1 Thiab nim no kuv, Nifais, tsis sau zaj qhia caj ceg txog kuv tej poj koob yawm txwv rau hauv kuv phau ceev xwm txheej no; thiab tom qab no los ntshe kuv yuav tsis sau tej ntawd rau hauv cov phiaj uas kuv tab tom sau no; vim twb muaj tej ntawd sau nyob rau hauv phau ceev xwm txheej uas kuv txiv tau ceev tseg; yog li ntawd, kuv thiaj tsis sau rau hauv phau no.

2 Yog li ntawd txaus kuv siab hais tias peb yog Yauxej tej xeeb ntxwv.

3 Thiab yuav tsis ua cas rau kuv yog kuv tsis sau txhua yam txog kuv txiv, vim sau tsis tau tej no rau saum cov phiaj no, vim kuv xav kom muaj chaw cia rau kuv sau tej yam txog Vajtswv.

4 Vim tag nrho kuv lub hom phiaj tsuas yog kom kuv yaum tau neeg los cuag Anplaham tus Vajtswv, thiab Ixaj tus Vajtswv, thiab Yakhauj tus Vajtswv, thiab txais kev cawm dim.

5 Yog li ntawd, kuv tsis sau tej yam uas ntxim siab rau neeg ntiaj teb, tiam sis kuv tsuas sau tej yam uas ntxim siab rau Vajtswv thiab rau cov uas tsis yog neeg ntiaj teb.

6 Yog li ntawd, kuv yuav muab lus txib rau kuv cov tub ki, kom lawv yuav tsis txhob siv tej phiaj no sau tej yam uas tsis muaj nuj nqis rau noob neej.