Aluma

Ekitabo kya Momoni

Ennyanjula n’Abajulizi
1 Neefi
2 Neefi
Yakobo
Enosi
Yalomu
Omni
Ebigambo bya Momoni
Mosiya
Aluma
Keramani

Aluma

Essuula 1
Nekoli ayigiriza enjigiriza ez’obulimba, atandikawo ekkanisa, aleetawo embuulira ey’obulimba, era atta Gidiyoni; Nekoli attibwa olw’ebikolobero bye; Okubuulira eby’obulimba n’okuyigganyizibwa bisaasaana mu bantu; Bakabona beeyimirizawo, abantu bafaayo eri abaavu, era ekkanisa ekulaakulana. Nga mu mwaka gwa 91–88 nga Kristo tannazaalibwa.
Essuula 2
Amulisi afuba okubeera kabaka era n’agaanibwa eddoboozi ly’abantu; Abagoberezi be bamufuula kabaka; Abamulisi bakola olutalo ku Baneefi ne bawangulwa; Abalamani n’Abamulisi beegatta ne bawangulwa; Aluma atta Amulisi. Nga mu mwaka gwa 87 nga Kristo tannazaalibwa.
Essuula 3
Abamulisi baali beeteekako akabonero okusinziira ku kigambo eky’obunnabbi; Abalamani baali bakolimiddwa olw’obujeemu bwabwe; Abantu bennyini bebeeretera ebikolimo byabwe; Abaneefi bawangula eggye ery’Abalamani eddala. Nga mu mwaka gwa 87–86 nga Kristo tannazaalibwa.
Essuula 4
Aluma abatiza enkumi n’enkumi z’abaakyuka; Obubi buyingira mu kkanisa, era enkulaakulana y’ekkanisa eremesebwa; Nefayika alondebwa okuba ssabalamuzi; Aluma, nga kabona ow’oku ntikko, yeewaayo mu buweereza. Nga mu mwaka gwa 86–83 nga Kristo tannazaalibwa.
Essuula 5
Okufuna obulokozi, abantu balina okwenenya ne bakuuma ebiragiro, bazaalibwe omulundi ogw’okubiri, batukuze ebyambalo byabwe okuyitira mu musaayi gwa Kristo, babeere beetoowaze era beyambule amalala n’obuggya, era bakole ebikolwa eby’obutuukirivu; Omusumba omulungi ayita abantu be; Abo abakola ebikolwa ebibi baana ba setaani; Aluma awa obujulizi ku mazima g’enjigiriza ye era n’alagira abantu okwenenya; Amannya g’abatuukirivu galiwandiikibwa mu kitabo eky’obulamu. Nga mu mwaka gwa 83 nga Kristo tannazaalibwa.
Essuula 6
Ekkanisa mu Zalakemula etukuzibwa era n’etegekebwa; Aluma agenda e Gidiyoni okubuulira. Nga mu mwaka gwa 83 nga Kristo tannazaalibwa.
Essuula 7
Kristo ajja kuzaalibwa Maliyamu; Ajja kusumulula emiguwa gy’okufa era yeettike ebibi by’abantu be; Abo abenenya, ne babatizibwa, era ne bakuuma ebiragiro bajja kuba n’obulamu obutaggwaawo; Obugwagwa tebusobola kusikira bwakabaka bwa Katonda; Obwetoowaze, okukkiriza, essuubi, n’okwagala okwa nnamaddala byetaagibwa. Nga mu mwaka gwa 83 nga Kristo tannazaalibwa.
Essuula 8
Aluma abuulira era n’abatiza mu Mereki; Agaanibwa mu Amonayika era n’avaayo; Malayika amulagira akomewo era alangirire okwenenya eri abantu; Ayanirizibwa Amuleki, era bombi babuulira mu Amonayika. Nga mu mwaka gwa 82 nga Kristo tannazaalibwa.
Essuula 9
Aluma alagira abantu ba Amonayika okwenenya; Mukama anabeera musasizi eri Abalamani mu nnaku ez’oluvannyuma; Singa Abaneefi banaaleka ekitangaala, bajja kuzikirizibwa Abalamani; Omwana wa Katonda ajja kujja mangu; Ajja kununula abo abeenenya, ababatiziddwa, era abalina okukkiriza mu linnya lye. Nga mu mwaka gwa 82 nga Kristo tannazaalibwa.
