Amas

Phau Ntawv Maumoos

Tej Yam Nyob Haud
Zaj Lus Piav thiab Cov Lus Ua Tim Khawv
1 Nifais
2 Nifais
Yakhauj
Enos
Yaloos
Oonis
Maumoos cov Lus
Mauxiyas
Amas
Hilamas
3 Nifais
4 Nifais
Maumoos
Ethaws
Maulaunais

Amas

Tshooj 1
Nihos qhia tej lus qhuab qhia cuav, txhim tsa ib lub koom txoos, qhia tej tswv yim xib hwb cuav, thiab tua Nkide-oos—Nihos raug tua rau nws tej kev txhaum—Tej tswv yim xib hwb cuav thiab tej kev tsim txom nthuav rau hauv cov neeg—Cov pov thawj ua hauj lwm tau noj tau haus rau lawv tus kheej, cov neeg pab cov neeg pluag, thiab lub koom txoos huaj vam. Kwv yees li 91–88 xyoo ua ntej Yexus yug los.
Tshooj 2
Alixais nrhiav kev ua tus vaj ntxwv thiab raug xyeej los ntawm cov neeg lub suab—Cov neeg uas koom nrog nws muab nws ua vaj ntxwv—Cov Neeg Alixais ua rog rau cov Neeg Nifais thiab swb cov Neeg Nifais—Cov Neeg Lamas thiab cov Neeg Alixais koom tub rog ua ke thiab swb rau cov Neeg Nifais—Amas tua Alixais. Kwv yees li 87 xyoo ua ntej Yexus yug los.
Tshooj 3
Cov Neeg Alixais ntaus cim rau lawv tus kheej raws li cov yaj saub tej lus qhia—Cov Neeg Lamas raug foom tsis zoo rau lawv txoj kev ntxeev siab—Tib neeg coj tej kev foom tsis zoo los rau lawv tus kheej—Cov Neeg Nifais yeej dua cov Neeg Lamas ib pab tub rog. Kwv yees li 87–86 xyoo ua ntej Yexus yug los.
Tshooj 4
Amas muab cov neeg hloov siab los ntseeg ntau txhiab leej ua kev cai raus dej—Txoj kev qias nkag los rau lub koom txoos, thiab tab kaum lub koom txoos kom tsis vam meej—Amas tsa Nifaihas los ua tus thawj txiav txim—Amas, uas yog pov thawj hlob, muab nws tus kheej tshwj rau txoj kev qhuab qhia. Kwv yees li 86–83 xyoos ua ntej Yexus yug los.
Tshooj 5
Kom tau txoj kev cawm seej, tib neeg yuav tsum hloov siab lees txim thiab ua raws li tej lus txib, yug dua tshiab, ntxuav lawv tej tsoos tsho los ntawm Khetos cov ntshav, txo hwj chim thiab muab kev muab hlob thiab kev ntshaw luag tug hle pov tseg, thiab ua tej yam uas ncaj ncees—Tus Tswv Yug Yaj Zoo yuav hu Nws cov neeg—Cov uas ua hauj lwm phem yog tus dab phem cov me nyuam—Amas ua tim khawv txog qhov tseeb ntawm nws txoj lus qhuab qhia thiab txib kom neeg hloov siab lees txim—Vajtswv yuav muab cov neeg ncaj ncees lub npe sau cia rau hauv phau ntawv txheeb txoj sia. Kwv yees li 83 xyoos ua ntej Yexus yug los.
Tshooj 6
Amas, cov pov thawj, thiab cov txwj laug ua kom lub Koom Txoos nyob hauv Xalahelas dawb huv thiab tsa tus txheej txheem—Amas mus rau tom Nkide-oos mus tshaj tawm txoj moo zoo. Kwv yees li 83 xyoos ua ntej Yexus yug los.
Tshooj 7
Khetos yuav yug los ntawm Maivliag—Nws yuav los daws kev tuag tej hlua thiab los ris Nws cov neeg tej kev txhaum—Cov uas hloov siab lees txim, ua kev cai raus dej, thiab ua raws tej lus txib yuav tau txoj sia nyob mus ib txhis—Cov neeg qias txais tsis tau Vajtswv lub nceeg vaj ua lawv ntiag tug—Yuav tsum muaj kev txo hwj chim, kev ntseeg, kev cia siab, thiab kev siab hlub. Kwv yees li 83 xyoos ua ntej Yexus yug los.
