3 Nifais

Phau Ntawv Maumoos

Tej Yam Nyob Haud
Zaj Lus Piav thiab Cov Lus Ua Tim Khawv
1 Nifais
2 Nifais
Yakhauj
Enos
Yaloos
Oonis
Maumoos cov Lus
Mauxiyas
Amas
Hilamas
3 Nifais
4 Nifais
Maumoos
Ethaws
Maulaunais

3 Nifais

Tshooj 1
Nifais, uas yog Hilamas tus tub, tawm ntawm thaj av mus, thiab nws tus tub Nifais ceev cov ceev xwm txheej—Txawm tias tej cim thiab tej txuj ci uas xav tsis thoob muaj ntau los, cov neeg phem tseem npaj tua cov neeg ncaj ncees—Hmo uas yug Khetos los txog—Muab lub cim ua tshwm sim los thiab ib lub hnub qub tshiab tawm tuaj—Tej kev dag thiab tej kev ntxias ntau ntxiv tuaj, thiab cov tub sab Nkadi-atoos txov ntau txoj sia. Kwv yees li 1–4 xyoos tom qab Yexus yug los.
Tshooj 2
Kev phem thiab tej kev qias huaj vam nyob hauv cov neeg—Cov Neeg Nifais thiab cov Neeg Lamas koom ua ke tiv thaiv lawv tus kheej tawm tsam cov tub sab Nkadi-atoos—Cov Neeg Lamas uas hloov siab los ntseeg hloov los ua neeg tawv dawb thiab hu ua cov Neeg Nifais. Kwv yees li 5–16 xyoo tom qab Yexus yug los.
Tshooj 3
Nkidi-ahais, uas yog cov neeg Nkadi-atoos tus thawj coj, hais kom Lakhoonias thiab cov Neeg Nifais ywj lawv tus kheej thiab tso lawv tej av tseg—Lakhoonias tsa Nkinkidaunais los ua tus thawj hau rog ntawm cov tub rog—Cov Neeg Nifais sib sau tuaj nyob hauv Xalahelas thiab Huaj Vam tiv thaiv lawv tus kheej. Kwv yees li 16–18 xyoo tom qab Yexus yug los.
Tshooj 4
Cov tub rog Neeg Nifais kov yeej cov tub sab Nkadi-atoos—Nkidi-ahais raug tua, thiab tus los pauv nws, Xenalaihas, raug dai—Cov Neeg Nifais qhuas tus Tswv rau lawv tej kev kov yeej. Kwv yees li 19–22 xyoos tom qab Yexus yug los.
Tshooj 5
Cov Neeg Nifais hloov siab lees txim thiab tso lawv tej kev txhaum tseg—Maumoos sau zaj keeb kwm txog nws cov neeg thiab tshaj tawm txoj lus uas kav ib txhis rau lawv—Yuav muab Ixayees sau los ua ke vim lawv twb tawg khiav ri niab tau ntev lawm. Kwv yees li 22–26 xyoo tom qab Yexus yug los.
Tshooj 6
Cov Neeg Nifais vam meej—Pib muaj kev muab hlob, kev nplua nuj, thiab kev sib cais—Lub koom txoos tawg ua pab ua pawg vim yog kev ntxeev siab—Dab Ntxwg Nyoog coj cov neeg kom lawv tab meeg ntxeev siab—Ntau tus yaj saub thov kom hloov siab lees txim thiab raug tua—Cov uas tua lawv tuav hauv txeeb lub tsoom fwv. Kwv yees li 26–30 xyoo tom qab Yexus yug los.
Tshooj 7
Tus thawj txiav txim raug tua, tej nom tswv raug ntxeev, thiab cov neeg sib faib ua pab ua pawg—Yakhauj, uas yog ib tug tawm tsam Khetos, los ua tus vaj ntxwv ntawm cov neeg uas ua kev tuav hauv ntsiag to—Nifais tshaj tawm txog kev hloov siab lees txim thiab kev ntseeg Khetos—Cov tim tswv niaj hnub los txhawb pab nws, thiab nws tsa tau nws tus kwv tij sawv hauv qhov tuag los—Muaj coob leej hloov siab lees txim thiab ua kev cai raus dej. Kwv yees li 30–33 xyoos tom qab Yexus yug los.