Essuula 10
Leki wa lunyiriri lwa Manase; Amuleki akwanaganya ekiragiro kya malayika nti afeeyo ku Aluma; Essaala z’abatuukirivu zireetera abantu okutalizibwa; Bannamateeka n’abalamuzi abatali batuukirivu bateekawo omusingi gw’okuzikirizibwa kw’abantu. Nga mu mwaka gwa 82 nga Kristo tannazaalibwa.
Essuula 11
Enkozesa y’ensimbi ez’Abaneefi essibwawo; Amuleki ayomba ne Zeziromu; Kristo tajja kulokola bantu mu bibi byabwe; Abo bokka abasikira obwakabaka obw’omu ggulu be balokolebwa; Abantu bonna balizuukira mu butafa; Tewali kufa oluvannyuma lw’okuzuukira. Nga mu mwaka gwa 82 nga Kristo tannazaalibwa.
Essuula 12
Aluma ayogera eri Zeziromu; Ebyekusifu bya Katonda bisobola kuweebwa beesigwa bokka; Abantu balamulwa lwa birowoozo byabwe, enzikiriza zaabwe, ebigambo byabwe, n’emirimu gyabwe; Ababi bajja kubonaabona n’okufa okw’omwoyo; Obulamu buno obw’okufa buba mbeera ya kugezesebwa; Enteekateeka ey’okununulibwa ereeta okutuukirira kw’okuzuukira era, okuyitira mu kukkiriza, okusonyiyibwa okw’ebibi; Abeenenya balina eddembe okusaasirwa okuyitira mu oyo Omwana eyazaalibwa omu yekka. Nga mu mwaka gwa 82 nga Kristo tannazaalibwa.
Essuula 13
Abantu bayitibwa nga bakabona ab’oku ntikko olw’okukkiriza kwabwe okusukkulumu n’ebikolwa ebirungi; Balina okuyigiriza ebiragiro; Okuyitira mu butuukirivu batukuzibwa era ne bayingira mu kiwummulo kya Mukama; Merukizeddeeki yali omu ku bano; Bamalayika balangirira amawulire ag’essanyu mu nsi yonna; Bajja kulangirira okujja kwa Kristo kwennyini. Nga mu mwaka gwa 82 nga Kristo tannazaalibwa.
Essuula 14
Aluma ne Amuleki basibibwa era ne bakubibwa; Abakkiriza n’ebyawandiikibwa byabwe ebitukuvu byokebwa omuliro; Abajulizi bano banirizibwa Mukama mu kitiibwa; Ebisenge by’ekkomera bibuulukukamu era ne bigwa; Aluma ne Amuleki banunulibwa, era n’ababayigganya battibwa. Nga mu mwaka gwa 82–81 nga Kristo tannazaalibwa.
Essuula 15
Aluma ne Amuleki bagenda e Sidomu era ne batandikawo ekkanisa; Aluma awonya Zeziromu, eyeegatta ku kkanisa; Bangi babatizibwa, era ekkanisa n’ekulaakulana; Aluma ne Amuleki bagenda e Zalakemula. Nga mu mwaka gwa 81 nga Kristo tannazaalibwa.
Essuula 16
Abalamani basaanyaawo abantu ba Amonayika; Zolamu akulembera Abaneefi okutuuka ku buwanguzi eri Abalamani; Aluma ne Amuleki era n’abalala bangi babuulira ekigambo; Bayigiriza nti oluvannyuma lw’okuzuukira kwe Kristo ajja kulabika eri Abaneefi. Nga mu mwaka gwa 81–77 nga Kristo tannazaalibwa.
Essuula 17
Batabani ba Mosiya balina omwoyo ogw’obunnabbi n’okubikkulirwa; Bagenda mu makubo gaabwe ag’enjawulo okulangirira ekigambo eri Abalamani; Amoni agenda mu nsi ya Yisimayiri n’afuuka omuweereza wa kabaka Lamoni; Amoni ataasa ebisibo bya kabaka era n’atta abalabe be ku mazzi ga Sebusi. Ennyiriri 1–3, nga mu mwaka gwa 77 nga Kristo tannazaalibwa; olunyiriri 4, nga mu mwaka gwa 91–77 nga Kristo tannazaalibwa; era n’ennyiriri 5–39, nga mu mwaka gwa 91 nga Kristo tannazaalibwa.
