1 Neefi

Ekitabo kya Momoni

Ennyanjula n’Abajulizi
1 Neefi
2 Neefi
Yakobo
Enosi
Yalomu
Omni
Ebigambo bya Momoni
Mosiya

1 Neefi

Essuula 1
Neefi atandika ekiwandiiko ky’abantu be; Leki alaba mu kwolesebwa empagi ey’omuliro era n’asoma okuva mu kitabo eky’obunnabbi; Atendereza Katonda, alanga okujja kwa Masiya, era alanga okuzikirizibwa kwa Yerusaalemi; Ayigganyizibwa Abayudaaya. Nga mu mwaka gwa 600 nga Kristo tannazaalibwa.
Essuula 2
Leki atwala ab’omu maka ge mu lukoola ku mabbali g’Ennyanja Emmyufu; Baleka ebintu byabwe; Leki awaayo ssaddaaka eri Mukama era n’ayigiriza batabani be okukuuma ebiragiro; Lamani ne Lemweri beemulugunya eri kitaabwe; Neefi muwulize era asaba mu kukkiriza; Mukama ayogera naye, era amulonda okufuga baganda be. Nga mu mwaka gwa 600 nga Kristo tannazaalibwa.
Essuula 3
Batabani ba Leki baddayo e Yerusaalemi okufuna embaati ez’ekikomo; Labani agaana okuwaayo embaati; Neefi akubiriza era agumya baganda be; Labani abba ebintu byabwe era agezaako okubatta; Lamani ne Lemweri bakuba Neefi ne Samu era ne banenyezebwa malayika. Nga mu mwaka gwa 600–592 nga Kristo tannazaalibwa.
Essuula 4
Neefi atta Labani ku kiragiro kya Mukama era awo n’afuna embaati ez’ekikomo mu bukalabakalaba; Zolamu asalawo okwegatta ku maka ga Leki mu lukoola. Nga mu mwaka gwa 600–592 nga Kristo tannazaalibwa.
Essuula 5
Saliya yeemulugunya ku Leki; Bombi basanyuka olw’okudda kwa batabani baabwe; Bawaayo ssaddaaka; Embaati ez’ekikomo zirimu ebiwandiiko bya Musa era ne bannabbi; Embaati ziraga Leki ng’omuzzukulu wa Yusufu; Leki awa obunnabbi ku bikwata ku zzadde lye era n’okukuuma embaati. Nga mu mwaka gwa 600–592 nga Kristo tannazaalibwa.
Essuula 6
Neefi awandiika ku bintu bya Katonda; Ekigendererwa kya Neefi kwe kusendasenda abantu okujja eri Katonda wa Ibulayimu n’okulokolebwa. Nga mu mwaka gwa 600–592 nga Kristo tannazaalibwa.
Essuula 7
Batabani ba Leki baddayo e Yerusaalemi era ne bayita Isimayiri n’ab’omu maka ge okubeegattako mu lugendo lwabwe; Lamani n’abalala bajeema; Neefi akubiriza baganda be okuba n’okukkiriza mu Mukama; Bamusiba n’emiguwa era ne bategeka okuzikirira kwe; Asumululwa olw’amaanyi g’okukkiriza; Baganda be basaba okusonyiyibwa; Leki n’ekibiina kye bawaayo ssaddaaka n’ebiweebwayo ebyokebwa. Nga mu mwaka gwa 600–592 nga Kristo tannazaalibwa.
Essuula 8
Leki alaba okwolesebwa kw’omuti gw’obulamu; alya ku kibala kyagwo era n’ayagala ab’omu maka ge bakole mu ngeri y’emu; alaba omutayimbwa ogw’ekyuma, ekkubo ery’akanyigo era effunda, n’olufu lw’ekizikiza olwabutikira abantu; Saliya, Neefi, ne Samu balya ku kibala, naye Lamani ne Lemweri bagaana. Nga 600–592 nga Kristo tannazaalibwa.
Essuula 9
Neefi akola ebiwandiiko bya mirundi ebiri; Buli kimu kiyitibwa embaati za Neefi; Embaati ennene zirimu ebyafaayo eby’ensi; entono zikwaata okusingira ddala ku bintu ebitukuvu. Nga 600–592 nga Kristo tannazaalibwa.
Essuula 10
Leki alagula nti Abayudaaya bajja kutwalibwa Abababulooni mu buwambe; Ayogera ku kujja mu Bayudaaya okwa Masiya, omulokozi, omununuzi; Leki ayogera ne ku kujja kw’oyo alina okubatiza Omwana gw’endiga gwa Katonda; Leki ayogera ku kufa era n’okuzuukira kwa Masiya; Agerageranya okusaasaana era n’okukuŋŋaana kwa Isiraeri ku muti omuzabibu; Neefi ayogera ku Mwana wa Katonda, ku kirabo eky’Omwoyo Omutukuvu, era n’obwetaavu bw’obutuukirivu. Nga 600–592 nga Kristo tannazaalibwa.