Tshooj 8
Tej cua daj cua dub, tej av qeeg, tej hluav taws, tej khaub zig cua, thiab lwm yam kev puas tsuaj yog puav pheej ntawm txoj kev muab Khetos ntsia rau saum ntoo khaub lig—Coob leej raug puas tsuaj—Kev tsaus ntuj los vov thaj av tau peb hnub—Cov uas tseem tshuav quaj nyiav rau lawv tej kev puas ntsoog. Kwv yees li 33–34 xyoos tom qab Yexus yug los.
Tshooj 9
Nyob hauv kev tsaus ntuj Khetos lub suab tshaj tawm txog txoj kev puas tsuaj ntawm coob leej thiab ntau lub nroog vim lawv txoj kev phem—Nws kuj tshaj tawm tias Nws yog Vajtswv Leej Tub, qhia tias Nws twb ua kom muaj raws li Mauxes txoj kev cai tiav lawm, thiab caw kom neeg los cuag Nws es thiaj txais kev cawm dim. Kwv yees li 34 xyoos tom qab Yexus yug los.
Tshooj 10
Muaj kev ntsiag to nyob hauv thaj av tau ntau teev—Khetos lub suab cog lus yuav sau Nws cov neeg zoo ib yam li ib tug poj qaib sau nws cov me nyuam—Khetos tshwj tseg cov uas ncaj ncees zog ntawm cov neeg. Kwv yees li 34–35 xyoos tom qab Yexus yug los.
Tshooj 11
Leej Txiv ua tim khawv txog Nws Leej Tub uas Nws hlub—Khetos tshwm sim los thiab tshaj tawm txog Nws txoj Kev Theej Txhoj—Cov neeg xuas tej qhov txhab caws pliav hauv Nws ob txhais tes thiab ob txhais taw thiab sab tav—Lawv qw Hauxanas—Nws tsa txoj kev thiab tus txheej txheem ua kev cai raus dej—Kev muaj siab xav sib cav sib ceg yog los ntawm tus dab phem—Khetos txoj lus qhuab qhia yog tib neeg yuav tsum ntseeg thiab ua kev cai raus dej thiab txais tus Vaj Ntsuj Plig Dawb Huv. Kwv yees li 34 xyoos tom qab Yexus yug los.
Tshooj 12
Yexus hu thiab muab txoj cai rau kaum ob tug thwj tim—Nws qhia rau cov Neeg Nifais ib zaj lus zoo ib yam li Zaj Lus Qhia Hais Pem Roob—Nws hais txog cov Koob Hmoov—Nws tej lus qhia mus dhau thiab tseem ceeb dua Mauxes txoj kev cai—Nws txib kom tib neeg ua neeg zoo tag nrho ib yam li Nws thiab Nws Txiv zoo tag nrho—Piv rau Mathais 5. Kwv yees li 34 xyoos tom qab Yexus yug los.
Tshooj 13
Yexus qhia cov Neeg Nifais txog tus Tswv txoj Kev Thov Vajtswv—Lawv yuav tsum khaws tej yam uas muaj nqis cia rau saum ntuj ceeb tsheej—Yexus txib kom kaum ob tug thwj tim, nyob hauv lawv txoj kev ua hauj lwm qhuab qhia, tsis txhob xav txog tej yam ntawm sab cev nqaij daim tawv—Piv rau Mathais 6. Kwv yees li 34 xyoos tom qab Yexus yug los.
Tshooj 14
Yexus txib tias: Tsis txhob txiav txim rau lwm tus; thov Vajtswv; ceev faj txog cov yaj saub cuav—Nws cog lus tias yuav muab kev cawm seej rau cov uas ua li Leej Txiv lub siab nyiam—Piv rau Mathais 7. Kwv yees li 34 xyoos tom qab Yexus yug los.