Essuula 18
Kabaka Lamoni alowooza nti Amoni ye Mwoyo ogw’Amaanyi; Amoni ayigiriza kabaka ku kutondebwa, enkolagana ya Katonda n’abantu, era n’okununulibwa okujja nga kuyita mu Kristo; Lamoni akkiriza era n’agwa ku ttaka ng’alinga afudde. Nga mu mwaka gwa 90 nga Kristo tannazaalibwa.
Essuula 19
Lamoni afuna ekitangaala eky’obulamu obutaggwaawo era alaba omununuzi; Ab’enju ye bawuniikirira, era bangi balaba bamalayika; Amoni akuumibwa mu ngeri ey’ekyamagero; Abatiza bangi era n’atandikawo ekkanisa mu bo. Nga mu mwaka gwa 90 nga Kristo tannazaalibwa.
Essuula 20
Mukama atuma Amoni eri Middoni okununula baganda be abasibe; Amoni ne Lamoni basisinkana taata wa Lamoni, nga ye kabaka w’ekitundu ekyo kyonna; Amoni awaliriza kabaka omukadde okukkiriza okuyimbulwa kwa baganda be. Nga mu mwaka gwa 90 nga Kristo tannazaalibwa.
Essuula 21
Alooni ayigiriza Abamaleki ku Kristo ne ku Mutango gwe; Alooni ne baganda be basibibwa mu Middoni; Oluvannyuma lw’okununulibwa kwabwe, bayigiriza mu makuŋŋaaniro era ne bakyusa bangi; Lamoni awa abantu mu nsi ya Isimayiri eddembe ery’okusoma eddiini. Nga mu mwaka gwa 90–77 nga Kristo tannazaalibwa.
Essuula 22
Alooni ayigiriza taata wa Lamoni ku butonzi, okugwa kwa Adamu mu kibi, era n’enteekateeka ey’okununulibwa okuyita mu Kristo; Kabaka n’ab’enju ye bonna bakyusibwa; Engabanya y’ensi wakati w’Abaneefi n’Abalamani ennyonnyolwa. Nga mu mwaka gwa 90–77 nga Kristo tannazaalibwa.
Essuula 23
Eddembe ery’okusoma eddiini lirangiriddwa; Abalamani mu nsi musanvu n’ebibuga bakyusibwa; Beeyita b’Anti-Neefi-Leki era ne basumululwa okuva mu kikolimo; Abamaleki n’Abamulooni bagaana amazima. Nga mu mwaka gwa 90–77 nga Kristo tannazaalibwa.
Essuula 24
Abalamani bajja okulwanyisa abantu ba Katonda; Ab’Anti-Neefi-Leki basanyukira mu Kristo era bakyalirwa bamalayika; Basalawo okufa okusinga okwerwanako; Abalamani bangi bakyusibwa. Nga mu mwaka gwa 90–77 nga Kristo tannazaalibwa.
Essuula 25
Obulumbaganyi bw’Abalamani busaasaana; Ezzadde lya bakabona ba Nuuwa lisaanawo nga Abinadi bwe yawa obunnabbi; Abalamani bangi bakyuka ne beegatta ku bantu ba Anti-Neefi-Leki; Bakkiririza mu Kristo era bakuuma amateeka ga Musa. Nga mu mwaka gwa 90–77 nga Kristo tannazaalibwa.
Essuula 26
Amoni yenyumiriza mu Mukama; Abesigwa banywezebwa Mukama era ne baweebwa okumanya; Olw’okukkiriza abantu basobola okuleeta enkumi n’enkumi z’abantu eri okwenenya; Katonda alina amaanyi gonna era ategeera ebintu byonna. Nga mu mwaka gwa 90–77 nga Kristo tannazaalibwa.
Essuula 27
Mukama alagira Amoni okukulembera abantu ba Anti-Neefi-Leki mu kifo eky’obukuumi; Mukusisinkana Aluma, Amoni essanyu lyamubugaana n’aggwamu amaanyi; Abaneefi bawa ba Anti-Neefi-Leki ensi y’e Yasoni; Bayitibwa abantu ba Amoni. Nga mu mwaka gwa 90–77 nga Kristo tannazaalibwa.
