Mauxiyas

Phau Ntawv Maumoos

Tej Yam Nyob Haud
Zaj Lus Piav thiab Cov Lus Ua Tim Khawv
1 Nifais
2 Nifais
Yakhauj
Enos
Yaloos
Oonis
Maumoos cov Lus
Mauxiyas
Amas
Hilamas
3 Nifais
4 Nifais
Maumoos
Ethaws
Maulaunais

Mauxiyas

Tshooj 1
Vaj ntxwv Npeyamis qhia nws cov tub txog lawv cov yawg koob yam lus thiab tej kev qhia tej yuav muaj los yav tom ntej—Twb tau ceev lawv txoj kev teev ntuj thiab txoj kev ua neej cia vim yog cov ceev xwm txheej uas tau tshwj tseg rau saum ob peb hom phiaj—Npeyamis xaiv Mauxiyas ua vaj ntxwv thiab muab nws ua tus saib xyuas cov ceev xwm txheej thiab lwm yam. Kwv yees li 130–124 xyoos ua ntej Yexus yug los.
Tshooj 2
Vaj Ntxwv Npeyamis hais rau nws cov neeg—Nws hais txog txoj kev txim lij, txoj kev ncaj, thiab kev ua raws li sab ntsuj plig ntawm nws txoj kev kav teb kav chaw—Nws ntuas kom lawv ua hauj lwm rau lawv tus Vaj Ntxwv Saum Ntuj Ceeb Tsheej—Cov uas ntxeev siab tawm tsam Vajtswv yuav raug kev ntxhov siab ib yam li cub tawg uas tsis txawj tuag li. Kwv yees li 124 xyoos ua ntej Yexus yug los.
Tshooj 3
Vaj Ntxwv Npeyamis hais lus ntxiv mus—Tus Tswv uas Muaj Hwj Chim Loj Tshaj Plaws yuav txhawb pab tib neeg nyob hauv ib lub cev av—Ntshav yuav tawm ntawm txhua lub qhov hws los thaum Nws theej neeg ntiaj teb tej kev txhaum—Kev cawm seej tsuas yog los ntawm nws lub npe los xwb—Tib neeg muaj peev xwm tso tau txoj kev ua neeg ntawm sab cev nqaij daim tawv tseg thiab hloov los ua cov ntseeg dawb huv los ntawm txoj Kev Theej Txhoj—Cov neeg phem txoj kev raug tsim txom yuav zoo li ib lub pas hluav taws thiab leej faj. Kwv yees li 124 xyoos ua ntej Yexus yug los.
Tshooj 4
Vaj ntxwv Npeyamis hais lus ntxiv mus—Kev cawm seej los vim yog txoj Kev Theej Txhoj—Ntseeg Vajtswv ces yuav cawm nej dim—Txais tau txoj kev zam txim rau nej tej kev txhaum los ntawm txoj kev rau siab ntseeg—Faib nej tej khoom rau cov pluag—Ua txhua yam raws li laj lim tswv yim thiab kev muaj txheej txheem. Kwv yees li 124 xyoos ua ntej Yexus yug los.
Tshooj 5
Haiv Neeg Ntseeg los ua Khetos cov tub thiab cov ntxhais los ntawm txoj kev ntseeg—Tom qab ntawd yuav muab lawv hu raws li Khetos lub npe—Vaj ntxwv Npeyamis ntuas lawv kom nyob ruaj nrees thiab khov kho ua zoo. Kwv yees li 124 xyoos ua ntej Yexus yug los.
Tshooj 6
Vaj ntxwv Npeyamis sau cov neeg lub npe thiab tsa cov pov thawj los qhia lawv—Mauxiyas kav li ib tug vaj ntxwv ncaj ncees. Kwv yees li 124–121 xyoos ua ntej Yexus yug los.
Tshooj 7
Amoos nrhiav tau thaj av Lihais-Nifais, nyob ntawd Leehais yog tus vaj ntxwv—Leehais cov neeg ua cov Neeg Lamas qhev—Leehais qhia txog lawv zaj keeb kwm—Ib tug yaj saub (Anpinadais) tau ua tim khawv tias Khetos yog tus Vajtswv thiab Leej Txiv ntawm txhua txhia yam—Cov uas tseb tej kev vuab tsuab yuav sau tej khaub zig cua, thiab cov uas tso siab rau tus Tswv yuav dim. Kwv yees li 121 xyoos ua ntej Yexus yug los.
Tshooj 8
Amoos qhia Leehais cov neeg—Nws kawm txog cov Neeg Yales nees nkaum plaub daim phiaj—Cov neeg pom tau yav tom ntej muaj peev xwm txhais cov ceev xwm txheej thaum ub—Tsis muaj ib lub txiaj ntsim uas tseem ceeb tshaj txoj kev ua ib tug pom tau. Kwv yees li 121 xyoos ua ntej Yexus yug los.