Tshooj 8
Amas qhuab qhia thiab ua kev cai raus dej nyob hauv Melej—Cov neeg nyob hauv Amoonaihas xyeej nws thiab nws tawm mus—Ib tug tim tswv txib kom nws rov qab mus thiab tshaj tawm txoj kev hloov siab lees txim rau cov neeg—Amulej txais tos nws, thiab nkawd ob leeg qhuab qhia nyob hauv Amoonaihas. Kwv yees li 82 xyoos ua ntej Yexus yug los.
Tshooj 9
Amas txib kom cov neeg hauv Amoonaihas hloov siab lees txim—Tus Tswv yuav hlub tshua cov Neeg Lamas nyob rau hauv lub caij nyoog kawg—Yog tias cov Neeg Nifais tso qhov kaj tseg, cov Neeg Lamas yuav ua rau lawv puas tsuaj—Tsis ntev Vajtswv Leej Tub yuav los—Nws yuav los muab cov uas hloov siab lees txim thiab ua kev cai raus dej thiab ntseeg Nws lub npe txhiv dim. Kwv yees li 82 xyoos ua ntej Yexus yug los.
Tshooj 10
Lihais yog Manaxes xeeb ntxwv—Amulej rov hais txog qhov uas tus tim tswv txib kom nws tu Amas—Cov neeg ncaj ncees tej kev thov Vajtswv ua kom tus Tswv tseg cov neeg—Cov neeg kws lij choj thiab cov neeg txiav txim uas tsis ncaj ncees tau tsim txoj kev puas tsuaj rau cov neeg. Kwv yees li 82 xyoos ua ntej Yexus yug los.
Tshooj 11
Kev qhia txog Neeg Nifais cov nyiaj—Amulej cam nrog Xi-elas—Khetos yuav tsis cawm cov neeg thaum lawv tseem muaj kev txhaum—Tsuas yog cov uas tau lub nceeg vaj ceeb tsheej los ua lawv tug xwb thiaj li yuav txais kev cawm dim—Neeg txhua tus yuav sawv los tsis txawj tuag—Yuav tsis muaj kev tuag tom qab txoj kev sawv rov los. Kwv yees li 82 xyoos ua ntej Yexus yug los.
Tshooj 12
Amas hais lus rau Xi-elas—Tej txuj ci uas neeg tsis paub txog Vajtswv tsuas muab rau cov uas rau siab ntseeg xwb—Vajtswv txiav txim rau tib neeg los ntawm lawv tej kev xav, kev ntseeg, tej lus, thiab tej yam lawv ua—Cov neeg phem yuav raug kev tuag ntawm sab ntsuj plig—Lub neej txawj ploj txawj tuag no yog kev sim siab—Txoj hau kev txhiv dim ua tau kom muaj txoj Kev Sawv Rov Los, thiab, los ntawm kev ntseeg, kev zam txim rau tej kev txhaum—Cov uas hloov siab lees txim muaj cai txais kev hlub tshua los ntawm Tib Leeg Tub. Kwv yees li 82 xyoos ua ntej Yexus yug los.
Tshooj 13
Vajtswv hu tib neeg los ua cov pov thawj hlob vim yog lawv txoj kev ntseeg heev thiab tej yam zoo uas lawv ua—Lawv yuav tsum qhia txog tej lus txib—Dhau los ntawm kev ncaj ncees Vajtswv muab lawv hloov ua neeg dawb huv thiab cia lawv nkag mus rau hauv tus Tswv qhov chaw so—Mekhixedes yog ib tug ntawm cov no—Cov tim tswv tab tom tshaj tej moo zoo siab thoob plaws hauv thaj av—Lawv yuav tshaj tawm txog qhov tseeb ntawm Khetos txoj kev los. Kwv yees li 82 xyoos ua ntej Yexus yug los.
Tshooj 14
Amas thiab Amulej raug kaw thiab raug ntaus—Cov ntseeg thiab lawv tej vaj lug kub dawb huv raug hluav taws hlawv—Tus Tswv txais cov uas tuag rau lawv txoj kev ntseeg no los nyob hauv yeeb koob—Tej phab ntsa ntawm lub tsev kaw tawg thiab vau—Tus Tswv cawm Amas thiab Amulej dim thiab cov uas tsim txom nkawd raug tsuam tuag. Kwv yees li 82–81 xyoos ua ntej Yexus yug los.
Tshooj 15
Amas thiab Amulej mus rau tom Xidos thiab txhim tsa ib lub koom txoos—Amas kho Xi-elas, ces Xi-elas los koom lub koom txoos—Coob leej ua kev cai raus dej thiab lub koom txoos vam meej—Amas thiab Amulej mus rau tom Xalahelas. Kwv yees li 81 xyoos ua ntej Yexus yug los.
