Hilamas

Phau Ntawv Maumoos

Tej Yam Nyob Haud
Zaj Lus Piav thiab Cov Lus Ua Tim Khawv
1 Nifais
2 Nifais
Yakhauj
Enos
Yaloos
Oonis
Maumoos cov Lus
Mauxiyas
Amas
Hilamas
3 Nifais
4 Nifais
Maumoos
Ethaws
Maulaunais

Hilamas

Tshooj 1
Pehaulas tus thib ob tau los ua tus thawj txiav txim thiab raug Kisawkhumas muab tua—Pakhumenais los zaum lub rooj txiav txim—Khauli-athumaws coj cov Neeg Lamas cov tub rog, txeeb tau Xalahelas, thiab muab Pakhumenais tua—Maulaunaihas kov yeej cov Neeg Lamas thiab rov qab txeeb tau Xalahelas, thiab Khauli-athumaws raug tua tuag. Kwv yees li 52–50 xyoo ua ntej Yexus yug los.
Tshooj 2
Hilamas tus thib ob los ua tus thawj txiav txim—Nkadi-atoos coj Kisawkhumas pab neeg—Hilamas tus tub qhe tua Kisawkhumas, thiab Nkadi-atoos pab neeg khiav mus rau hauv hav zoov. Kwv yees li 50–49 xyoos ua ntej Yexus yug los.
Tshooj 3
Cov Neeg Nifais coob leej mus rau pem thaj av sab qaum teb—Lawv siv hmoov zeb cib los ua tsev thiab sau ntau phau ceev xwm txheej—Kaum tawm txhiab leej tau hloov siab los ntseeg thiab ua kev cai raus dej—Vajtswv txoj lus coj neeg mus rau txoj kev cawm seej—Nifais uas yog Hilamas tus tub los zaum saum lub rooj txiav txim. Kwv yees li 49–39 xyoos ua ntej Yexus yug los.
Tshooj 4
Cov Neeg Nifais uas ntxeev siab thiab cov Neeg Lamas sib koom lawv cov tub rog thiab txeeb tau thaj av Xalahelas—Cov Neeg Nifais swb vim yog lawv txoj kev phem—Lub koom txoos tsawg zuj zus, thiab cov neeg hloov kom qaug zog zoo li cov Neeg Lamas. Kwv yees li 38–30 xyoo ua ntej Yexus yug los.
Tshooj 5
Nifais thiab Lihais nkawd rau siab mus qhuab qhia—Nkawd ob lub npe qhia kom nkawd ua nkawd lub neej raws li nkawd cov yawg koob—Khetos txhiv cov uas hloov siab lees txim dim—Nifais thiab Lihais coj tau coob leej hloov siab los ntseeg tshiab thiab raug kaw, thiab hluav taws vij nkawd—Ib tauv huab tsaus tsaus los roos peb puas leej neeg—Lub ntiaj teb co qeeg txoog, thiab ib lub suab txib kom tib neeg hloov siab lees txim—Nifais thiab Lihais tham nrog cov tim tswv, thiab hluav taws vij neeg coob coob. Kwv yees li 30 xyoo ua ntej Yexus yug los.
Tshooj 6
Cov Neeg Lamas uas ncaj ncees qhuab qhia rau cov Neeg Nifais uas phem—lawv tag nrho vam meej nyob hauv ib lub caij thaj yeeb thiab muaj nplua mias—Luxifaws, tus uas tsim txoj kev txhaum, txhaub cov neeg phem thiab cov tub sab Nkadi-atoos lub siab kom lawv tua neeg thiab ua phem—Lawv txeeb tau cov Neeg Nifais lub tsoom fwv. Kwv yees li 29–23 xyoos ua ntej Yexus yug los.
Tshooj 7
Cov neeg pem sab qaum teb xyeej Nifais thiab nws rov qab los rau hauv Xalahelas—Nws thov Vajtswv saum tus pej thuam uas nyob hauv nws lub vaj thiab tom qab ntawd qhia rau cov neeg kom hloov siab lees txim los sis lawv yuav raug piam sij. Kwv yees li 23–21 xyoos ua ntej Yexus yug los.
Tshooj 8
Cov neeg txiav txim uas phem nrhiav kev ua kom cov neeg npau taws rau Nifais—Anplaham, Mauxes, Xenos, Xenoj, Eexiyas, Yaxayas, Yelemis, Lihais, thiab Nifais puav leej ua tim khawv txog Khetos—Los ntawm kev tshoov siab Nifais tshaj tawm hais tias tus thawj txiav txim raug tua. Kwv yees li 23–21 xyoos ua ntej Yexus yug los.
