Mwakoro 78
Kaotioti ae kaotaki rinanon Iotebwa Timiti te Burabeti, i Kirtland, Ohio, ni Maati 1. 1832. N te bong arei, te Burabeti ao tabeman taan kairiri a botaki ni maroroakina ana waaki te Ekaretia. Te kaotioti aei mai moana e anga te kaetieti nakon te Burabeti ao Sidney Rigdon, ao Newel K. Whitney bwa a na mwananga nako Missouri ao ni katea ana waaki ni iokinibwai ao ni boreti ni katea te “kambwana” are e na tararuai karikirake aikai, ni kareke mwane ibukin katean Tion ao ibukin buokaia kainnano. Te kambwana aio, are e ataaki bwa te United Firm (Kambwana ni Katiteuanaki), e kateaki n Eberi 1832 ao ea manga kamaunaki n 1834 (taraa mwakoro 82). N te tai ae aki maan i mwin kamaunakina, i an ana kairiri Iotebwa Timiti, te mwakoro ni kibu n taeka ae “aron waakin te bata ni kaikobwai ibukia kainnano” e onea mwin “waaki ni iokinibwai ao te tabo ni boreti” n te kaotioti, ao te taeka ae “botaki” e onea mwin te taeka ae “kambwana.”
1–4, Aomata aika Itiaki a na bairea ao ni katea te bata ni kaikobwai; 5–12, Kamanenaan raoi aia bwai e na kairiia nakon te kamaiuaki; 13–14, E riai te Ekaretia ni inaomata man mwaakan te aonaba; 15–16, E mwakuri Mikaera (Atam) i aan ana kairiiri Teuare e Tabu (Kristo); 17–22, A na kakabwaiaki taan kakaonimaki, bwa a na bwaini bwaai ni kabane.
1 E taetae te Uea nakon Iotebwa Timiti te Ataei, ni kangai: Ongo irou, e taku te Uea ae Atuami, ake a katabuaki nakon te anakoanibonga ae rietata n au ekaretia, ake kam a tia ni ikotingkami ni kabane;
2 Ao kakauongo nakon ana ataeka n reirei teuare e a tia ni bkatabuko mai karawa, are e na taekini taeka ni wanawana nakon taningami, bwa e aonga n reke iroumi te kamaiuaki n te bwai anne are kam a tia ni kaotia i matau, e taku te Uea ae te Atua.
3 Bwa e koaua ae I tuangkami, e a roko te tai, ao e a kaan; ao nooria, ao taraia, e riai bwa e na iai ababaireaia au aomata, ni kaira ao ni katean aron te bbata ni kaikobwai ibukiia ckainnano n au botanaomata, n te tabo aei ao n aban dTion—
4 Ibukin barongaana ao baireana ae teimatoa ao akea tokina nakon au ekaretia, ni karikirakea te waaki, are kam a tia n anga nanomi nako iai, ibukin kamaiuaia aomata, ao ibukin mimitongin Tamami are i karawa;
5 Bwa kam aonga ni aboraoi n ana kabaebae nako bwain karawa, eng, ao ni bwain te aonaba naba, ibukin karekean bwain karawa.
6 Bwa ngkana kam aki boraoi ni bwain te aonaba kam aki kona n boraoi ni karekean bwain karawa;
7 Bwa ngkana kam tangiria bwa N na anganingkami ami tabo n te aonaba ae te atiretio, kam riai ni bkatauraoingkami mani ckaraoi bwaai ake I a tia n tuangkami ao a kainnanoaki mai iroumi.
8 Ao ngkai, e koaua ae taku te Uea, e riai bwa bwaai ni kabane a na karaoaki ibukin amimitongiu, mai iroumi ake kam ikotaki ni kabane n te bwaaki aei;
9 Ke, n taekana teuana, e riai au tia mwakuri ae Newel K. Whitney ao au tia mwakuri ae Iotebwa Timiti te Ataei ao au tia mwakuri ae Sidney Ridgon n tekateka ni maroro ma aomata aika itiaki are a mena i Tion;
10 Bwa ngkana a aki aTatan e na kataia ni katannakoa nanoia man te koaua, bwa a na kamatakiaki ao n aki oota ni bwaai ake a katauraoaki ibukiia.
11 Mangaia are, te tua ae I anganingkami, bwa kam na katauraoi ao ni barongaingkami n te kabaebae ke te aberita ae tabu ae akea tokina ae e aki kona n uruakaki.
12 Ao ane e urua e na kabua nakoana ao nnena n te ekaretia, ao e na uotaki nakon ana akarawawata Tatan ni karokoa bongin te kaboaki.
13 Noria, aio te katauraoi are I katauraoingkami iai, ao aana, ao banna ake I anganingkami, bwa kam aonga ni kakoroi bukin tua ake kam anganaki mai iai;
14 Bwa rinanon au ibuobuoki, e bon ngae ngke a na roko i aom taian arawawata, bwa e aonga te ekaretia n tei ni inaomata i aoia ni kabane bwaai aika maiu i an te aonaba ae te tiretio;
15 Bwa kam aonga ni karekea te abaunuea ae katauraoaki ibukimi, ao n riki bwa btaan tautaeka i aon abanuea aika mwaiti, e taku te Uea ae te Atua, ae Atuan Tion ae Tabu, are e a tia ni katea aan cAtam-ontaai-Aman;
16 Are e rinea aMikaera bwa ami nati ni uea te mwaane, ao ni kamatoaki waena, ao ni karikirakea nakon te nakoa ae rietata, ao n anganna kiingin te kamaiuaki i an ana taeka n reirei ao ana kairiiri te Atua ae Tabu, are akea moan ana bong ke tokin maiuna.
17 E koaua, e koaua, I tuangkami, ngkami ataei aika uarereke, ao kam tuai moa n oota bwa korakorara kakabwaia ae a mena i nanon bain te Atua ao a katauraoaki ibukimi;
18 Ao kam aki kona ni auotii bwaai ni kabane ngkai; e ngae n anne, kukurei, bwa N na bkaiririko i nanon kawaim. Ami bwai te abanuea ao kakabwaia mai iai bon ami bwai, ao kaubwain are cakea tokina bon ami bwai.
19 Ao ane e butimwaai bwaai ni kabane ma te akarabwarabwa e na kamimitongiaki; ao bwain te aonaba aei e na ikotaki nakoina, ae btebubua te tai mwaitina, eng, e mwaiti riki.
20 Mangaia are, karaoi bwaai ake I a tia n tuangkami, e taku te Tia Kaboingkami, ae Natin aAman, are e katauraoi bwaai ni kabane i mwaain ae e banaingkami;
21 Bwa ngkami ana aekaretia te Karimoa n Nati, ao e na btabekiko rake n te nang, ao n anganiia aomata nako tibwaia.
22 Ao te atia tararua ae e kakaonimaki ao e bwanawana e na bwaini cbwaai ni kabane. Amen.