Tshooj 16
Cov Neeg Lamas ua rau cov neeg Amoonaihas puas tsuaj—Xaulas coj cov Neeg Nifais kov yeej cov Neeg Lamas—Amas thiab Amulej thiab coob leej ntxiv tshaj tawm txoj lus—Lawv qhia tias tom qab Nws txoj Kev Sawv Rov Los Khetos yuav tshwm sim los rau cov Neeg Nifais. Kwv yees li 81–77 xyoo ua ntej Yexus yug los.
Tshooj 17
Mauxiyas cov tub tau lub txiaj ntsim qhia tau tej yuav muaj los yav tom ntej thiab txais tau kev tshwm sim—Lawv nyias mus nyias ib txoj kev mus tshaj tawm txoj lus rau cov Neeg Lamas—Amoos mus rau pem thaj av Ixama-ees thiab los ua vaj ntxwv Lamaunais tus tub qhe—Amoos cawm tus vaj ntxwv cov yaj thiab tua nws cov yeeb ncuab nyob rau ntawm cov dej Xinpus. Nqe 1–3, Kwv yees li 77 xyoo ua ntej Yexus yug los; nqe 4, Kwv yees li 91–77 xyoo ua ntej Yexus yug los; nqe 5–39, Kwv yees li 91 xyoos ua ntej Yexus yug los.
Tshooj 18
Vaj ntxwv Lamaunais xav tias Amoos yog tus Ntsuj Plig uas Muaj Hwj Chim—Amoos qhia tus vaj ntxwv txog txoj kev tsim ntuj tsim teb, txog Vajtswv tej kev ua hauj lwm nrog tib neeg, thiab txog txoj kev txhiv dim uas yuav los ntawm Khetos—Lamaunais ntseeg thiab vau rau hauv av zoo li tuag lawm. Kwv yees li 90 xyoo ua ntej Yexus yug los.
Tshooj 19
Lamaunais txais qhov kaj ntawm txoj sia uas kav ib txhis thiab pom tus Txhiv Dim—Nws tsev neeg ua mem muj qus, thiab ib txhia pom cov tim tswv—Tus Tswv ua txuj ci tseem ceeb tsom kwm Amoos—Amoos muab ntau leej ua kev cai raus dej thiab tsim ib lub koom txoos nyob hauv lawv. Kwv yees li 90 xyoo ua ntej Yexus yug los.
Tshooj 20
Tus Tswv xa Amoos mus rau tom Midaunais mus tso nws cov kwv tij uas raug kaw dim—Amoos thiab Lamaunais ntsib Lamaunais txiv, tus uas yog vaj ntxwv kav tag nrho thaj av—Amoos txhib kom tus vaj ntxwv laus pom zoo tso nws cov kwv tij. Kwv yees li 90 xyoo ua ntej Yexus yug los.
Tshooj 21
Aloos qhia cov neeg Amalej txog Khetos thiab Nws txoj Kev Theej Txhoj—Aloos thiab nws cov kwv tij raug kaw nyob hauv Midaunais—Tom qab lawv dim lawv mus qhia nyob hauv tej tsev sab laj thiab ua rau coob leej hloov siab los ntseeg—Lamaunais pub cov neeg nyob hauv thaj av Ixama-ees kev ywj siab teev ntuj. Kwv yees li 90–77 xyoo ua ntej Yexus yug los.
Tshooj 22
Aloos qhia Lamaunais txiv txog kev tsim lub ntiaj teb, Adas txoj Kev Poob, thiab txoj hau kev txhiv dim uas los ntawm Khetos—Tus vaj ntxwv thiab tag nrho nws tsev neeg hloov siab los ntseeg—Piav txog tej yam uas kem cov Neeg Nifais thiab cov Neeg Lamas thaj av. Kwv yees li 90–77 xyoo ua ntej Yexus yug los.
Tshooj 23
Cov Neeg Lamas tus vaj ntxwv tshaj tawm txog kev teev ntuj ywj siab—Cov Neeg Lamas nyob hauv xya thaj av thiab nroog hloov siab los ntseeg—Lawv muab lawv tus kheej hu ua cov Eethais-Nifais-Lihais thiab Vajtswv tso lawv dim ntawm txoj kev foom tsis zoo—Cov neeg Amalej thiab cov neeg Amuloos xyeej qhov tseeb. Kwv yees li 90–77 xyoo ua ntej Yexus yug los.
