2 Nifais

Phau Ntawv Maumoos

Tej Yam Nyob Haud
Zaj Lus Piav thiab Cov Lus Ua Tim Khawv
1 Nifais
2 Nifais
Yakhauj
Enos
Yaloos
Oonis
Maumoos cov Lus
Mauxiyas
Amas
Hilamas
3 Nifais
4 Nifais
Maumoos
Ethaws
Maulaunais

2 Nifais

Tshooj 1
Lihais qhia tej yuav muaj los yav tom ntej ntsig txog ib thaj av ywj pheej—Nws cov tub ki yuav tawg khiav ri niab thiab yuav raug puas tsuaj yog hais tias lawv xyeej cov neeg Ixayees tus Dawb Huv—Nws ntuas nws cov tub kom lawv muab tej cuab yeej ua rog ntawm txoj kev ncaj ncees los hnav. Kwv yees li 588–570 xyoo ua ntej Yexus yug los.
Tshooj 2
Txoj kev txhiv dim yog los ntawm tus Mexiyas Dawb Huv—Txoj kev ywj siab xaiv yog ib qho tseem ceeb rau txoj kev muaj sia ua neej nyob thiab txoj kev vam meej—Adas tau poob xwv kom thiaj yuav muaj taus tib neeg—Neeg muaj kev ywj siab xaiv txoj kev ywj pheej thiab txoj sia nyob mus ib txhis. Kwv yees li 588–570 xyoo ua ntej Yexus yug los.
Tshooj 3
Yauxej nyob hauv teb chaws Iyiv tau ua yog toog pom cov Neeg Nifais—Nws qhia tej yuav muaj los yav tom ntej txog Joseph Smith, hnub nyoog kawg tus pom tau; txog Mauxes, tus uas yuav tso cov neeg Ixayees dim; thiab txog qhov uas yuav muaj Phau Ntawv Maumoos tawm los. Kwv yees li 588–570 xyoo ua ntej Yexus yug los.
Tshooj 4
Lihais ntuas thiab foom koob hmoov rau nws cov xeeb leej xeeb ntxwv—Nws tuag thiab raug muab faus—Nifais zoo siab rau Vajtswv txoj kev ua zoo—Nifais tso siab plhuav rau tus Tswv mus ib txhis li. Kwv yees li 588–570 xyoo ua ntej Yexus yug los.
Tshooj 5
Cov Neeg Nifais cais lawv tus kheej tawm ntawm cov Neeg Lamas, coj Mauxes txoj kev cai, thiab tsa ib lub tuam tsev—Vim lawv txoj kev tsis ntseeg, cov Neeg Lamas thiaj raug txiav tawm ntawm tus Tswv lub xub ntiag mus, raug foom tsis zoo, thiab peem tsheej ua ib txoj kev nplawm rau cov Neeg Nifais. Kwv yees li 588–559 xyoos ua ntej Yexus yug los.
Tshooj 6
Yakhauj rov qab qhia txog cov Neeg Yudais zaj keeb kwm: Lawv txoj kev poob cev qhev nyob hauv Npanpiloos thiab lawv txoj kev dim rov qab los; cov neeg Ixayees tus Dawb Huv txoj kev qhuab qhia thiab txoj kev tuag saum ntoo khaub lig; txoj kev pab uas tau txais los ntawm Lwm Haiv Neeg; thiab cov Neeg Yudais txoj kev txum tim rov qab los nyob hauv hnub nyoog kawg thaum lawv ntseeg tus Mexiyas. Kwv yees li 559–545 xyoos ua ntej Yexus yug los.
Tshooj 7
Yakhauj nyeem ntxiv nyob hauv Yaxayas: Yaxayas qhia txog tus Mexiyas—Tus Mexiyas yuav muaj tus nplaig li tus neeg txawj ntse—Nws yuav tig Nws lub nraub qaum rau cov uas ntaus Nws—Nws yuav tsis poob ntsej muag—Piv rau Yaxayas 50. Kwv yees li 559–545 xyoos ua ntej Yexus yug los.
