1 Thiab nyob rau hnub ntawd nej yuav hais tias: Auj tus Tswv, kuv yuav qhuas koj; txawm tias koj tau npau taws rau kuv los koj txoj kev npau taws twb ploj mus, thiab koj nplij kuv lub siab.

2 Saib seb, Vajtswv yog kuv txoj kev cawm seej; kuv yuav cia siab, thiab yuav tsis ntshai; vim tus Tswv Yehauvas yog kuv lub zog thiab kuv zaj nkauj; nws kuj tau los ua kuv txoj kev cawm seej.

3 Yog li ntawd, nej yuav xyiv fab hlo daus cov dej tawm ntawm tej qhov dej cawm seej.

4 Thiab nyob rau hnub ntawd nej yuav hais tias: Qhuas tus Tswv, hu txog nws lub npe, tshaj tej uas nws ua rau cov neeg sawv daws, qhia hais tias nws lub npe zoo kawg nkaus.

5 Cia li hu nkauj rau tus Tswv; vim nws tau ua tej xwm txheej uas zoo kawg nkaus; tej no yeej paub thoob plaws nyob hauv lub ntiaj teb.

6 Cia li qw nrov nrov, nej cov neeg ntawm Xi-oos; vim Ixayees tus Dawb Huv uas nyob nrog nej muaj hwj chim heev.