1 Nifais

Phau Ntawv Maumoos

Tej Yam Nyob Haud
Zaj Lus Piav thiab Cov Lus Ua Tim Khawv
1 Nifais
2 Nifais
Yakhauj
Enos
Yaloos
Oonis
Maumoos cov Lus
Mauxiyas
Amas
Hilamas
3 Nifais
4 Nifais
Maumoos
Ethaws
Maulaunais

1 Nifais

Tshooj 1
Nifais pib sau nws cov neeg phau ceev xwm txheej—Lihais ua yog toog pom ib tug ncej nplaim hluav taws thiab nyeem ib phau ntawv uas qhia tej yuav muaj los yav tom ntej—Nws qhuas Vajtswv, nws qhia txog qhov uas tus Mexiyas yuav los, thiab nws qhia txog qhov uas Yeluxalees yuav raug puas tsuaj mus—Cov Neeg Yudais tsim txom nws. Kwv yees li 600 xyoo ua ntej Yexus yug los.
Tshooj 2
Lihais coj nws tsev neeg mus rau tom roob moj sab qhua uas nyob ze tus Dej Hiav Txwv Liab—Lawv tso lawv vaj tse tseg—Lihais ua kev cai txi pub rau tus Tswv thiab nws qhia nws cov tub kom ua raws li tej lus txib—Lamas thiab Lemu-ees yws yws rau nkawd txiv—Nifais mloog lus thiab muaj lub siab ntseeg thov; tus Tswv hais lus rau nws, thiab xaiv nws los kav nws cov tij laug. Kwv yees li 600 xyoo ua ntej Yexus yug los.
Tshooj 3
Lihais cov tub rov qab mus pem Yeluxalees mus nqa cov phiaj toog—Lanpas tsis kam muab cov phiaj rau lawv—Nifais ntuas thiab yaum nws cov tij laug—Lanpas txhav lawv tej khoom thiab yuav muab lawv tua—Lamas thiab Lemu-ees ntaus Nifais thiab Xam thiab ib tug tim tswv txwv tsis pub nkawd ua li ntawd. Kwv yees li 600–592 xyoos ua ntej Yexus yug los.
Tshooj 4
Nifais muab Lanpas tua raws li tus Tswv txib nws ua thiab tom qab ntawd nws siv tom txwv muab tau cov phiaj toog—Xaulas yeem mus koom nrog Lihais tsev neeg nyob tom roob moj sab qhua. Kwv yees li 600–592 xyoos ua ntej Yexus yug los.
Tshooj 5
Xaliyas yws Lihais—Nkawd zoo siab rau qhov nkawd cov tub rov qab los txog—Lawv ua kev cai txi—Cov phiaj toog muaj Mauxes thiab cov yaj saub tej lus sau—Cov phiaj qhia tias Lihais yog Yauxej ib tug xeeb leej xeeb ntxwv—Lihais qhia tej yuav muaj los yav tom ntej txog nws cov tub ki thiab txog kev ceev cov phiaj. Kwv yees li 600–592 xyoos ua ntej Yexus yug los.
Tshooj 6
Nifais sau tej yam txog Vajtswv—Nifais lub hom phiaj yog yaum kom neeg los cuag Anplaham tus Vajtswv thiab txais kev cawm dim. Kwv yees li 600–592 xyoos ua ntej Yexus yug los.
Tshooj 7
Lihais cov tub rov qab mus rau pem Yeluxalees thiab caw Ixama-ees thiab nws tsev neeg nrog lawv khiav—Lamas thiab lwm tus ntxeev siab—Nifais ntuas nws cov tij laug kom lawv ntseeg tus Tswv—Lawv muab hlua khi nws thiab tuav tswv yim muab nws tua—Lub hwj chim ntawm txoj kev ntseeg ua rau nws dim tau—Nws cov tij laug thov zam txim—Lihais thiab nws cov neeg ua kev cai txi thiab hlawv tsiaj. Kwv yees li 600–592 xyoos ua ntej Yexus yug los.
Tshooj 8
Lihais ua yog toog pom tsob ntoo uas cawm neeg txoj sia—Nws noj tsob ntoo ntawd cov txiv thiab nws xav kom nws tsev neeg tau noj thiab—Nws pom ib tug nqaj hlau, nws pom ib txoj kev ti thiab nqaim, thiab nws pom txoj kev tsaus ntuj muaj huab zig niab uas npog neeg—Xaliyas, Nifais, thiab Xam noj cov txiv, tiam sis Lamas thiab Lemu-ees tsis kam noj. Kwv yees li 600–592 xyoos ua ntej Yexus yug los.