Tshooj 8
Yakhauj nyeem ntxiv nyob hauv Yaxayas: Nyob hauv hnub nyoog kawg, tus Tswv yuav nplij Xi-oos siab thiab sau Ixayees los ua ke—Cov uas twb txhiv dim lawm yuav los rau hauv Xi-oos nrog txoj kev xyiv fab kawg nkaus li—Piv rau Yaxayas 51 thiab 52:1–2. Kwv yees li 559–545 xyoos ua ntej Yexus yug los.
Tshooj 9
Yakhauj piav hais tias tus Tswv yuav muab cov Neeg Yudais sau los ua ke nyob hauv tag nrho lawv tej thaj av uas cog lus cia—Txoj kev theej txhoj yog kev them nqi rau noob neej txoj kev poob—Cov neeg uas tuag lawm lawv lub cev yuav sawv hauv qhov ntxa rov qab los, thiab lawv tej ntsuj plig yuav sawv hauv ntuj txiag teb tsaus los thiab sawv hauv yeeb tsheej los—Lawv yuav raug txiav txim—Txoj kev theej txhoj cawm tau neeg dim ntawm txoj kev tuag, ntawm ntuj txiag teb tsaus, ntawm tus dab phem, thiab ntawm txoj kev tsim txom uas tsis muaj qhov kawg—Cov neeg ncaj ncees yuav tau kev cawm dim nyob hauv Vajtswv lub nceeg vaj—Qhia txog tej txim rau tej kev txhaum—Cov neeg Ixayees tus Dawb Huv yog tus uas zov lub rooj vag. Kwv yees li 559–545 xyoos ua ntej Yexus yug los.
Tshooj 10
Yakhauj piav hais tias cov Neeg Yudais yuav muab lawv tus Vajtswv ntsia rau saum ntoo khaub lig—Lawv yuav tawg khiav ri niab mus txog thaum uas lawv pib ntseeg Nws—Teb chaws Amelikas yuav yog ib thaj av ywj pheej uas nyob tsis muaj vaj ntxwv kav—Rov los sib raug zoo nrog Vajtswv thiab txais txoj kev cawm seej los ntawm Nws txoj kev tshav ntuj. Kwv yees li 559–545 xyoos ua ntej Yexus yug los.
Tshooj 11
Yakhauj pom nws tus Txhiv Dim—Mauxes txoj kev cai yog lub cim txog Khetos thiab ua tim khawv qhia tseeb tias Nws yuav los. Kwv yees li 559–545 xyoos ua ntej Yexus yug los.
Tshooj 12
Yaxayas pom lub tuam tsev hauv hnub nyoog kawg, pom txoj kev sau Ixayees los ua ke, thiab pom txoj kev txiav txim thiab txoj kev thaj yeeb thaum lub caij milenias—Cov neeg muab hlob thiab neeg phem yuav raug txo kom qis thaum lub caij Los Zaum Ob—Piv rau Yaxayas 2. Kwv yees li 559–545 xyoos ua ntej Yexus yug los.
Tshooj 13
Yudas thiab Yeluxalees yuav raug txim rau lawv txoj kev tsis mloog lus—Tus Tswv hais lus pab Nws cov neeg thiab txiav txim rau lawv—Xi-oos cov ntxhais raug foom tsis zoo thiab raug tsim txom vim lawv ua li neeg ntiaj teb nyiam—Piv rau Yaxayas 3. Kwv yees li 559–545 xyoos ua ntej Yexus yug los.
Tshooj 14
Tus Tswv yuav muab Xi-oos thiab Xi-oos cov ntxhais txhiv dim thiab ntxuav lawv kom huv nyob rau lub caij milenias—Piv rau Yaxayas 4. Kwv yees li 559–545 xyoos ua ntej Yexus yug los.
Tshooj 15
Tus Tswv lub vaj txiv hmab (Ixayees) yuav hloov los ua ib qho chaw tsis muaj neeg nyob thiab Nws cov neeg yuav tawg khiav ri niab—Kev txom nyem yuav los rau lawv thaum lawv tso qhov tseeb tseg thiab tawg khiav ri niab—Tus Tswv yuav tsa ib tug chij thiab sau Ixayees los ua ke—Piv rau Yaxayas 5. Kwv yees li 559–545 xyoos ua ntej Yexus yug los.
