1 Thiab nim no kuv, Maulaunais, tau sau tej lus uas tus Tswv txib kuv, raws li kuv txoj kev nco tau; thiab kuv twb qhia rau koj txog tej uas kuv tau muab khi tseg cia; yog li ntawd tsis txhob kov tej ntawd xwv kom koj yuav tau muab txhais; vim twb txwv tsis pub koj ua li ntawd, tsuas yog thaum txog sij hawm ntawm Vajtswv lub tswv yim.

2 Thiab saib seb, tej zaum koj yuav muaj cai muab cov phiaj rau cov uas yuav pab coj phau no tawm los pom;

3 Thiab Vajtswv lub hwj chim yuav ua cov phiaj ntawd rau peb tug neeg pom; yog li ntawd lawv yuav paub tseeb tias tej no muaj tseeb.

4 Thiab yuav muab tej no txhim tsa los ntawm peb tug tim khawv lub qhov ncauj; thiab peb tug ntawd tej lus tim khawv, thiab phau ntawv no, los ntawm qhov uas yuav muab Vajtswv lub hwj chim thiab nws txoj lus tshwm los, qhov uas Leej Txiv, thiab Leej Tub, thiab tus Vaj Ntsuj Plig Dawb Huv ua tim khawv txog—thiab txhua yam no yuav nyob ruaj nrees ua tim khawv nkaug neeg ntiaj teb thaum txog hnub kawg.

5 Thiab yog tias lawv hloov siab lees txim thiab los cuag Leej Txiv los ntawm Yexus lub npe, yuav txais lawv mus rau hauv Vajtswv lub nceeg vaj.

6 Thiab nim no, nej xav saib kuv puas muaj txoj cai ua tej no; vim thaum nej pom kuv nej yuav paub tias kuv muaj txoj cai, thiab peb yuav sawv ntawm Vajtswv xub ntiag thaum txog hnub kawg. Amees.