Tshooj 15
Yexus tshaj tawm tias Nws twb ua kom muaj raws li Mauxes txoj kev cai tiav lawm—Cov Neeg Nifais yog lwm cov yaj uas Nws tau hais txog nyob hauv Yeluxalees—Vim yog kev ua phem tus Tswv cov neeg nyob hauv Yeluxalees thiaj li tsis paub txog cov yaj uas tawg khiav ri niab los ntawm Ixayees. Kwv yees li 34 xyoos tom qab Yexus yug los.
Tshooj 16
Yexus yuav mus xyuas lwm cov yaj ntawm Ixayees uas ploj lawm—Nyob rau hauv hnub nyoog kawg txoj moo zoo yuav mus rau Lwm Haiv Neeg thiab tom qab ntawd yuav mus rau tsev neeg Ixayees—Tus Tswv cov neeg yuav pom tim ntsej tim muag thaum Nws coj Xi-oos rov qab los. Kwv yees li 34 xyoos tom qab Yexus yug los.
Tshooj 17
Yexus qhia kom cov neeg ua tib zoo xav txog Nws cov lus thiab thov Vajtswv kom lawv to taub—Nws kho lawv cov neeg mob zoo—Nws thov Vajtswv rau cov neeg, siv yam lus hais uas tsis muaj peev xwm muab sau tau—Cov tim tswv los txhawb pab thiab hluav taws vij lawv cov me nyuam yaus ib puag ncig. Kwv yees li 34 xyoos tom qab Yexus yug los.
Tshooj 18
Yexus txhim tsa lub cim nco txog nyob hauv cov Neeg Nifais—Nws txib kom lawv thov Vajtswv tas mus li los ntawm Nws lub npe—Cov uas noj Nws lub cev thiab haus Nws cov ntshav thaum lawv tsis tsim nyog yuav raug txim—Nws muab hwj chim rau cov thwj tim kom muab tau tus Vaj Ntsuj Plig Dawb Huv. Kwv yees li 34 xyoos tom qab Yexus yug los.
Tshooj 19
Kaum ob tug thwj tim qhuab qhia cov neeg thiab thov kom tau tus Vaj Ntsuj Plig Dawb Huv—Cov thwj tim ua kev cai raus dej thiab tau txais tus Vaj Ntsuj Plig Dawb Huv thiab cov tim tswv txoj kev los txhawb pab—Yexus siv tej lus uas tsis muaj peev xwm sau tau los thov Vajtswv—Nws ua tim khawv txog cov Neeg Nifais txoj kev ntseeg uas loj heev no. Kwv yees li 34 xyoos tom qab Yexus yug los.
Tshooj 20
Yexus siv txuj ci tseem ceeb muab mov mog thiab cawv txiv hmab thiab rov foom koob hmoov rau lub cim nco txog rau cov neeg—Cov seem tshuav ntawm Yakhauj yuav los paub txog tus Tswv lawv tus Vajtswv thiab yuav los txais lub teb chaws Amelikas ua lawv tug—Yexus yog tus yaj saub ib yam li Mauxes, thiab cov Neeg Nifais yog cov yaj saub tej me nyuam—Tus Tswv yuav muab lwm tus ntawm tus Tswv cov neeg sau los ua ke nyob hauv Yeluxalees. Kwv yees li 34 xyoos tom qab Yexus yug los.
Tshooj 21
Tus Tswv yuav muab Ixayees sau los ua ke thaum Phau Ntawv Maumoos tawm los—Lwm Haiv Neeg yuav raug txhim tsa los ua ib co neeg ywj siab nyob hauv Amelikas—Lawv yuav txais kev cawm dim yog lawv ntseeg thiab mloog lus; tsis li ntawd lawv yuav raug txiav tawm thiab puas tsuaj—Ixayees yuav ua lub Yeluxalees Tshiab, thiab tej pab neeg uas tau ploj lawm yuav rov qab los. Kwv yees li 34 xyoos tom qab Yexus yug los.