Tshooj 24
Cov Neeg Lamas tuaj tawm tsam Vajtswv cov neeg—Cov Eethais-Nifais-Lihais zoo siab rau Khetos thiab cov tim tswv los xyuas lawv. Lawv xum tuag tshaj qhov uas tiv thaiv lawv tus kheej—Cov Neeg Lamas hloov siab los ntseeg coob ntxiv. Kwv yees li 90–77 xyoo ua ntej Yexus yug los.
Tshooj 25
Cov Neeg Lamas tej kev chim ri mus—Nau-as cov pov thawj cov tub ki piam sij ib yam li Anpinadais qhia tseg—Cov Neeg Lamas coob leej hloov siab los ntseeg thiab los koom cov neeg Eethais-Nifais-Lihais—Lawv ntseeg Khetos thiab coj Mauxes txoj kev cai. Kwv yees li 90–77 xyoo ua ntej Yexus yug los.
Tshooj 26
Amoos zoo siab rau tus Tswv—Tus Tswv ua kom cov uas rau siab ntseeg muaj dag zog thiab muab kev txawj ntse rau lawv—Los ntawm txoj kev ntseeg tib neeg yuav coj tau txhiab txhiab leej neeg los mus rau txoj kev hloov siab lees txim—Vajtswv muaj hwj chim tag nrho thiab to taub tag nrho txhua yam. Kwv yees li 90–77 xyoo ua ntej Yexus yug los.
Tshooj 27
Tus Tswv txib Amoos kom coj cov neeg Eethais-Nifais-Lihais mus rau qhov chaw nyab xeeb—Thaum ntsib Amas, Amoos txoj kev xyiv fab ua rau nws qaug zog—Cov Neeg Nifais muab thaj av Yesoos rau cov Eethais-Nifais-Lihais—Lawv hu ua Amoos cov neeg. Kwv yees li 90–77 xyoo ua ntej Yexus yug los.
Tshooj 28
Cov Neeg Lamas swb ib npluav rog uas hnyav heev—Kaum tawm txhiab leej raug tua—Cov neeg phem raug xa mus rau qhov chaw txom nyem uas tsis paub kawg; cov neeg ncaj ncees tau txais kev zoo siab uas tsis muaj qhov kawg. Kwv yees li 77–76 xyoo ua ntej Yexus yug los.
Tshooj 29
Amas xav tshaj tawm kev hloov siab lees txim ib yam li cov tim tswv—Tus Tswv pub tej xib hwb rau txhua haiv neeg—Amas zoo siab rau tus Tswv txoj hauj lwm thiab rau txoj kev vam meej ntawm Amoos thiab nws cov kwv tij. Kwv yees li 76 xyoo ua ntej Yexus yug los.
Tshooj 30
Khaulihos, tus neeg tawm tsam Khetos, thuam Khetos, txoj kev theej txhoj, thiab lub txiaj ntsim qhia tau tej yuav muaj los yav tom ntej—Nws qhia tias tsis muaj Vajtswv, tsis muaj tib neeg txoj kev poob, tsis muaj txoj kev rau txim rau txoj kev txhaum, thiab tsis muaj Khetos—Amas ua tim khawv tias Khetos yuav los thiab txhua yam qhia tseeb hais tias yeej muaj ib tug Vajtswv—Khaulihos tseev kom muaj ib lub cim thiab raug ua kom hais tsis tau lus—Tus dab phem tau tshwm sim rau Khaulihos zoo li ib tug tim tswv thiab qhia rau nws paub yuav hais dab tsi—Nws raug tsuj thiab tuag mus. Kwv yees li 76–74 xyoos ua ntej Yexus yug los.
Tshooj 31
Amas coj ib co tub txib mus coj cov Neeg Xaulas uas tau mus yuam kev lawm kom rov qab los ntseeg—Cov neeg Xaulas xyeej Khetos, ntseeg tej tswv yim cuav tias lawv yog cov uas Vajtswv xaiv, thiab siv tib co lus thov Vajtswv uas neeg sau los teev tiam—Cov tub txib muaj tus Vaj Ntsuj Plig Dawb Huv puv npo—Txoj kev xyiv fab los ntawm Khetos kov yeej lawv tej kev txom nyem. Kwv yees li 74 xyoos ua ntej Yexus yug los.