Essuula 28
Abalamani bawangulwa mu lutalo olw’amaanyi ennyo; Enkumi n’enkumi zittibwa; Ababi bateekebwa mu mbeera ey’obuyinike okutakoma; abatuukirivu bafuna essanyu eritakoma. Nga mu mwaka gwa 77–76 nga Kristo tannazaalibwa.
Essuula 29
Aluma ayagala okubuulira okwenenya n’obunyiikivu nga obwa bamalayika; Mukama awa amawanga gonna abasomesa; Aluma yenyumiriza mu mulimu gwa Mukama ne mu buwanguzi bwa Amoni ne baganda be. Nga mu mwaka gwa 76 nga Kristo tannazaalibwa.
Essuula 30
Koliko, omulabe wa Kristo, asekerera Kristo, Omutango, era n’omwoyo ogw’obunnabbi; Ayigiriza nti tewaliyo Katonda, tewali kugwa kwa muntu mu kibi, tewali kibonerezo kya kibi, era tewali Kristo; Aluma awa obujulizi nti Kristo ajja kujja era nti ebintu byonna biraga nti waliyo Katonda; Koliko ayagala bamulage akabonero era aziba omumwa; Setaani yalabikira Koliko nga malayika era n’amuyigiriza ky’alina okwogera; Koliko bamulinnyirira n’afa. Nga mu mwaka gwa 76-74 nga Kristo tannazaalibwa.
Essuula 31
Aluma akulembera omulimu gw’okuzza Abazolamu bakyewaggula; Abazolamu beegaana Kristo, bakkiririza mu ndowooza ey’obulimba ey’okulondebwa, era basinza n’essaala ez’enkalakkalira; Abaminsani bajjuzibwa Omwoyo Omutukuvu; Ebibonoobono byabwe biggyibwawo essanyu lya Kristo. Nga mu mwaka gwa 74 nga Kristo tannazaalibwa.
Essuula 32
Aluma ayigiriza abaavu abaali bakkakanyiziddwa ebibonoobono byabwe; okukkiriza lye ssuubi mu ekyo ekitalabika nga eky’amazima; Aluma awa obujulizi nti bamalayika baweereza eri abasajja, abakazi, n’abaana; Aluma ageraageranya ekigambo ku nsigo; Eteekwa okusimbibwa n’okugabirirwa; Awo n’ekula okufuuka omuti ebibala eby’obulamu obutaggwawo kwe binogebwa. Nga mu mwaka gwa 74 nga Kristo tannazaalibwa.
Essuula 33
Zenosi yayigiriza nti abantu balina okusaba n’okusinza mu bifo byonna, era nti ebibonerezo bya Katonda biggyiddwawo olw’Omwana; Zenoka yayigiriza nti okusaasira kuweebwa olw’Omwana; Musa yali yayimusa mu ddungu akabonero ak’Omwana wa Katonda. Nga mu mwaka gwa 74 nga Kristo tannazaalibwa.
Essuula 34
Amuleki awa obujulizi nti ekigambo kiri mu Kristo eky’obulokozi; Okuggyako ng’omutango gukoleddwa, abantu bonna balina okusaanawo; Amateeka gonna aga Musa gasonga ku ssaddaaka y’Omwana wa Katonda; Entegeka ey’okununulwa ey’olubeerera yesigamiziddwa ku kukkiriza n’okwenenya; Musabe olw’ebintu eby’ekiseera n’emikisa egy’obwomwoyo; Obulamu buno kye kiseera abantu mwe balina okwetegekera okusisinkana Katonda; Mukolerere obulokozi bwammwe n’okutya mu maaso ga Katonda. Nga mu mwaka gwa 74 nga Kristo tannazaalibwa.
Essuula 35
Okubuulira kw’ekigambo kusaanyawo obulimba bw’Abazolamu; Bagoba abaakyuka, olwo bano ne beegatta ku bantu ba Amoni mu Yasoni; Aluma anakuwala olw’obubi bw’abantu. Nga mu mwaka gwa 74 nga Kristo tannazaalibwa.