Tshooj 9
Xeenas coj ib pab tawm ntawm Xalahelas los nyob hauv thaj av Lihais-Nifais—Cov Neeg Lamas tus vaj ntxwv cia lawv muaj thaj av ua lawv tug—Muaj kev ua rog ntawm cov Neeg Lamas thiab Xeenas cov neeg. Kwv yees li 200–187 xyoo ua ntej Yexus yug los.
Tshooj 10
Vaj ntxwv Lamas tuag—Nws cov neeg qus thiab tsiv heev thiab ntseeg tej kab lis kev cai uas tsis yog—Xeenas thiab nws cov neeg kov yeej lawv. Kwv yees li 187–160 xyoo ua ntej Yexus yug los.
Tshooj 11
Vaj ntxwv Nau-as kav thiab ua phem—Nws nyiam nrog nws cov poj niam thiab cov niam yau ua neej luam thuam—Anpinadais qhia tej yuav muaj los yav tom ntej tias cov neeg yuav raug coj mus ua qhev—Vaj ntxwv Nau-as nrhiav txo nws txoj sia. Kwv yees li 160–150 xyoo ua ntej Yexus yug los.
Tshooj 12
Anpinadais raug kaw vim nws qhia tej yuav muaj los yav tom ntej txog txoj kev puas tsuaj ntawm cov neeg thiab Vaj ntxwv Nau-as txoj kev tuag—Cov pov thawj cuav hais txog tej vaj lug kub thiab ua txuj coj raws li Mauxes txoj kev cai—Anpinadais pib qhia lawv Kaum Nqe Lus Txib. Kwv yees li 148 xyoo ua ntej Yexus yug los.
Tshooj 13
Vajtswv lub hwj chim tsom kwm Anpinadais—Nws qhia txog Kaum Nqe Lus Txib—Kev cawm seej tsis yog los ntawm Mauxes txoj kev cai xwb—Vajtswv tus kheej yuav ua kev theej txhoj thiab txhiv Nws cov neeg dim. Kwv yees li 148 xyoo ua ntej Yexus yug los.
Tshooj 14
Yaxayas hais txog tus Mexiyas—Yaxayas hais txog tus Mexiyas txoj kev txo hwj chim thiab tej kev nyuaj siab—Nws muab Nws tus kheej ua kev txi rau txoj kev txhaum thiab ua kev pab daws cov neeg ua txhaum—Piv rau Yaxayas 53. Kwv yees li 148 xyoo ua ntej Yexus yug los.
Tshooj 15
Khetos ua Leej Txiv thiab Leej Tub tau li cas—Nws yuav ua kev pab daws Nws cov neeg thiab ris lawv tej kev ua txhaum—Lawv thiab tag nrho cov yaj saub dawb huv puav leej yog Nws cov tub ki—Nws ua kom muaj txoj Kev Sawv Rov Los—Cov me nyuam yaus yuav muaj txoj sia nyob mus ib txhis. Kwv yees li 148 xyoo ua ntej Yexus yug los.
Tshooj 16
Vajtswv txhiv neeg dim ntawm lawv txoj kev yuam kev thiab txoj kev poob—Cov uas nyiam sab cev nqaij daim tawv yuav nyob zoo li tsis muaj txoj kev txhiv dim—Khetos ua kom muaj ib txoj kev sawv rov los rau txoj sia uas tsis muaj qhov kawg los sis rau txoj kev raug txim uas tsis muaj qhov kawg. Kwv yees li 148 xyoo ua ntej Yexus yug los.
Tshooj 17
Amas ntseeg thiab sau Anpinadais tej lus—Anpinadais raug kev tuag los ntawm hluav taws—Nws qhia tej yuav muaj los yav tom ntej txog tej kab mob thiab txoj kev tuag los ntawm hluav taws rau cov neeg uas muab nws tua. Kwv yees li 148 xyoo ua ntej Yexus yug los.
Tshooj 18
Amas qhuab qhia ntsiag to—Nws hais tej kev khi lus ntawm txoj kev cai raus dej thiab muab neeg ua kev cai raus dej nyob ntawm cov dej Maumoos—Nws txhim tsa Khetos lub Koom Txoos thiab tsa cov pov thawj—Lawv pab lawv tus kheej tau noj tau haus thiab qhuab qhia cov neeg—Amas thiab nws cov neeg khiav tawm ntawm Vaj Ntxwv Nau-as mus rau hauv hav zoov. Kwv yees li 147–145 xyoos ua ntej Yexus yug los.
Tshooj 19
Nkide-oos nrhiav kev muab vaj ntxwv Nau-as tua—Cov Neeg Lamas tuaj txeeb thaj av—Vaj ntxwv Nau-as raug txoj kev tuag ntawm hluav taws—Leehais kav li ib tug huab tais uas yuav tsum tau them se. Kwv yees li 145–121 xyoos ua ntej Yexus yug los.
