Icandelo 82
Isityhilelo esinikwe uJoseph Smith uMprofeti, eIndependence, Jackson Khawunti, eMissouri, Aprili 26, 1832. Ithuba yayilelequmrhu lababingeleli abakhulu nabadala beBandla. Kwiqumrhu, uJoseph Smith waxhaswa kulo njengoMongameli woBubingeleli oBukhulu, eofisini leyo ebemiselwe kuyo ngaphambili kwinkomfa yababingeleli abakhulu, abadala, namalungu, eAmherst, eOhio, Januwari 25, 1832 (bona isihloko secandelo 75). Esi sityhilelo siphindaphinda imiyalelo enikwe kwisityhilelo esingaphambili (icandelo 78) ekubeni kumiswe ifemi—eyayisaziwa njenge iFemi eManyeneyo (phantsi kolawulo kukaJoseph Smith, igama “uhlobo” endaweni yalo kamva libe “ifemi”)—ekulawuleni urhwebo lweBandla nemizamo yopapasho.
1–4, Apho okuninzi kunikiweyo, okuninzi kuyafuneka; 5–7, Ubumnyama buyalawula ehlabathini; 8–13, INkosi ibophelelekile xa senza oko ikuthethayo; 14–18, IZiyon imele ukwandisa kubuhle nasebungcweleni; 19–24, Wonke umntu umele ukufuna umnqweno wommelwane wakhe.
1 Inene, inene, ndithi kuni, zicaka zam, njengokuba anixolelene omnye nomnye izono zenu, nkqu kunjalo mna, iNkosi, ndiyanixolela.
2 Nangona kunjalo, kukho abo phakathi kwenu bone ngokugqithisileyo; ewe, nkqu anonke nonile; kodwa inene ndithi kuni, lumkani ukususela ngoku, kwaye sukani esonweni, hleze izigwebo ezibuhlungu ziwe phezu kweentloko zenu.
3 Kuba kulowo akunikwe okuninzi kuye okuninzi bkuyafuneka; kwaye lowo cwona ngokuchasene dnokhanyiselo olukhulu ngakumbi uya kuzuza isigwebo esikhulu ngakumbi.
4 Nina bizelani egameni lam aizityhilelo, kwaye ndizinikela kuni; nanjengokuba ningazigcini iintetha zam, endininika zona, niba ngaboni; kwaye bubulungisa nesigwebo zizisohlwayo ezibotshelelwe emthethweni wam.
5 Ke ngoko, oko ndikuthetha komnye ndikuthetha kubo bonke: aLumkani, kuba butshaba lunwenisa ubukhosi balo, kwaye cubumnyama buyalawula;
6 Kwaye umsindo kaThixo uyavutha ngokuchasene nabemi bomhlaba; kwaye akukho namnye owenza okulungileyo, kuba bonke baphume ngaphandle akwendlela.
7 Kwaye ngoku, inene ndithi kuni, mna, iNkosi, andisayi kubeka nasinye aisono kwisityholo senu; hambani iindlela zenu nize ningoni kwakhona; kodwa kuloo mphefumlo wonayo bizono ezigqithileyo zobuyela, itsho iNkosi uThixo wenu.
8 Kwaye kwakhona, ndithi kuni, ndininika aumyalelo omtsha, ukuze nibe nokuqonda intando yam ngokunxulumene nani;
9 Okanye, ngamanye amazwi, ndininika izikhokelo zokuba aningenza njani phambi kwam, ukuze kube nokuguqukelela kuni usindiso lwenu.
10 Mna, iNkosi, andibophelelekile xa nenza oko ndikutshoyo; kodwa xa ningenzi oko ndikutshoyo, aninasithembiso.
11 Ke ngoko, inene ndithi kuni, okokuba kufanelekile kwizicaka zam uEdward Partridge noNewel K. Whitney, A. Sidney Gilbert noSidney Rigdon, nezicaka zam uJoseph Smith, noJohn Whitmer no-Oliver Cowdery, noW. W. Phelps noMartin Harris babotshwe akunye ngembophelelo nomnqophiso ongenako ukophulwa ngokona, ngaphandle kwesigwebo esiya kulandela ngokukhawuleza, ebugoseni benu obahlukahlukeneyo—
12 Ekulawuleni imiba yamahlwempu, nazo zonke izinto ezinxulumene nobubhishopu kunye emhlabeni weZiyon nasemhlabeni weKirtland;
13 Kuba ndiwungcwalisile umhlaba waseKirtland ngexesha elilelam elifanelekileyo ukuze ulungele abangcwele baseNyangweni, anesiteyki eZiyon.
14 Kuba iZiyon imele ukwanda kubuhle, nasebungcweleni; imida yayo imele ukwandiswa; neziteyki zimele ukomelezwa; ewe, inene ndithi kuni, aiZiyon mayiphakame ize inxibe biingubo zayo ezintle.
15 Ke ngoko, ndininike lo myalelo, ukuze nizibophelele iziqu zenu ngalo mnqophiso, kwaye uya kwenziwa ngokunxulumene nemithetho yeNkosi.
16 Qaphelani, nabu ubulumko kanjalo kum ukulungiselele nina.
17 Kwaye nimele aukulingana, okanye ngamanye amazwi, nimele ukuba namabango alinganayo kwiipropathi, ukwenzela ukulawula iingxaki zobugosa benu, wonke umntu ngokunxulumene neemfuno zakhe neentswelo zakhe, njengokuba iimfuno zakhe zifanelekile—
18 Kwaye konke oku kwenzelwa inzuzo ibandla likaThixo ophilileyo, ukuze wonke umntu abe nokuphucula aitalente yakhe, ukuze wonke umntu azuze ezinye iitalente, ewe, nkqu kalikhulu, kube nokuphoselwa bkuvimba weNkosi, kube yipropati eqhelekileyo yebandla lilonke—
19 Wonke umntu efuna umnqweno wommelwane wakhe, kwaye esenza zonke izinto angeliso elijonge kuphela uzuko lukaThixo.
20 Lo amyalelo ndiwonyulele ube ngumyalelo wanaphakade kuni, nakwabo benu baza kulandela, njengokuba ningenzi sono.
21 Kwaye umphefumlo owona ngokuchasene nalo mnqophiso, uze uqaqadekise intliziyo yawo ngokuchasene nawo, kuya kwenziwa kuwo ngokunxulumene nemithetho yebandla lam, kwaye uya kunikelwa akwiintlitheko zikaSathana kude kube ngumhla wenkululeko.
22 Kwaye ngoku, inene ndithi kuni, kwaye obu bubulumko, zenzeleni izihlobo ngaso isithixo-sonyoluko sokungalungisi, kwaye asiyi kunitshabalalisa.
23 Yekelani isigwebo kuphela kum, kuba sesam kwaye ndiya akuhlawula kwakhona. Uxolo malube nani; iintsikelelo zam ziqhubekeke nani.
24 Kuba nkqu aubukumkani busebobenu, kwaye buya kuba ngonaphakade, ukuba aniwi ekumeni nkqi kwenu. Nkqu kunjalo. Amen.