Tshooj 9
Nifais ua ob phau ceev xwm txheej—Ob phau puav leej hu ua Nifais cov phiaj—Cov phiaj loj yog sau zaj keeb kwm kev ua neej ntawm cov neeg; cov phiaj me tsuas yog sau txog tej yam uas dawb ceev xwb. Kwv yees li 600–592 xyoos ua ntej Yexus yug los.
Tshooj 10
Lihais qhia ua ntej txog cov neeg Npanpiloos txoj kev txhom cov Neeg Yudais mus ua qhev—Nws hais txog tus Mexiyas, tus Cawm Seej, tus Txhiv Dim uas yuav los hauv cov Neeg Yudais—Nws kuj qhia ntsig txog tus uas yuav los muab Vajtswv tus Me Nyuam Yaj ua kev cai raus dej—Lihais qhia txog tus Mexiyas txoj kev tuag thiab txoj kev sawv rov los—Nws muab cov neeg Ixayees txoj kev tawg khiav ri niab thiab txoj kev sib sau ua ke piv rau ib tsob ntoo txiv roj—Nifais hais txog Vajtswv Leej Tub, txog lub txiaj ntsim Vaj Ntsuj Plig Dawb Huv, thiab txog qhov uas yuav tsum muaj kev ncaj ncees. Kwv yees li 600–592 xyoos ua ntej Yexus yug los.
Tshooj 11
Nifais pom tus Tswv tus Ntsuj Plig thiab pom tsob ntoo uas cawm neeg txoj sia nyob hauv kev ua yog toog—Nws pom Vajtswv Leej Tub niam thiab kawm txog qhov uas Vajtswv yuav nqis los nrog neeg nyob—Nws pom Vajtswv tus Me Nyuam Yaj txoj kev ua kev cai raus dej, txoj kev qhuab qhia, thiab txoj kev raug muab ntsia rau saum ntoo khaub lig—Nws kuj pom tus Me Nyuam Yaj Kaum Ob tug Thwj Tim txoj kev hu thiab txoj kev qhuab qhia. Kwv yees li 600–592 xyoos ua ntej Yexus yug los.
Tshooj 12
Nifais ua yog toog pom thaj av uas cog lus cia; txoj kev ncaj ncees, txoj kev ua phem, thiab txoj kev puas tsuaj ntawm cov neeg uas nyob ntawm thaj av no; qhov uas Vajtswv tus Me Nyuam Yaj los nrog lawv nyob; qhov uas Kaum Ob tug Thwj Tim thiab Kaum Ob tug Thwj Tim yuav txiav txim rau cov neeg Ixayees li cas; qhov ntxim ntxub thiab qhov vuab tsuab ntawm cov neeg uas tso txoj kev ntseeg tseg zuj zus. Kwv yees li 600–592 xyoos ua ntej Yexus yug los.
Tshooj 13
Nifais ua yog toog pom tus dab phem tsa nws lub koom txoos nyob nrog Lwm Haiv Neeg; txoj kev nrhiav tau thiab txoj kev ua neej nyob ntawm teb chaws Amelikas; txoj kev poob ntau yam uas meej thiab muaj nuj nqis heev ntawm phau Npaivnpaum; qhov uas vim muaj li ntawd lwm haiv neeg thiaj tso qhov tseeb tseg; txoj kev muab txoj moo zoo txum tim rov qab los, qhov uas yuav muaj vaj lug kub hauv hnub nyoog kawg los, thiab txoj kev txhim tsa Xi-oos. Kwv yees li 600–592 xyoos ua ntej Yexus yug los.
Tshooj 14
Ib tug tim tswv qhia rau Nifais txog tej koob hmoov thiab tej kev foom tsis zoo uas yuav los raug Lwm Haiv Neeg—Tsuas muaj ob lub koom txoos nkaus xwb: Vajtswv tus Me Nyuam Yaj lub Koom Txoos thiab tus dab phem lub koom txoos—Cov Ntseeg Vajtswv uas nyob hauv txhua txhia haiv neeg raug lub koom txoos uas muaj zog thiab txaus ntxub tsim txom—Tus Thwj Tim Yauhas yuav sau txog txoj kev kawg ntawm lub ntiaj teb. Kwv yees li 600–592 xyoos ua ntej Yexus yug los.
