Ethaws

Phau Ntawv Maumoos

Tej Yam Nyob Haud
Zaj Lus Piav thiab Cov Lus Ua Tim Khawv
1 Nifais
2 Nifais
Yakhauj
Enos
Yaloos
Oonis
Maumoos cov Lus
Mauxiyas
Amas
Hilamas
3 Nifais
4 Nifais
Maumoos
Ethaws
Maulaunais

Ethaws

Tshooj 1
Maulaunais muab Ethaws tej ntsiab lus uas nws sau txiav los tso ua ke—Qhia txog Ethaws zaj qhia caj ceg—Tus Tswv tsis ua rau cov Neeg Yales yam lus kom tsis sib nkag siab nyob rau ntawm tus Pej Thuam Npanpees—Tus Tswv cog lus tias yuav coj lawv mus rau ib thaj av zoo thiab ua kom lawv los ua ib haiv neeg zoo heev.
Tshooj 2
Cov Neeg Yales npaj lawv txoj kev mus rau thaj av uas cog lus tseg cia lawm—Yog ib thaj av zoo uas cov neeg nyob haud yuav tsum teev tiam Khetos tsis li ces yuav raug tshoob mus—Tus Tswv nrog Yales tus tij laug tham tau peb teev—Cov Neeg Yales txua tej nkoj—Tus Tswv nug Yales tus tij laug saib yuav ua cas thiaj muaj teeb pom kev nyob hauv cov nkoj.
Tshooj 3
Yales tus tij laug pom tus Tswv tus ntiv tes thaum Nws kov kaum rau lub pob zeb—Khetos ua Nws lub cev ntsuj plig rau Yales tus tij laug pom—Cheem tsis tau cov uas paub zoo tag nrho kom tsis pom dhau ntawm daim ntaub thaiv—Tus Tswv npaj tej cuab yeej txhais lus kom coj tau cov Neeg Yales phau ceev xwm txheej los rau neeg pom.
Tshooj 4
Tus Tswv txib kom Maulaunais muab tej uas Yales tus tij laug tau sau cia khi tseg—Yuav tsis pub tej ntawd tawm los kom txog thaum tib neeg muaj kev ntseeg ib yam li Yales tus tij laug tso—Khetos txib kom tib neeg ntseeg Nws tej lus thiab ntseeg Nws cov thwj tim tej lus—Tus Tswv txib kom tib neeg hloov siab lees txim, ntseeg txoj moo zoo, thiab txais kev cawm seej.
Tshooj 5
Peb tug tim khawv thiab phau ntawv no yuav nyob ruaj nrees ua tim khawv txog qhov tseeb ntawm Phau Ntawv Maumoos.
Tshooj 6
Cov Neeg Yales tej nkoj raug cua ntsawj mus rau thaj av uas cog lus cia—Cov neeg qhuas tus Tswv rau Nws txoj kev zoo—Aulaihas raug tsa los ua vaj ntxwv kav lawv—Yales thiab nws tus tij laug tuag.
Tshooj 7
Aulaihas kav raws li kev ncaj ncees—Thaum muaj kev sib txeeb thiab kev kub ntxhov, Sulas thiab Khauhos nyias tsa nyias lub nceeg vaj—Cov yaj saub ntuas cov neeg txoj kev phem thiab txoj kev pe dab pe mlom, tom qab ntawd lawv thiaj hloov siab lees txim.
Tshooj 8
Muaj kev sib cav thiab kev sib cav sib ceg ntsig txog lub nceeg vaj—Akis txhim tsa ib pab neeg tuav hauv cog lus tua tus vaj ntxwv—Tej kev tuav hauv ntsiag to yog los ntawm tus dab phem los thiab ua rau tej haiv neeg muaj kev puas tsuaj—Lwm Haiv Neeg tam sim no raug ceeb toom ntsig txog txoj kev tuav hauv ntsiag to uas yuav nrhiav kev ntxeev txoj kev ywj siab ntawm txhua thaj av, txhua haiv neeg, thiab txhua lub teb chaws.
Tshooj 9
Lub nceeg vaj raug muab cev ntawm ib tug mus rau ib tug raws caj ceg, los ntawm kev tuav hauv, thiab kev tua neeg—Emaws pom Leej Tub ntawm kev Ncaj Ncees—Ntau tus yaj saub tshaj tawm txoj kev hloov siab lees txim—Kev tshaib nqhis thiab cov nab muaj taug ua rau cov neeg txom nyem.
Tshooj 10
Cov vaj ntxwv pauv qhov chaw los kav ib tug dhau ib tug—Ib txhia vaj ntxwv yeej ncaj ncees; lwm cov kuj phem—Thaum muaj kev ncaj ncees, tus Tswv foom koob hmoov thiab ua rau cov neeg vam meej.
Tshooj 11
Kev ua rog, kev ntxeev siab, thiab kev phem khoo cov Neeg Yales lub neej—Cov yaj saub qhia ua ntej tias cov Neeg Yales yuav puas tsuaj huv tib si mus yog tias lawv tsis hloov siab lees txim—Cov neeg xyeej cov yaj saub tej lus.
Tshooj 12
Tus yaj saub Ethaws ntuas cov neeg kom ntseeg Vajtswv—Maulaunais qhia txog tej txuj ci zoo kawg thiab xav tsis thoob uas ua tau los ntawm kev ntseeg—Kev ntseeg ua rau Yales tus tij laug pom Khetos—Tus Tswv muab kev qaug zog rau tib neeg xwv kom lawv yuav txo hwj chim—Los ntawm kev ntseeg Yales tus tij laug ua rau lub Roob Xelees txav—Yuav tsum muaj kev ntseeg, kev cia siab, thiab kev siab hlub thiaj li tau kev cawm seej—Maulaunais pom Yexus tim ntsej tim muag.
Tshooj 13
Ethaws hais txog ib lub Yeluxalees Tshiab uas Yauxej cov tub ki yuav muab txhim tsa nyob hauv Amelikas—Nws qhia tej yuav muaj los yav tom ntej, raug ntiab tawm, sau cov Neeg Yales tej keeb kwm, thiab qhia ua ntej txog txoj kev puas tsuaj ntawm cov Neeg Yales—Kev ua rog ri mus thoob plaws thaj av.
Tshooj 14
Cov neeg txoj kev ua phem coj tau ib txoj kev foom tsis zoo los rau hauv thaj av—Khauli-athumaws ua rog tawm tsam Nkile-as, ces Lis, thiab tom qab ntawd rau Siv—Ntshav thiab kev puas tsuaj puas ntsoog nyob thoob plaws thaj av tas.
Tshooj 15
Cov Neeg Yales ntau plhom raug tua tuag nyob hauv hav rog—Siv thiab Khauli-athumaws sib sau tag nrho cov neeg tuaj sib tua kom txog thaum tuag—Tus Tswv tus Ntsuj Plig tsum tsis tshoov lawv lub siab—Haiv Neeg Yales raug puas tsuaj huv tib si mus—Tsuas tshuav Khauli-athumaws xwb.