Ena ivolanikalou na vakacegu e rawa ni kena ibalebale na galala mai na veivaluvaluti kei na tiko yavavala se na vakacegu e loma kei na logaloga vinaka ka vakasucuma na Yalo e solia na Kalou vei ira na Nona Yalododonu yalodina.
Galala mai na veivaluvaluti kei na tiko yavavala
Sa vakaotia na ivalu ko Koya, Same 46:9 .
A ra na sega ni vulica tale na ivalu, Ais. 2:4 .
Mo dou cata sara kina na ivalu ka vunautaka na veisaututaki, V&V 98:16 .
Dou vakarewataka na tawake ni veisaututaki, V&V 105:39 .
Na vakacegu ni Kalou vei ira sa talairawarawa
Ena vakatokai na iVakabula me Ravouvou ni Sautu, Ais. 9:6 .
Sa sega na vakacegu vei ira sa talaidredre, Ais. 48:22 .
Era sa lewevuqa na kai lomalagi, era sa vakavinavinaka vua na Kalou ka kaya, sa nona na Kalou na vakarokoroko ena veiyasana e cake sara, a sa veivinakati rawa ko ira e vuravura, Luke 2:13–14 .
Au sa laiva vei kemudou na vakacegu, Joni 14:27 .
Ia na vakacegu ni Kalou sa uasivia na ka kecega e kilai rawa, Fili. 4:7 .
Sa vakacegui na lomadra na tamata nei Penijamini na Tui, Mosa. 4:3 .
Sa vakaevei na kena lagilagi ena ulunivanua na yavadra era sa vakarogoya mai na sautu, Mosa. 15:14–18 (Ais. 52:7 ).
Sa masu vua na Turaga ko Alama ka kunea na vakacegu, Alama 38:8 .
Ena ciqomi na yalodra era sa ivalavala dodonu ki na dua na itutu ni vakacegu kei na sautu, Alama 40:12 .
Au a sega li ni vakaceguya na nomu vakasama me baleta na ka oqo, V&V 6:23 .
Mo bula ena yalomalua ni Yaloqu, ko na rawata kina na noqu vakacegu, V&V 19:23 .
Ko koya sa vakayacora tiko vakadodonu na nona i tavi ena rawata na vakacegu, V&V 59:23 .
Dou vakaisulu ena ivau ni loloma uasivi, io sai koya na ivau sa uasivi sara kei na vakacegu, V&V 88:125 .
Ia na luvequ; me vakacegu na yalomu, V&V 121:7 .