Tshooj 16
Yaxayas pom tus Tswv—Tus Tswv zam txim rau Yaxayas tej kev txhaum—Tus Tswv hu nws mus qhia tej yuav muaj los yav tom ntej—Nws qhia yam uas yuav muaj los yav tom ntej txog qhov uas cov Neeg Yudais xyeej Khetos tej lus qhuab qhia—Ib co neeg uas seem tshuav yuav rov qab los—Piv rau Yaxayas 6. Kwv yees li 559–545 xyoos ua ntej Yexus yug los.
Tshooj 17
Efala-is thiab Xilias ua rog tawm tsam Yudas—Khetos yuav yug los ntawm ib tug nkauj xwb—Piv rau Yaxayas 7. Kwv yees li 559–545 xyoos ua ntej Yexus yug los.
Tshooj 18
Khetos yuav zoo li ib txhib zeb dawm taw thiab ib lub pob zeb ua mob ntsaj—Nrhiav tus Tswv, tsis txhob mus nrhiav cov kws yees siv uas hais lus tuj taws—Tig mus rau txoj kev cai thiab rau tej lus tim khawv ua tus coj kev—Piv rau Yaxayas 8. Kwv yees li 559–545 xyoos ua ntej Yexus yug los.
Tshooj 19
Yaxayas hais txog tus Mexiyas—Cov neeg uas nyob hauv kev tsaus ntuj yuav pom kev kaj ci ntsa iab—Ib tug me nyuam yug los rau peb—Nws yuav yog ib tug Tub Vaj Ntxwv ntawm kev Thaj Yeeb thiab yuav los kav saum Daviv lub rooj theej kiab—Piv rau Yaxayas 9. Kwv yees li 559–545 xyoos ua ntej Yexus yug los.
Tshooj 20
Kev puas tsuaj ntawm Axilias yog ib lub cim ntawm txoj kev puas tsuaj ntawm cov neeg phem thaum lub caij rau txoj Kev Los Zaum Ob—Thaum tus Tswv rov qab los dua yuav tsis muaj neeg seem nyob coob—Yakhauj cov seem tshuav yuav rov qab los thaum lub sij hawm ntawd—Piv rau Yaxayas 10. Kwv yees li 559–545 xyoos ua ntej Yexus yug los.
Tshooj 21
Yexais tus kav (Khetos) yuav txiav txim ncaj ncees—Kev paub txog Vajtswv yuav nrov ncha mus puv lub ntiaj teb nyob rau lub caij Milenias—Tus Tswv yuav tsa ib tug chij thiab sau Ixayees los ua ke—Piv rau Yaxayas 11. Kwv yees li 559–545 xyoos ua ntej Yexus yug los.
Tshooj 22
Nyob rau hauv lub caij milenias neeg txhua tus yuav qhuas tus Tswv—Nws yuav nrog lawv nyob—Piv rau Yaxayas 12. Kwv yees li 559–545 xyoos ua ntej Yexus yug los.
Tshooj 23
Npanpiloos txoj kev puas tsuaj yog ib qho piv txwv ntawm kev puas tsuaj thaum txoj Kev Los Zaum Ob—Yuav yog ib hnub rau kev npau taws thiab kev pauj—Npanpiloos (lub ntiaj teb) yuav vau mus ib txhis li—Piv rau Yaxayas 13. Kwv yees li 559–545 xyoos ua ntej Yexus yug los.
Tshooj 24
Tus Tswv yuav muab Ixayees sau los ua ke thiab Ixayees yuav zoo siab so nyob hauv lub caij milenias—Luxifaws raug ntiab tawm saum ntuj ceeb tsheej vim nws ntxeev siab—Ixayees yuav kov yeej Npanpiloos (lub ntiaj teb)—Piv rau Yaxayas 14. Kwv yees li 559–545 xyoos ua ntej Yexus yug los.
Tshooj 25
Nifais xyiv fab rau txoj kev qhia meej—Yuav to taub Yaxayas tej kev qhia uas yuav muaj los yav tom ntej nyob rau hauv hnub nyoog kawg—Cov Neeg Yudais yuav rov qab tim Npanpiloos los, ntsia tus Mexiyas rau saum ntoo khaub lig, thiab tawg khiav ri niab thiab raug nplawm—Lawv yuav raug coj rov qab los thaum lawv ntseeg tus Mexiyas—Nws yuav xub los rau pua xyoo tom qab Lihais tau ncaim Yeluxalees—Cov Neeg Nifais coj Mauxes txoj kev cai thiab ntseeg Khetos, tus uas yog Ixayees tus Dawb Huv. Kwv yees li 559–545 xyoos ua ntej Yexus yug los.