Tshooj 9
Cov tub xa xov nrhiav pom tus thawj txiav txim tuag nyob rau saum lub rooj txiav txim—Cov neeg muab lawv kaw thiab tom qab ntawd ho muab lawv tso—Los ntawm kev tshoov siab Nifais qhia tias Xi-atoos yog tus tua—Ib txhia ntseeg hais tias Nifais yog ib tug yaj saub. Kwv yees li 23–21 xyoos ua ntej Yexus yug los.
Tshooj 10
Tus Tswv muab lub hwj chim sib khi rau Nifais—Tus Tswv muab hwj chim rau nws kom khi thiab daws nyob hauv ntiaj teb no thiab saum ntuj ceeb tsheej—Nws txib kom cov neeg hloov siab lees txim los sis piam sij—Tus Ntsuj Plig coj nws ntawm ib pab neeg mus rau ib pab neeg. Kwv yees li 21–20 xyoo ua ntej Yexus yug los.
Tshooj 11
Nifais thov tus Tswv kom muab ib txoj kev tshaib nqhis los hloov kev ua rog—Ntau tus neeg piam sij—Lawv hloov siab lees txim, thiab Nifais thov tus Tswv kom los nag—Nifais thiab Lihais tau txais tej kev tshwm sim ntau—Cov neeg tub sab Nkadi-atoos ua rau lawv tus kheej ruaj khov nyob hauv thaj av. Kwv yees li 20–6 xyoo ua ntej Yexus yug los.
Tshooj 12
Tib neeg yeej tsis ruaj khov thiab ruam thiab nrawm mus ua kev phem—Tus Tswv qhuab ntuas Nws cov neeg—Muab qhov uas tib neeg tsis muaj nqis piv rau Vajtswv lub hwj chim—Nyob rau hnub txiav txim, tib neeg yuav tau txais txoj sia uas kav ib txhis los sis kev raug txim kav ib txhis. Kwv yees li 6 xyoo ua ntej Yexus yug los.
Tshooj 13
Xamuyees uas yog tus Neeg Lamas qhia tej yuav muaj los yav tom ntej txog txoj kev puas tsuaj ntawm cov Neeg Nifais yog lawv tsis hloov siab lees txim—Lawv thiab lawv tej kev nplua nuj raug foom tsis zoo—Lawv xyeej thiab xuas pob zeb ntaus cov yaj saub, raug tej dab phem khaub zig ib puag ncig, thiab nrhiav kev zoo siab los ntawm kev ua phem. Kwv yees li 6 xyoo ua ntej Yexus yug los.
Tshooj 14
Xamuyees hais qhia ua ntej tias hmo ntuj yuav kaj thiab yuav muaj ib lub hnub qub tshiab nyob rau thaum Khetos yug—Khetos txhiv tib neeg dim txoj kev tuag ntawm sab cev nqaij daim tawv thiab sab ntsuj plig—Tej cim ntawm Nws txoj kev tuag muaj xws li tsaus ntuj tau peb hnub, cov pob zeb yuav tawg, thiab huab cua yuav muaj kev kub ntxhov. Kwv yees li 6 xyoo ua ntej Yexus yug los.
Tshooj 15
Tus Tswv qhuab ntuas cov Neeg Nifais vim Nws hlub lawv—Cov Neeg Lamas uas tau hloov siab los ntseeg nyob khov kho thiab ruaj nrees ntawm txoj kev ntseeg—Tus Tswv yuav muaj kev hlub tshua rau cov Neeg Lamas nyob hauv hnub nyoog kawg. Kwv yees li 6 xyoo ua ntej Yexus yug los.
Tshooj 16
Nifais muab cov Neeg Nifais uas ntseeg Xamuyees ua kev cai raus dej—Cov Neeg Nifais uas tsis hloov siab lees txim tsis muaj peev xwm xuas xub thiab pob zeb tua tau Xamuyees—Ib txhia ua siab tawv, thiab lwm cov pom tej tim tswv—Cov uas tsis ntseeg hais tias twb tsis tsim nyog yuav ntseeg Khetos thiab Nws txoj kev los nyob hauv Yeluxalees. Kwv yees li 6–1 xyoos ua ntej Yexus yug los.