14, te koroboki ae tabu ae aki toki ni kamanenaki bwa te boutoka ibukin bwabetitoan te merimeri.
1–5, Bauro e reireina te Ekaretia n ana tai bwa a na aki kawakina ana tua Mote; 6–7, A tabu ataei aika a uarereke ao a kaitiakaki rinanon te Mwakuri ni Kamaiu.
1 Bwa e kaitiakaki te buu te mwaane ae e aaki kakoauaa irouni buuna, ao e kaitiakaki te buu te aine ae e aki kakoauaa irouni buuna; ngkana tiaki ao natiia a aki itiaki, ma ngkai a bon tabu.
2 Ngkai, n aia bong abotoro, tuan te korotobibi e karaoki irouia ni kabane Iutaia ake a aki kakoaua ana euangkerio Iesu Kristo.
3 Ao e koro bukina bwa e riki te aitabarara ae korakora i buakoia aomata ni kaineti ma tuan te bkorotobibi, bwa te buu te mwaane ae e aki kakoaua e tangiria bwa natina a na korotobibiaki ao n ongeaaba nakon ana ctua Mote, are te tua ae tia ni koro bukina.
4 Ao e koro bukina bwa ataei, ake a kaikawaaki bwa a na ongeaba nakon ana tua Mote, a ira aia akatei aia bakatibu ao a aki kakoauaa ana euangkerio Kristo, are a riki n aki tabu iai.
5 Mangaia are, ibukin aio e koroboki te abotoro nakon te ekaretia, n anganiia te tua, tiaki mai iroun te Uea, ma mai irouna, bwa te tia kakoauaa e na aki aikotaki ma te tia aki kakoauaa; ma tii ngkana e toki irakin ana btua Mote irouia,
6 Bwa aonga natiia n tiku n akea te korotobibi; ao bwa e aonga n toki te katei, are e kangai bwa ataei aika uarereke aki tabu; bwa aia koaua ngkoa Iutaia;
7 Ma aataei aika uarereke a bon btabu, bwa a ckaitiakaki rinanon ana dmwakuri ni kamaiu Iesu Kristo; ao aio nanona ni koroboki aika tabu.