Ko ira na yalo savasava (V&V 97:21). Na Saioni e kena ibalebale talega na vanua era tiko kina na yalo savasava. E dua na koro levu a tara ko Inoki kei ira na nona tamata ka qai yaco me kau yani ki lomalagi ena vuku ni buladodonu a vakatokai ko Saioni (V&V 38:4; Mosese 7:18–21, 69). Ena veisiga mai muri ena tara e dua na koro levu ka yacana ko Saioni volekata na Yasayasa vaka-Jekesoni, e Misuri (Amerika), era na vakasoqoni vata kina na mataqali i Isireli (V&V 103:11–22; 133:18). Era vakasalataki na Yalododonu me ra tarai Saioni cake ena vanua cava ga era tu kina e vuravura.