Essuula 36
Aluma awa Kelamani obujulizi obukwata ku kukyusibwa kwe oluvannyuma olw’okulaba malayika; Y’abonaabona n’obulumi obw’omwoyo ogukomezeddwa; yakowoola erinnya lya Yesu, era olwo yazaalibwa Katonda; Emmeeme ye yajjula essanyu eriwoomu; Yalaba ebibinja bya bamalayika nga bisinza Katonda; Abaakyuka bangi balozezzaako ne balaba era nga bwalozezaako era n’alaba. Nga mu mwaka gwa 74 nga Kristo tannazaalibwa.
Essuula 37
Embaati ez’ekikomo n’ebyawandiikibwa ebirala bikuumiddwa okuleeta emyoyo eri obulokozi; Abayaledi baazikirizibwa olw’obubi bwabwe; Ebirayiro byabwe eby’ekyama n’endagaano zaabwe birina okukwekebwa okuva eri abantu; Mwebuzenga ku Mukama mu byonna bye mukola; Nga Liyakona bwe yaluŋŋamya Abaneefi, bwe kityo ekigambo kya Kristo kiruŋŋamya abantu eri obulamu obutaggwaawo. Nga mu mwaka gwa 74 nga Kristo tannazaalibwa.
Essuula 38
Sibulooni yayigganyizibwa olw’obutuukirivu; Obulokozi buli mu Kristo, nga ye bulamu n’ekitangaala eky’ensi; Fuga okwegomba kwo kwonna. Nga mu mwaka gwa 74 nga Kristo tannazaalibwa.
Essuula 39
Ekibi ky’obukaba kizira; Ebibi bya Kolyantoni byalemesa Abazolamu okufuna kigambo; Okununulibwa kwa Kristo kutandikira mu biseera ebyayita mu kununula abaakkiriza abaakusokawo. Nga mu mwaka gwa 74 nga Kristo tannazaalibwa.
Essuula 40
Kristo aleeta okuzuukira kw’abantu bonna; Abafu nga batuukirivu bagenda mu kifo eky’okwesiima ate ababi ne bagenda mu kizikiza ewala okulindirira olunaku lw’okuzuukira kwabwe; Ebintu byonna bijja kuzzibwa mu bibago byabyo ebituufu era ebituukiridde mu kuzuukira. Nga mu mwaka gwa 74 nga Kristo tannazaalibwa.
Essuula 41
Mu kuzuukira abantu batuuka mu mbeera ey’essanyu ery’olubeerera oba ennaku ey’olubeerera; Obubi tebubangako ssanyu; Abantu ab’omubiri tebalina Katonda mu nsi; Mu kuzzibwawo buli muntu addizibwa nate enneeyisa n’empisa bye yayigira mu mubiri ogufa. Nga mu mwaka gwa 74 nga Kristo tannazaalibwa.
Essuula 42
Obw’omubiri kiseera kya kugezesebwa okusobozesa omuntu okwenenya n’okuweereza Katonda; Okugwa mu kibi kwaleeta okufa okw’omubiri n’okw’omwoyo ku bantu bonna; Obununuzi bujja okuyita mu kwenenya; Katonda yennyini atangirira ebibi eby’ensi; Okusaasirwa kw’abo abeenenya; Abalala bonna bagondera obwenkanya bwa Katonda; Okusaasira kujja olw’Omutango; Abo bokka ababoneredde mu mazima be balokolebwa. Nga mu mwaka gwa 74 nga Kristo tannazaalibwa.
Essuula 43
Aluma ne batabani be babuulira ekigambo; Abazolamu n’abalala bakyewaggula Abaneefi bafuuka Abalamani; Abalamani balwanagana n’Abaneefi mu lutalo; Moloni awa Abaneefi ebyambalo eby’olutalo eby’okwekuuma; Mukama amanyisa Aluma ku enteekateeka z’Abalamani; Abaneefi balwanirira amaka gaabwe, eddembe, ab’omu maka gaabwe, n’eddiini; Amagye ga Moloni ne Leki gazingiza Abalamani. Nga mu mwaka gwa 74 nga Kristo tannazaalibwa.
Essuula 44
Moloni alagira Abalamani okulagaana endagaano ey’emirembe oba bazikirizibwe; Zerakemuna agaana omukisa ogumuweereddwa, era olutalo luddamu; Amagye ga Moloni gawangula Abalamani. Nga mu mwaka gwa 74–73 nga Kristo tannazaalibwa.