Tshooj 32
Amas qhia cov neeg pluag uas lawv tej kev txom nyem ua rau lawv txo hwj chim—Kev ntseeg yog ib txoj kev cia siab rau tej yam uas tsis pom uas muaj tseeb—Amas ua tim khawv tias cov tim tswv qhuab qhia rau txiv neej, poj niam, thiab me nyuam yaus—Amas piv txoj lus rau ib lub noob—Yuav tsum muab txoj lus cog thiab tu—Tom qab ntawd txoj lus yuav loj hlob mus ua ib tsob ntoo uas tau de cov txiv ntawm txoj sia nyob mus ib txhis. Kwv yees li 74 xyoos ua ntej Yexus yug los.
Tshooj 33
Xenos qhia tias tib neeg yuav tsum thov Vajtswv thiab teev tiam nyob hauv txhua txhia qhov chaw, thiab qhia tias Vajtswv muab tej kev txiav txim tshem tawm twb vim yog Leej Tub—Xenoj qhia tias Vajtswv muab txoj kev hlub tshua twb vim yog Leej Tub—Mauxes tsa sawv ib lub cim ntawm Vajtswv Leej Tub nyob hauv roob moj sab qhua. Kwv yees li 74 xyoos ua ntej Yexus yug los.
Tshooj 34
Amulej ua tim khawv tias Khetos yog lub hauv paus ntawm txoj lus uas ua rau neeg txais tau txoj kev cawm seej—Tsuas yog yuav muaj ib txoj kev theej txhoj xwb, tsis li ntawd tib neeg sawv daws yeej yuav piam sij—Tag nrho Mauxes txoj kev cai taw tes mus rau Vajtswv Leej Tub txoj kev txi—Txoj hau kev txhiv dim uas nyob mus ib txhis yog nyob ntawm kev ntseeg thiab kev hloov siab lees txim—Thov Vajtswv foom koob hmoov ntawm sab cev nqaij daim tawv thiab sab ntsuj plig—Lub neej no yog lub caij rau tib neeg npaj mus ntsib Vajtswv—Ua hauj lwm nrog kev hwm Vajtswv thiab kev tshee hnyo kom tau txais nej txoj kev cawm seej. Kwv yees li 74 xyoos ua ntej Yexus yug los.
Tshooj 35
Txoj kev tshaj tawm txoj lus rhuav cov Neeg Xaulas lub tom txwv—Lawv muab cov uas hloov siab los ntseeg ntiab tawm, ua rau lawv khiav los koom nrog Amoos cov neeg nyob hauv Yesoos—Amas tu siab vim yog txoj kev phem ntawm cov neeg. Kwv yees li 74 xyoos ua ntej Yexus yug los.
Tshooj 36
Amas ua tim khawv rau Hilamas txog nws txoj kev hloov siab los ntseeg tom qab nws pom ib tug tim tswv—Nws raug tej kev mob ntawm ib tug ntsuj plig uas raug txim; nws thov Yexus lub npe, thiab tom qab ntawd tau yug los ntawm Vajtswv—Nws lub siab muaj kev xyiv fab puv npo—Nws pom tej pab tim tswv coob heev qhuas Vajtswv—Coob leej uas hloov siab los ntseeg tau saj thiab pom ib yam li nws tau saj thiab pom. Kwv yees li 74 xyoos ua ntej Yexus yug los.
Tshooj 37
Cov Neeg Nifais tshwj cov phiaj toog thiab lwm cov vaj lug kub tseg cia xwv kom coj tau neeg los rau kev cawm seej—Cov Neeg Yales raug puas tsuaj vim yog lawv tej kev phem—Yuav tsum muab lawv tej kev lav lus ntsiag to thiab tej kev sib khi lus khaws cia kom cov neeg tsis paub—Sab laj nrog tus Tswv txog txhua yam uas nej ua—Ib yam li lub Liyahaunas coj cov Neeg Nifais kev, ces Khetos txoj lus yuav coj tib neeg mus rau txoj sia nyob mus ib txhis. Kwv yees li 74 xyoos ua ntej Yexus yug los.
Tshooj 38
Sinploos raug tsim txom rau txoj kev ncaj ncees—Txoj kev cawm seej yog los ntawm Khetos, tus uas yog txoj sia thiab txoj kev kaj ntawm neeg ntiaj teb—Tswj tag nrho koj tej kev ntswv siab. Kwv yees li 74 xyoos ua ntej Yexus yug los.
Tshooj 39
Kev txhaum ntawm kev sib daj dee yog kev qias—Khali-atoos tej kev txhaum ua rau cov Neeg Xaulas tsis kam txais yuav txoj lus—Khetos txoj kev txhiv dim yuav pab cawm tau cov uas rau siab ntseeg uas nyob ua ntej nws. Kwv yees li 74 xyoos ua ntej Yexus yug los.
