Mwakoro 51
Kaotioti ae kaotaki rinanon Iotebwa Timiti te Burabeti, i Thompson, Ohio, ni Meei 20, 1831. N te tai aei a mwananga Aomata aika Itiaki man aba ake i mainiku ni moanna n roko i Ohio, ao a moanna ni kamatoai babairei aika riai ibukin maekaia. Ibukina bwa mwakuri aikai bon taben te nakoa ae te bitiobi, Bitiobi Edward Partridge e ukoukora te kairiiri ibukin aei, ao e bubutia te Uea te Burabeti.
1–8, E rineaki Edward Partridge bwa e na bairea aron taian nakoa n tararua ma bwaai; 9–12, Aomata aika Itiaki a riai ni kokoaua ao ni titebo are a karekea; 13–15, A riai ni iai irouia ana bata ni kaikobwai te bitiobi ao n bairei bwaai ni kaineti ma ana tua te Uea; 16–20, Ohio bon te tabo moa ni ikotaki ibukin te tai ae aki maan.
1 Ongora nakoiu, e taku te Uea ae Atuami, ao N na taetae nakon au tia mwakuri ae aEdward Partridge, ao n anganna taian kairiiri; bwa e riai bwa e na karekei kairiiri bwa e na kanga ni baireia aomata aikai.
2 Bwa e riai bwa a na baireaki ni kaineti ma au atua; bwa ngkana a aki, a na kamaunaaki.
3 Mangaia are, au tia mwakuri ae Edward Partridge, ao naake e a tia n rineia, are I rangi ni kukurei irouia, n anganiia aomata aikai tibwangaia, aomata nako a na akaboraoaki ni kaineti ma aia utu, ni kaineti ma aroia ao are akea irouia ao bkainnanoia.
4 Ao au tia mwakuri ae Edward Partridge, ngkana e angan te aomata tibwangana, e na anganna te beeba bwa e na kamatoa tibwangana nakoina, bwa e na taua, bwa aei inaomatana ao aei ana bwaibwai n te ekaretia, ni karokoa e karaoa ae bure ao e aki tau ni kaaina te ekaretia man bwanaan te ekaretia, ni kaineti ma ana tua ao ana aberita aika tabu te ekaretia.
5 Ao ngkana e karaoa ae bure ao e aki tau ni kaaina te ekaretia, e na akea mwaakana n taua ana bwai are e a tia ni katabuaki nakon te bitiobi ibukiia kainnano ao ake akea aia bwai n au ekaretia; mangaia are, e na aki taua te bwai n tituaraoi, ma e na tii taua te tibwanga are e kariaiakaki nako iai.
6 Ao ngaia are bwaai ni kabane a na kamatoaki raoi, ni akaineti ma btuan te aba.
7 Ao bwa bwaai ake aia bwai aomata aikai a riai n anganaki nakoia aomata aikai.
8 Ao te amwane are e tiku nakoia aomata aikai—e na riai n rineaki temanna te tia tei ibukiia aomata aikai, bwa e na anaa te bmwane ni karekei amwarake ao kunnikai, ni kaineti ma are akea irouia aomata aikai.
9 Ao a riai aomata nako ni akokoaua, ao n titebo i buakoia aomata aikai, ao ni karekea ae titebo, bwa kam aonga ni bkatiteuanaaki, n aron ae I a tia n tuangingkami.
10 Ao bwa bwaai ake aia bwai aomata aikai a riai n aki anaaki ao n anga nako nakon te aekaretia teuana.
11 Mangaia are, ngkana te ekaretia teuana e karekea te mwane man te ekaretia aei, a riai ni manga kabwakaa nakon te ekaretia aei n aron are a tia n boraraoi iai;
12 Ao e na karaoaki aei rinanon te bitiobi ke te tia tei, are e na rineaki man abwanaan te ekaretia.
13 Ao teuana riki, e riai te bitiobi ni katea te abata ni kaikobwai ibukin te ekaretia aei; ao a riai bwaai ni kabane n te mwane ao n te iriko ni man naba, are a mwaiti riki nakon ae bkainnanoaki ibukin are akea irouia aomata aikai, ni kawakinaki i nanoni bain te bitiobi.
14 Ao e riai naba ni kawakina i bon ibukina bwaai ake e bon tangiri, ao ibukin bwaai ake a tangiri ana utu, ibukina bwa e na kamwakuraki ni karaoan mwiokoana aio.
15 Ao ngaia are I anganiia aomata aikai te konaa ni barongaia i bon irouia ni kaineti ma au atua.
16 Ao I katabua nakoia te aaba aei i nanon te tai ae e uarereke, ni karokoa Ngai, te Uea, N na katauraoi kawai riki tabeua ibukiia, ao n tuangiia bwa a na nako mai ikai;
17 Ao te aoa ao te bong a aki anganaki nakoia, mangaia are a riai ni waaki i aon te aba aei n aron ae a na maeka iai i nanon ririki aika mwaiti, ao aio e na riki bwa e tikiraoi ibukiia.
18 Noria, aio e na riki bwa te akatoto nakon au tia mwakuri ae Edward Partridge, n taabo ake tabeua, n ana mwanga te ekaretia ni kabane.
19 Ao ane e kuneaki ni kakaonimaki, n raoiroi, ao te atia tararua ae e wanawana e na rin i nanon bkimwareirein ana Uea, ao e na karekea te maiu ae akea tokina.
20 E koaua, ae I tuangkami, Ngai bon Iesu Kristo, are e tawe arokou, n te baoa are kam taku inanomi bwa e na aki roko iai. Eng. Amen.