Mwakoro 71
Kaotioti ae kaotaki nakon Iotebwa Timiti te Burabeti ao Sidney Rigdon, i Hiram, Ohio, n Ritembwa 1, 1831. E reitinako te Burabeti n raira te Baibara ma Sidney Rigdon bwa ana tia koroboki ni karokoa e karekeaki te kaotioti aei, te tai are e bon katukaki moa i nanon te tai ae e uarereke bwa a aonga ni kona ni kakoroa bukin te kaetieti ae e kaotaki ikai. A riai n nako ni kabwarabwara ni katoka te namakin n aki iraorao are e riki ni kaitara te Ekaretia are e riki man boretiakin tabeua taian reta aika koreaki iroun Ezra Booth, are e a tia ni kitana te koaua.
1–4, A kanakoaki Iotebwa Timiti ao Sidney Rigdon bwa a na katanoata te euangkerio; 5–11, A na kamangaoaki aia kairiribai Aomata aika Itiaki.
1 Nooria, e taku te Uea nakoimi au taan mwakuri aika Iotebwa Timiti te Ataei ao aSidney Rigdon, bwa e a roko raoi te tai ae kakawaki man riai irou bwa kam na kaurei wiimi ni bkatanoata au euangkerio, bwain te abanuea, ni kabwarabwarai cbwaai aika raba man koroboki aika tabu, ni kaineti ma mwakoron te Tamnei ao te mwaaka are kam na anganaki, n aron ae I tangiria.
2 E koaua ae I tuangkami, katanoata nakon te aonaba n taabo nako ake a uakaan, ao n te ekaretia naba, i nanon te tai ae e aki ataaki maanna, ni karokoa e na kaotaki nakoimi.
3 E koaua ae aio te mition i nanon te tai ae e aki ataaki maanna, are I anganingkami.
4 Mangaia are, mwakuri ngkami n au nne ni kurebe. Weteia kaain te aonaba, ao ni kaota koauana, ao katauraoa te kawai ibukin tua ao kaotioti aika a na roko.
5 Ngkai, nooria aio te wanawana; ane e warekia, e riai n aoota ao ni bbutimwaia naba;
6 Bwa nakon are e butimwaia e na anganaki ae amwaiti riki, ae te mwaaka.
7 Mangaia are, akakubaia ami kairiribai; bubutia bwa kam na bkaitibo imataia aomata ao n ti ngkami; ao ngkana kam teimatoa ni kakaonimaki e na kaotaki iai mamaaia.
8 Mangaia are, a riai n uotii aia kabwarabwara ae korakora ni kaitara te Uea.
9 E koaua, ae e taku te Uea nakoimi—bon akea te abwai ni buaka ae karaoaki bwa e na kaaitarako ae e na tokanikai;
10 Ao ngkana iai te aomata ae e tabeka bwanaana ni kaitarako e na kainaki wiina n oin au tai.
11 Mangaia are, kawakini au tua; bwa a bon koaua ao man onimakinaki. Eng. Amen.