Tshooj 40
Khetos ua kom txhua tus tib neeg sawv rov los—Cov tuag uas ncaj ncees mus rau yeeb tsheej thiab cov phem mus rau qhov chaw tsaus ntuj nti mus nyob tos lub caij ntawm lawv txoj kev sawv rov los—Hauv lub caij Sawv Rov Los, txhua yam yuav raug txum tim rov qab los rau tej qub chaw thiab qub cev uas zoo tag nrho. Kwv yees li 74 xyoos ua ntej Yexus yug los.
Tshooj 41
Nyob hauv txoj Kev Sawv Rov Los tib neeg yuav sawv los rau ib txoj kev zoo siab uas tsis txawj kawg los sis txoj kev txom nyem uas tsis txawj kawg—Kev phem yeej ib txwm tsis yog kev zoo siab—Neeg uas nyiam sab cev nqaij daim tawv tsis muaj Vajtswv nrog lawv nyob hauv lub ntiaj teb—Nyob hauv txoj Kev Txum Tim Rov Qab Los, txhua tus neeg yuav rov tau txais tej cwj pwm thiab xeeb ceem uas nws xyaum tau nyob hauv lub neej txawj tuag no. Kwv yees li 74 xyoos ua ntej Yexus yug los.
Tshooj 42
Lub neej uas txawj ploj tuag yog ib lub caij sim siab kom tib neeg muaj peev xwm hloov siab lees txim thiab teev tiam Vajtswv—Txoj Kev Poob coj tau kev tuag ntawm sab cev nqaij daim tawv thiab sab ntsuj plig los rau tag nrho noob neej—Kev txhiv dim yuav los ntawm kev hloov siab lees txim—Vajtswv tus kheej theej neeg ntiaj teb tej kev txhaum—Kev hlub tshua yog rau cov uas hloov siab lees txim—Tag nrho lwm cov uas tsis hloov siab lees txim yuav raug Vajtswv txoj kev txim lij—Txoj kev hlub tshua los vim yog txoj Kev Theej Txhoj—Tsuas yog cov uas hloov siab lees txim tiag xwb thiaj li yuav txais kev cawm dim. Kwv yees li 74 xyoos ua ntej Yexus yug los.
Tshooj 43
Amas thiab nws cov tub tshaj tawm txoj lus—Cov neeg Xaulas thiab lwm cov Neeg Nifais uas ntxeev siab los ua cov Neeg Lamas—Cov Neeg Lamas tuaj tawm tsam cov Neeg Nifais nyob hauv hav rog—Maulaunais muab tej cuab yeej ua rog rau cov Neeg Nifais hnav—Tus Tswv qhia rau Amas paub txog lub tom txwv ntawm cov Neeg Lamas—Cov Neeg Nifais tiv thaiv lawv tej tsev, tej kev ywj pheej, lub cuab lub yig, thiab txoj kev teev ntuj—Maulaunais thiab Lihais cov tub rog vij cov Neeg Lamas. Kwv yees li 74 xyoos ua ntej Yexus yug los.
Tshooj 44
Maulaunais txib kom cov Neeg Lamas ua kev khi lus ntawm kev thaj yeeb los sis raug puas tsuaj—Xelaheenas xyeej kev khi lus ntawd, thiab npluav rog rov pib ntxiv mus—Maulaunais cov tub rog kov yeej cov Neeg Lamas. Kwv yees li 74–73 xyoos ua ntej Yexus yug los.
Tshooj 45
Hilamas ntseeg Amas tej lus—Amas qhia tej yuav muaj los yav tom ntej txog txoj kev puas tsuaj ntawm cov Neeg Nifais—Nws foom koob hmoov thiab foom tsis zoo rau thaj av—Tej zaum Amas tau raug tus Ntsuj Plig coj mus, ib yam li Mauxes—Txoj kev tsis haum xeeb huaj vam nyob hauv lub koom txoos. Kwv yees li 73 xyoos ua ntej Yexus yug los.
Tshooj 46
Amalikhaiyas tuav hauv ntxeev siab los ua vaj ntxwv—Maulaunais tsa tus chij ntawm kev ywj pheej—Nws txoos cov neeg kom los tiv thaiv lawv txoj kev teev ntuj—Cov uas ntseeg tiag tiag hu ua cov ntseeg Khetos—Yuav tsom kwm ib co uas seem tshuav ntawm Yauxej—Amalikhaiyas thiab cov neeg ntxeev siab khiav mus rau tom thaj av Nifais—Cov uas tsis kam txhawb txoj kev ywj pheej raug muab tua. Kwv yees li 73–72 xyoos ua ntej Yexus yug los.