Tshooj 15
Lihais cov tub ki yuav tau txais txoj moo zoo los ntawm Lwm Haiv Neeg nyob rau hauv hnub nyoog kawg—Txoj kev muab cov neeg Ixayees sau los ua ke piv rau ib tsob ntoo txiv roj uas yuav muab cov ceg nyeg rov qab los txuas dua—Nifais txhais txoj kev ua yog toog pom tsob ntoo uas cawm neeg txoj sia thiab nws hais txog Vajtswv txoj kev txim lij uas muab cov neeg phem faib tawm ntawm cov neeg ncaj ncees. Kwv yees li 600–592 xyoos ua ntej Yexus yug los.
Tshooj 16
Txoj kev tseeb tsis yooj yim rau cov neeg phem coj—Lihais cov tub yuav Ixama-ees cov ntxhais ua poj niam—Lub Liyahaunas coj lawv kev nyob tom roob moj sab qhua—Tej lub sij hawm tus Tswv sau xov xwm los rau lawv rau saum lub Liyahaunas—Ixama-ees tuag; nws tsev neeg yws yws vim lawv raug kev txom nyem. Kwv yees li 600–592 xyoos ua ntej Yexus yug los.
Tshooj 17
Tus Tswv txib kom Nifais txua ib lub nkoj—Nws ob tug tij laug ntxeev siab rau nws—Nws ntuas nkawd kom nkawd nco txog zaj keeb kwm uas hais txog Vajtswv tej hauj lwm uas ua rau cov neeg Ixayees—Nws muaj Vajtswv lub hwj chim puv npo—Nws ob tug tij laug raug txwv tsis pub tuav nws, tsam nkawd qhuav li xyoob qhuav. Kwv yees li 592–591 xyoos ua ntej Yexus yug los.
Tshooj 18
Txua lub nkoj tiav—Qhia txog qhov yug Yakhauj thiab Yauxej—Lawv sawv daws nce nkoj mus rau tim thaj av uas cog lus cia—Ixama-ees cov tub thiab cov nyab koom ua lom vab vab thiab ntxeev siab—Nifais raug khi, thiab lub nkoj raug cua daj cua dub ntsawj rov qab—Nifais raug tso dim, thiab los ntawm nws txoj kev thov Vajtswv nag xob nag cua thiaj tu—Lawv tuaj txog hauv thaj av uas cog lus cia. Kwv yees li 591–589 xyoos ua ntej Yexus yug los.
Tshooj 19
Nifais xuas quav tooj quav hlau los ua cov phiaj thiab sau nws cov neeg zaj keeb kwm—Cov neeg Ixayees tus Vajtswv yuav los rau pua xyoo tom qab lub sij hawm uas Lihais ncaim Yeluxalees—Nifais qhia txog Ixayees tus Vajtswv tej kev nyuaj siab thiab txoj kev raug ntsia rau saum ntoo khaub lig—Txhua tus yuav ntxub cov neeg Yudais thiab muab lawv ua tawg khiav ri niab kom txog thaum hnub nyoog kawg, thaum uas lawv yuav tig rov qab mus cuag tus Tswv. Kwv yees li 588–570 xyoo ua ntej Yexus yug los.
Tshooj 20
Tus Tswv qhia tawm Nws tej lub hom phiaj rau cov neeg Ixayees—Tus Tswv tau xaiv cov neeg Ixayees los ntawm lub cub tawg ntawm txoj kev txom nyem thiab hais kom lawv khiav tawm ntawm Npanpiloos mus—Muab piv rau Yaxayas 48. Kwv yees li 588–570 xyoo ua ntej Yexus yug los.
Tshooj 21
Tus Mexiyas yuav ua ib lub teeb rau Lwm Haiv Neeg thiab yuav tso cov neeg raug kaw kom dim—Tus Tswv yuav siv hwj chim sib sau cov neeg Ixayees los ua ke nyob rau hauv hnub nyoog kawg—Tej vaj ntxwv yuav ua lawv tej txiv qhuav—Muab piv rau Yaxayas 49. Kwv yees li 588–570 xyoo ua ntej Yexus yug los.
Tshooj 22
Cov neeg Ixayees yuav tawg khiav ri niab mus thoob plaws hauv lub ntiaj teb—Lwm Haiv Neeg yuav muab txoj moo zoo los yug thiab pab kom cov neeg Ixayees loj hlob nyob rau hauv hnub nyoog kawg—Tus Tswv yuav muab cov neeg Ixayees sau los ua ke thiab cawm lawv dim, thiab cov neeg phem yuav raug kub hnyiab ib yam li tej quav nyab npleg—Tus dab phem lub nceeg vaj yuav raug puas tsuaj, thiab Dab Ntxwg Nyoog yuav raug muab khi. Kwv yees li 588–570 xyoo ua ntej Yexus yug los.