Tshooj 22
Nyob hauv hnub nyoog kawg, Xi-oos thiab nws tej tswg yuav raug txhim tsa, thiab tus Tswv yuav muab Ixayees sau los ua ke nrog kev hlub tshua thiab kev mos muag—Lawv yuav kov yeej—Piv rau Yaxayas 54. Kwv yees li 34 xyoos tom qab Yexus yug los.
Tshooj 23
Yexus pom zoo rau Yaxayas tej lus—Nws txib cov neeg kom tshawb xyuas cov yaj saub tej lus—Nifais muab Xamuyees uas yog tus Neeg Lamas tej lus uas hais txog txoj kev sawv rov los ntxiv rau hauv lawv cov ceev xwm txheej. Kwv yees li 34 xyoos tom qab Yexus yug los.
Tshooj 24
Tus Tswv tus tub xa xov yuav npaj kev rau txoj Kev Los Zaum Ob—Khetos yuav zaum saum lub rooj txiav txim—Tus Tswv txib Ixayees kom them ib feem kaum thiab them tej kev tiam—Tus Tswv cov tub qhe ceev tseg ib phau ntawv nco txog—Piv rau Malakis 3. Kwv yees li 34 xyoos tom qab Yexus yug los.
Tshooj 25
Nyob rau thaum txoj Kev Los Zaum Ob cov neeg muab hlob thiab cov neeg phem yuav raug kub hnyiab zoo li quav nyab npleg—Eliyas yuav rov qab los ua ntej hnub tseem ceeb thiab txaus ntshai heev ntawd—Piv rau Malakis 4. Kwv yees li 34 xyoos tom qab Yexus yug los.
Tshooj 26
Yexus muab txhua yam txij thaum chiv keeb mus txog rau thaum kawg piav ntxaws—Cov me nyuam mos liab thiab cov me nyuam hais tej yam zoo kawg nkaus uas tsis muaj peev xwm muab sau cia—Cov uas nyob hauv Khetos lub Koom Txoos muaj txhua yam zoo sib xws nyob hauv lawv. Kwv yees li 34 xyoos tom qab Yexus yug los.
Tshooj 27
Yexus txib kom hu lub Koom Txoos raws li Nws lub npe—Nws ntiag tug hauj lwm thiab txoj kev theej txhoj yog Nws txoj moo zoo—Yexus txib tib neeg kom hloov siab lees txim thiab ua kev cai raus dej xwv kom tus Vaj Ntsuj Plig Dawb Huv yuav muab lawv hloov ua neeg dawb huv—Lawv yuav tsum zoo ib yam li Yexus. Kwv yees li 34–35 xyoos tom qab Yexus yug los.
Tshooj 28
Cuaj leeg ntawm kaum ob tug thwj tim xav tau thiab txais kev cog lus tias lawv yuav txais Khetos lub nceeg vaj ua lawv qub txeeg qub teg thaum lawv tuag—Peb tug Neeg Nifais xav tau thiab tus Tswv muab hwj chim rau kom kov yeej kev tuag xwv kom nyob tau hauv ntiaj teb txog rau thaum Yexus rov los dua—Lawv plhis thiab pom tej yam uas tsis muaj cai muab hais, thiab tam sim no lawv tab tom muab kev txhawb pab nyob hauv tib neeg. Kwv yees li 34–35 xyoos tom qab Yexus yug los.
Tshooj 29
Qhov uas Phau Ntawv Maumoos tawm los yog ib lub cim uas qhia tias tus Tswv tau pib sau Ixayees los ua ke thiab ua kom muaj raws li Nws tej kev khi lus—Cov uas xyeej Nws tej kev tshwm sim thiab tej txiaj ntsim nyob hauv hnub nyoog kawg yuav raug foom tsis zoo. Kwv yees li 34–35 xyoos tom qab Yexus yug los.
Tshooj 30
Tus Tswv txib Lwm Haiv Neeg uas nyob hauv hnub nyoog kawg kom lawv hloov siab lees txim thiab los cuag Khetos thiab suav lawv nrog tsev neeg Ixayees. Kwv yees li 34–35 xyoos tom qab Yexus yug los.