Tshooj 47
Amalikhaiyas siv kev dag ntxias, kev tua neeg, thiab kev tuav hauv kom tau los ua cov Neeg Lamas tus vaj ntxwv—Cov Neeg Nifais uas ntxeev siab tseem phem thiab nyaum tshaj cov Neeg Lamas. Kwv yees li 72 xyoos ua ntej Yexus yug los.
Tshooj 48
Amalikhaiyas txhaub kom cov Neeg Lamas tawm tsam cov Neeg Nifais—Maulaunais npaj nws cov neeg los tiv thaiv lub hom phiaj ntawm cov ntseeg Khetos—Nws zoo siab rau txoj kev ywj pheej thiab txoj kev ywj siab thiab yog ib tug neeg muaj hwj chim ntawm Vajtswv. Kwv yees li 72 xyoos ua ntej Yexus yug los.
Tshooj 49
Cov Neeg Lamas uas tuaj txeeb tsis tau lub nroog Amoonaihas thiab Nau-as uas tau muab ua kom muaj zog—Amalikhaiyas foom phem rau Vajtswv thiab cog lus tias yuav haus Maulaunais cov ntshav—Hilamas thiab nws cov kwv tij ua kom lub koom txoos muaj zog mus ntxiv. Kwv yees li 72 xyoos ua ntej Yexus yug los.
Tshooj 50
Maulaunais ua kom cov Neeg Nifais tej av ruaj khov—Lawv ua ntau lub nroog tshiab—Kev ua rog thiab kev puas tsuaj yuav raug cov Neeg Nifais nyob rau lub caij thaum lawv ua kev phem thiab kev qias—Thi-akhas kov yeej Mauli-atoos thiab nws cov neeg ntxeev siab—Nifaihas tuag, thiab nws tus tub Pehaulas los zaum saum lub rooj txiav txim. Kwv yees li 72–67 xyoo ua ntej Yexus yug los.
Tshooj 51
Cov neeg vaj ntxwv nrhiav kev pauv txoj kev cai thiab xaiv ib tug vaj ntxwv—Cov neeg lub suab pab txhawb Pehaulas thiab cov neeg ywj siab—Maulaunais yuam cov neeg vaj ntxwv kom tiv thaiv lawv lub teb chaws tsis li ces raug muab tua—Amalikhaiyas thiab cov Neeg Lamas txeeb tau ntau lub nroog uas muaj chaw tiv thaiv zoo—Thi-akhas ua rau cov Neeg Lamas thim rov qab thiab tua Amalikhaiyas tuag nyob hauv nws lub tsev pheeb suab ntaub. Kwv yees li 67–66 xyoo ua ntej Yexus yug los.
Tshooj 52
Amauloos sawv Amalikhaiyas chaw ua cov Neeg Lamas tus vaj ntxwv—Maulaunais, Thi-akhas, thiab Lihais coj cov Neeg Nifais mus ua rog tawm tsam yeej cov Neeg Lamas—Rov qab txeeb tau lub nroog Mules, thiab Yakhauj tus uas yog neeg Xaulas raug tua tuag. Kwv yees li 66–64 xyoos ua ntej Yexus yug los.
Tshooj 53
Cov Neeg Nifais siv cov Neeg Lamas uas raug txim ua kom lub nroog Huaj Vam ruaj khov tuaj—Kev tsis sib haum xeeb nyob hauv cov Neeg Nifais cia rau cov Neeg Lamas yeej ntau ntxiv—Hilamas ua tus thawj coj rau ob txhiab tug tub hluas ntawm Amoos cov neeg. Kwv yees li 64–63 xyoos ua ntej Yexus yug los.
Tshooj 54
Amauloos thiab Maulaunais sib tham txog kev sib pauv cov neeg raug txim—Maulaunais hais kom cov Neeg Lamas thim thiab tsum lawv tej kev tawm tsam tua neeg—Amauloos hais kom cov Neeg Nifais tso lawv tej cuab yeej ua rog thiab cia li ua cov Neeg Lamas qhev. Kwv yees li 63 xyoos ua ntej Yexus yug los.