Essuula 45
Keramani akkiririza ebigambo bya Aluma; Aluma awa obunnabbi bw’okuzikirizibwa kw’Abaneefi; Awa omukisa era n’okukolimira ensi; Aluma ayinza okuba nga yatwalibwa Omwoyo, ddala nga Musa; Obutakkaanya bweyongera okusensera ekkanisa. Nga mu mwaka gwa 73 nga Kristo tannazaalibwa
Essuula 46
Amalikaya yekoobaana okubeera kabaka; Moloni ayimusa bendera ey’emirembe; Akuŋŋaanya abantu okulwanirira eddiini yaabwe; Abakkiriza abatuufu bayitibwa Abakristaayo; Abaaffikkawo okuva mu lunyiriri lwa Yusufu balikuumibwa; Amalikaya ne bakyewaggula baddukira mu nsi ya Neefi; Abo abataawagire nsonga ya ddembe battibwa. Nga mu mwaka gwa 73–72 nga Kristo tannazaalibwa.
Essuula 47
Amalikaya akozesa enkwe, ettemu, n’obukujjukujju okufuuka kabaka w’Abalamani; Bakyewaggula Abaneefi babi nnyo era bakambwe okusinga Abalamani. Nga mu mwaka gwa 72 nga Kristo tannazaalibwa.
Essuula 48
Amalikaya akuma omuliro mu Balamani okulwanyisa Abaneefi; Moloni ateekateeka abantu be okulwanirira ensonga y’Abakristaayo; Asanyukira mu ddembe n’ebbeetu era musajja wa Katonda ow’amaanyi. Nga mu mwaka gwa 72 nga Kristo tannazaalibwa.
Essuula 49
Abalamani abalumbaganyi balemererwa okuwamba ebibuga bya Amonayika ne Nuuwa ebyanywezebwa; Amalikaya akolimira Katonda era n’alayira okunywa omusaayi gwa Moloni; Kelamani ne baganda be bagenda mu maaso n’okuzzaamu ekkanisa amaanyi. Nga mu mwaka gwa 72 nga Kristo tannazaalibwa.
Essuula 50
Moloni anyweza ensi z’Abaneefi; Bazimba ebibuga ebipya bingi; Entalo n’okuzikirizibwa byatuuka ku Baneefi mu nnaku ez’obubi n’ebizira byabwe; Moliyantoni n’abo bakyewaggula bawangulwa Tiyankamu; Nefayika afa, era mutabani we Pakolani atuula ku ntebe ey’obulamuzi. Nga mu mwaka gwa 72–67 nga Kristo tannazaalibwa.
Essuula 51
Abaakabaka banoonya okukyusa amateeka era bateekewo kabaka; Pakolani n’ab’eddembe bawagirwa eddoboozi ly’abantu; Moloni awaliriza abaakabaka okulwanirira ensi yaabwe oba okuttibwa; Amalekaya n’Abalamani bawamba ebibuga by’ebigo bingi; Tiyankamu azzaayo olulumba lw’Abalamani era n’atta Amalikaya mu weema ye. Nga mu mwaka gwa 67–66 nga Kristo tannazaalibwa.
Essuula 52
Amolooni asikira Amalikaya nga kabaka w’Abalamani; Moloni, Tiyankamu, era ne Leki bakulembera Abaneefi mu lutalo olw’obuwanguzi eri Abalamani; Ekibuga kya Muleki kyeddizibwa, era Yakobo Omuzolamu attibwa. Nga mu mwaka gwa 66–64 nga Kristo tannazaalibwa.
Essuula 53
Abasibe Abalamani bakozesebwa okunyweza ekibuga Kyengera; Okwewaggula mu Baneefi kuviirako obuwanguzi bw’Abalamani; Keramani akwasibwa obuduumizi obw’embulakalevu enkumi bbiri batabani b’abantu ba Amoni. Nga mu mwaka gwa 64–63 nga Kristo tannazaalibwa.