Tshooj 20
Nau-as cov pov thawj nyiag cov Neeg Lamas tej ntxhais—Cov Neeg Lamas sawv rog rau Leehais thiab nws cov neeg—Leehais cov neeg muab cov Neeg Lamas tsoom tub rog thawb rov qab thiab ua kom lawv txhob npau taws. Kwv yees li 145–123 xyoos ua ntej Yexus yug los.
Tshooj 21
Cov Neeg Lamas tawm tsam thiab kov yeej Leehais cov neeg—Leehais cov neeg ntsib Amoos thiab hloov siab los ntseeg—Lawv qhia Amoos txog nees nkaum plaub daim phiaj uas yog cov Neeg Yales sau. Kwv yees li 122–121 xyoos ua ntej Yexus yug los.
Tshooj 22
Npaj tswv yim coj cov neeg khiav kom dim ntawm kev poob cev qhev rau cov Neeg Lamas—Cov Neeg Nifais ua rau cov Neeg Lamas qaug cawv—Cov neeg khiav dim, rov qab los rau Xalahelas, thiab cia vaj ntxwv Mauxiyas tswj hwm lawv. Kwv yees li 121–120 xyoo ua ntej Yexus yug los.
Tshooj 23
Amas tsis kam ua vaj ntxwv—Nws ua hauj lwm ua ib tug pov thawj hlob—Tus Tswv qhuab ntuas Nws cov neeg, thiab cov Neeg Lamas tuaj kav thaj av Helas—Amuloos, tus thawj coj ntawm Vaj Ntxwv Nau-as cov pov thawj phem, yog tus kav uas ua raws li cov Neeg Lamas tus huab tais tswj hwm. Kwv yees li 145–121 xyoos ua ntej Yexus yug los.
Tshooj 24
Amuloos tsim txom Amas thiab nws cov neeg—Lawv yuav raug tua pov tseg yog tias lawv thov Vajtswv—Tus Tswv ua rau lawv tej nra sib—Nws tso lawv dim ntawm txoj kev ua qhev, thiab lawv rov qab los rau hauv Xalahelas. Kwv yees li 145–120 xyoo ua ntej Yexus yug los.
Tshooj 25
Mules cov xeeb leej xeeb ntxwv nyob hauv Xalahelas hloov npe los ua Neeg Nifais—Lawv kawm txog Amas thiab Xeenas cov neeg—Amas muab Leehais thiab tag nrho nws cov neeg ua kev cai raus dej—Mauxiyas tso cai rau Amas rhawv Vajtswv lub Koom Txoos. Kwv yees li 120 xyoo ua ntej Yexus yug los.
Tshooj 26
Cov tsis ntseeg coj coob tus mej zeej ntawm lub Koom Txoos mus ua txhaum—Tus Tswv cog lus rau Amas tias nws yuav muaj txoj sia nyob mus ib txhis—Cov uas hloov siab lees txim thiab ua kev cai raus dej tau txais kev zam txim—Tus Tswv yuav zam txim rau cov mej zeej hauv lub Koom Txoos uas muaj kev txhaum yog lawv hloov siab lees txim thiab lees txhaum rau Amas thiab tus Tswv; tsis yog li ntawd ces yuav tsis suav lawv cov uas nyob hauv lub Koom Txoos. Kwv yees li 120–100 xyoo ua ntej Yexus yug los.
Tshooj 27
Mauxiyas txwv kev tsim txom thiab pub kom muaj kev sib txig—Amas tus hluas thiab Mauxiyas plaub tug tub nrhiav kev rhuav lub koom txoos—Ib tug tim tswv tshwm sim los thiab txib lawv kom tsum lawv tej kev ua phem—Ua rau Amas hais tsis tau lus—Tib neeg sawv daws yuav tsum yug dua tshiab thiaj txais tau txoj kev cawm seej—Amas thiab Mauxiyas cov tub tshaj tawm txoj moo zoo siab. Kwv yees li 100–92 xyoos ua ntej Yexus yug los.
Tshooj 28
Mauxiyas cov tub yuav tau txoj sia nyob mus ib txhis—Lawv mus qhuab qhia cov Neeg Lamas—Mauxiyas muab ob lub pob zeb pom tau txhais cov Neeg Yales cov phiaj. Kwv yees li 92 xyoos ua ntej Yexus yug los.
Tshooj 29
Mauxiyas hais kom xaiv ib co neeg txiav txim los pauv vaj ntxwv chaw—Tej vaj ntxwv tsis ncaj ncees coj lawv cov neeg mus rau kev txhaum—Cov neeg tsa suab xaiv Amas tus hluas los ua tus thawj txiav txim—Nws kuj yog tus pov thawj hlob rau hauv lub Koom Txoos thiab—Amas tus laus thiab Mauxiyas tuag. Kwv yees li 92–91 xyoos ua ntej Yexus yug los.