Tshooj 55
Maulaunais tsis kam pauv cov neeg raug txim—Ntxias tau cov Neeg Lamas tej tub zov qaug cawv, thiab tso tau cov Neeg Nifais uas raug txim—Txeeb tau lub nroog Nkis yam tsis muaj ntshav nrog. Kwv yees li 63–62 xyoos ua ntej Yexus yug los.
Tshooj 56
Hilamas xa ib tsab ntawv mus rau Maulaunais, qhia txog kev ua rog nrog cov Neeg Lamas—Eethipas thiab Hilamas kov yeej cov Neeg Lamas ntawm ib npluav rog loj—Hilamas ob txhiab tug tub hluas sib ntaus sib tua nrog hwj chim uas muaj txuj ci, thiab tsis muaj ib tug raug tua li. Nqe 1, Kwv yees li 62 xyoos ua ntej Yexus yug los; nqe 2–19, kwv yees li 66 xyoo ua ntej Yexus yug los; nqe 20–57, kwv yees li 65–64 xyoos ua ntej Yexus yug los.
Tshooj 57
Hilamas qhia txog qhov txeeb tau Eethiphalas thiab cov neeg nyoo swb hauv Khumenais thiab tom qab ntawd qhia txog kev tiv thaiv ntawm Khumenais—Nws cov tub hluas Amoos sib ntaus sib tua yam tsis ntshai li; txhua tus puav leej raug mob, tiam sis tsis muaj ib tug tuag li—Nkis qhia txog txoj kev tua thiab txoj kev dim ntawm cov Neeg Lamas raug txim. Kwv yees li 63 xyoos ua ntej Yexus yug los.
Tshooj 58
Hilamas, Nkis, thiab Thi-onaws siv tom txwv txeeb lub nroog Meethais—Cov Neeg Lamas thim rov qab—Vajtswv tsom kwm cov neeg Amoos cov tub thaum lawv sawv khov kho tiv thaiv lawv txoj kev ywj pheej thiab txoj kev ntseeg. Kwv yees li 63–62 xyoos ua ntej Yexus yug los.
Tshooj 59
Maulaunais thov Pehaulas kom txhawb zog rau Hilamas cov tub rog—Cov Neeg Lamas txeeb tau lub nroog Nifaihas—Maulaunais npau taws rau cov nom tswv. Kwv yees li 62 xyoos ua ntej Yexus yug los.
Tshooj 60
Maulaunais yws rau Pehaulas txog tej nom tswv txoj kev tsis quav ntsej txog cov tub rog—Tus Tswv cia cov neeg ncaj ncees raug tua—Cov Neeg Nifais yuav tsum siv tag nrho lawv lub zog thiab tej khoom ua kom lawv dim ntawm lawv cov yeeb ncuab—Maulaunais npau taws yuav tawm tsam cov nom tswv yog tias tsis muab kev pab xa mus rau nws cov tub rog. Kwv yees li 62 xyoos ua ntej Yexus yug los.
Tshooj 61
Pehaulas qhia Maulaunais txog kev kub ntxhov thiab kev ntxeev siab tawm tsam lub tsoom fwv—Cov neeg vaj ntxwv txeeb tau Xalahelas thiab sib koom tes nrog cov Neeg Lamas—Pehaulas thov kom cov tub rog mus pab tawm tsam cov neeg ntxeev siab. Kwv yees li 62 xyoos ua ntej Yexus yug los.
Tshooj 62
Maulaunais taug kev mus pab Pehaulas nyob tom thaj av Nkide-oos—Cov neeg vaj ntxwv uas tsis kam tiv thaiv lawv lub teb chaws raug tua pov tseg—Pehaulas thiab Maulaunais rov txeeb tau Nifaihas—Cov Neeg Lamas coob leej los koom nrog Amoos cov neeg—Thi-akhas tua tau Amauloos thiab nws tus kheej raug tua—Cov Neeg Nifais muab cov Neeg Lamas raws khiav tawm ntawm thaj av, thiab txhim tsa tau kev thaj yeeb—Hilamas rov qab mus qhuab qhia thiab txhim tsa lub Koom Txoos. Kwv yees li 62–57 xyoo ua ntej Yexus yug los.
Tshooj 63
Sinploos thiab tom qab ntawd Hilamas yog tus khaws cov ceev xwm txheej dawb ceev tseg—Cov Neeg Nifais coob leej mus rau pem thaj av sab qaum teb—Henkos txua nkoj, uas nquam tawm mus nyob rau tus dej hiav txwv sab hnub poob—Maulaunaihas ua rog yeej cov Neeg Lamas. Kwv yees li 56–52 xyoos ua ntej Yexus yug los.