Tshooj 26
Khetos yuav qhuab qhia cov Neeg Nifais—Nifais twb xub pom txoj kev puas tsuaj ntawm nws cov neeg—Lawv yuav hais lus tawm hauv av los—Lwm haiv neeg yuav tsa tej koom txoos cuav thiab tej kev tuav hauv—Tus Tswv txwv tsis pub neeg siv tswv yim xib hwb cuav. Kwv yees li 559–545 xyoos ua ntej Yexus yug los.
Tshooj 27
Kev tsaus ntuj thiab kev tso qhov tseeb tseg yuav los duav lub ntiaj teb nyob hauv hnub nyoog kawg—Phau Ntawv Maumoos yuav tawm los—Peb tug tim khawv yuav ua tim khawv txog phau ntawv—Tus neeg muaj kev kawm yuav tsis muaj cuab kav nyeem tau phau ntawv uas raug muab khi cia—Tus Tswv yuav ua ib txoj hauj lwm zoo kawg nkaus thiab ib qho txuj ci xav tsis thoob—Piv rau Yaxayas 29. Kwv yees li 559–545 xyoos ua ntej Yexus yug los.
Tshooj 28
Tib neeg yuav tsa ntau lub koom txoos cuav thaum txog hnub kawg—Lawv yuav qhia tej lus cuav, thiab tej lus tsis muaj qab hau thiab tej lus qhia uas vwm—Yuav muaj kev tso qhov tseeb tseg vim yog tej xib hwb cuav—Tus dab phem yuav tshum neeg lub siab—Nws yuav qhia txhua txhia yam lus qhuab qhia cuav. Kwv yees li 559–545 xyoos ua ntej Yexus yug los.
Tshooj 29
Lwm Haiv Neeg feem ntau yuav xyeej Phau Ntawv Maumoos—Lawv yuav hais tias: Peb tsis xav tau Npaivnpaum ntxiv lawm—Tus Tswv hais lus rau ntau haiv neeg—Nws yuav txiav txim rau neeg ntiaj teb tawm ntawm cov ntawv uas tau sau tej no. Kwv yees li 559–545 xyoos ua ntej Yexus yug los.
Tshooj 30
Tus Tswv yuav suav Lwm Haiv Neeg cov uas tau hloov siab los ntseeg nrog cov neeg khi lus—Muaj coob leej Neeg Lamas thiab Neeg Yudais yuav ntseeg txoj lus thiab los ua ib co neeg ntxim nyiam—Tus Tswv yuav muab Ixayees txum tim rov qab muaj li qub thiab cov neeg phem yuav raug puas tsuaj. Kwv yees li 559–545 xyoos ua ntej Yexus yug los.
Tshooj 31
Nifais qhia vim li cas Khetos thiaj ua kev cai raus dej—Tib neeg yuav tsum coj raws li Khetos, ua kev cai raus dej, txais tus Vaj Ntsuj Plig Dawb Huv, thiab nyiaj mus kom txog thaum kawg thiaj li txais kev cawm dim—Kev hloov siab lees txim thiab kev ua kev cai raus dej yog lub rooj vag uas mus rau txoj kev ti thiab txoj kev nqaim—Txoj sia nyob mus ib txhis yuav los rau cov uas ua raws tej lus txib tom qab ua kev cai raus dej. Kwv yees li 559–545 xyoos ua ntej Yexus yug los.
Tshooj 32
Cov tim tswv hais lus los ntawm tus Vaj Ntsuj Plig Dawb Huv lub hwj chim—Tib neeg yuav tsum thov Vajtswv thiab kawm kev txawj ntse rau lawv tus kheej los ntawm tus Vaj Ntsuj Plig Dawb Huv. Kwv yees li 559–545 xyoos ua ntej Yexus yug los.
Tshooj 33
Nifais tej lus muaj tseeb—Nws tej lus ua tim khawv txog Khetos—Cov uas ntseeg Khetos yuav ntseeg Nifais cov lus—Lawv yuav sawv ntsug ua pov thawj nyob ntawm lub rooj txiav txim. Kwv yees li 559–545 xyoos ua ntej Yexus yug los.