Essuula 54
Amolooni ne Moloni bateesa ku kuwanyisiganya abasibe; Moloni ayagala Abalamani okuvaayo n’okukomya obulumbaganyi bwabwe obw’ettemu; Amolooni ayagala Abaneefi bateeke wansi ebyokulwanyisa byabwe era bafugibwe Abalamani. Nga mu mwaka gwa 63 nga Kristo tannazaalibwa.
Essuula 55
Moloni agaana okuwaanyisiganya abasibe; Abakuumi b’Abalamani basendebwasendebwa okutamiira, era abasibe Abaneefi bateebwa; Ekibuga kya Gidi kitwalibwa awatali kuyiwa musaayi. Nga mu mwaka gwa 63- 62 nga Krisito tannazaalibwa.
Essuula 56
Keramani aweereza ebbaluwa eri Moloni, ng’alombojja embeera ey’olutalo n’Abalamani; Antipasi ne Keramani bafuna obuwanguzi obw’amaanyi ku Balamani; Embulakalevu enkumi bbiri aba Keramani balwana n’amaanyi ag’ekyamagero, era ne wataba n’omu ku bo attibwa. Olunyiriri 1, nga mu mwaka gwa 62 nga Kristo tannazaalibwa; ennyiriri 2–19, nga mu mwaka gwa 66 nga Kristo tannazaalibwa; n’ennyiriri 20–57, nga mu mwaka gwa 65–64 nga Kristo tannazaalibwa.
Essuula 57
Kelamani alombojja okuwambibwa kw’Antipala n’okwewaayo n’oluvannyuma eby’okwerinda bya Kumeni; Embulakalevu ze Abamooni balwana n’obuzira; bonna balumizibwa, naye tewali n’omu attibwa; Gidi alanga okuttibwa n’okutoloka kw’abasibe Abalamani. Nga mu mwaka gwa 63 nga Kristo tannazaalibwa.
Essuula 58
Keramani, Gidi, ne Teyomuna batwala ekibuga Manti mu lukujjukujju; Abalamani bavaawo; Batabani b’abantu ba Amoni bakuumibwa nga banywevu mu kulwanirira eddembe lyabwe n’okukkiriza kwabwe. Nga mu mwaka gwa 63–62 nga Kristo tannazaalibwa.
Essuula 59
Moloni asaba Pakolani okunyweza amagye ga Keramani; Abalamani batwala ekibuga Nefayika; Moloni asunguwalira obufuzi. Nga mu mwaka gwa 62 nga Kristo tannazaalibwa.
Essuula 60
Moloni yemulugunya eri Pakolani olw’obulagajjavu bw’obufuzi eri amagye; Mukama aleka abatuukirivu okuttibwa; Abaneefi bateekwa okukozesa amaanyi gaabwe gonna n’ebintu eby’ensimbi okwenunula okuva eri abalabe baabwe; Moloni atiisatiisa okulwanyisa obufuzi okuggyako nga obuyambi buweereddwa eri amagye ge. Nga mu mwaka gwa 62 nga Kristo tannazaalibwa.
Essuula 61
Pakolani agamba Moloni ku buyeekera n’obujeemu eri obufuzi; Aboobwakabaka bawamba Zalakemula era bali mu mukago n’Abalamani; Pakolani asaba obuyambi obw’amagye okulwanyisa abayeekera. Nga mu mwaka gwa 62 nga Kristo tannazaalibwa.
Essuula 62
Moloni ayanguwa okugenda okuyamba Pakolani mu nsi ya Gidiyoni; Aboobwakabaka abagaana okulwanirira ensi yaabwe battibwa; Pakolani ne Moloni beddiza Nefayika; Abalamani bangi beegatta ku bantu ba Amoni; Tiyankamu atta Amolooni era oluvannyuma naye attibwa; Abalamani bagobwa okuva mu nsi, era emirembe ne giteekebwawo; Keramani addayo mu buweereza era azimba ekkanisa. Nga mu mwaka gwa 62–57 nga Kristo tannazaalibwa.
Essuula 63
Sibulooni n’oluvannyuma Keramani batwala ebiwandiiko ebitukuvu; Abaneefi bangi bagenda mu nsi ey’omu bukiikakkono; Kagoti azimba ebyombo, ebisaabala ku nnyanja ey’omu bugwanjuba; Molonayika awangula Abalamani mu lutalo. Nga mu mwaka gwa 56–52 nga Kristo tannazaalibwa.