Essuula 11
Neefi alaba Omwoyo wa Mukama era alagibwa mu kwolesebwa omuti gw’obulamu; Alaba nnyina w’Omwana wa Katonda era n’ayiga ku kwekkakkanya kwa Katonda; Alaba okubatizibwa, obuweereza, n’okukomererwa kw’Omwana gw’endiga gwa Katonda; Alaba nate okuyita n’obuweereza bw’Abatume Ekkumi n’Ababiri ab’Omwana gw’endiga. Nga 600–592 nga Kristo tanazaalibwa.
Essuula 12
Neefi alaba mu kwolesebwa ensi ensuubize; obutuukirivu, obutali butuukirivu, era n’okugwa kw’abatuuze baayo; okujja kw’Omwana gw’endiga wa Katonda mu bo; engeri abayigirizwa ekkumi n’ababiri n’abatume ekkumi n’ababiri gye balisala omusango eri Isiraeri; era n’embeera ey’esittaza era n’obucaafu bw’abo ababulira mu butali bukkiriza. Nga 600–592 nga Kristo tannazaalibwa.
Essuula 13
Neefi alaba mu kwolesebwa ekkanisa ya setaani nga eteekebwawo mu Bamawanga, okuzuula n’okufuga amatwale g’Amerika, okubuzibwa kw’ebitundu bingi ebyangu okutegeera era eby’omuwendo ebya Baibuli, embeera eyava mu Bamawanga okusuula enzikiriza mu Katonda, okuzzaawo enjiri, okujja kw’ebyawandiikibwa eby’ennaku ez’oluvannyuma, era n’okuzimba Sayuuni. Nga 600–592 nga Kristo tannazaalibwa.
Essuula 14
Malayika abuulira Neefi ku mikisa n’ebikolimo ebinaatuuka ku Bamawanga; Waliwo ekkanisa bbiri zokka: Ekkanisa y’Omwana gw’Endiga wa Katonda n’ekkanisa ya setaani; Abatukuvu ba Katonda mu mawanga gonna bayigganyizibwa ekkanisa ey’amaanyi era ezira; Omutume Yokaana ajja kuwandiika ebikwata ku nkomerero y’ensi. Nga mu mwaka gwa 600–592 nga Kristo tannazaalibwa.
Essuula 15
Ezzadde lya Leki lya kufuna enjiri okuva mu Bamawanga mu nnaku ez’oluvannyuma; Okukuŋŋaanyizibwa kwa Isiraeri kugeraageranyizibwa ku muti gw’omuzeyituuni nga amatabi gaagwo ag’obutonde gajja okusimbulizibwa gazzibweeko nate; Neefi avvuunula okwolesebwa kw’omuti ogw’obulamu era n’ayogera ku bwenkanya bwa Katonda mu kwawula ababi okuva mu batuukirivu. Nga mu mwaka gwa 600–592 nga Kristo tannazaalibwa.
Essuula 16
Ababi batwala amazima okuba amazibu; Batabani ba Leki bawasa bawala ba Isimayiri; Liyakona eruŋŋamya ekkubo lyabwe mu lukoola; Obubaka obuva eri Mukama buwandiikibwa ku Liyakona buli luvannyuma lwa kiseera; Isimayiri afa, ab’omu maka ge beemulugunya olw’okubonaabona. Nga mu mwaka gwa 600–592 nga Kristo tannazaalibwa.
Essuula 17
Neefi alagiddwa okuzimba ekyombo; Baganda be bamuwakanya; Abakubiriza ng’ababuliira ebyafaayo by’enkolagana ya Katonda ne Isiraeri; Neefi ajjudde amaanyi ga Katonda; Baganda be bagaanibwa okumukwatako, baleme okukalambala ng’olumuli olukaze. Nga mu mwaka gwa 592–591 nga Kristo tannazaalibwa.
Essuula 18
Ekyombo kimalirizibwa; okuzaalibwa kwa Yakobo ne Yusufu kwogerwako; Ekibinja kida mu lugendo okwolekera ensi eyasuubizibwa; Batabani ba Isimayiri ne bakyala baabwe beegatta ku kusanyuka n’obujeemu; Neefi asibwa, era ekyombo kigobebwa okudda emabega n’omuyaga ogw’entiisa; Neefi asumululwa, era olw’esaala ye omuyaga gukoma; Abantu batuuka mu nsi eyasuubizibwa. Nga 591–589 nga Kristo tannazaalibwa.
Essuula 19
Neefi akola embaati ez’amayinja ag’obugagga era awandiika ebyafaayo by’abantu be; Katonda wa Isiraeri ajja kujja emyaka lukaaga okuva Leki lwe yava e Yerusaalemi; Neefi ayogera ku kubonaabona era n’okukomererwa kwe; Abayudaaya bali nyoomebwa era n’okusaasaanyizibwa okutuusa mu nnaku ez’oluvannyuma, bwe balidda eri Mukama. Nga 588–570 nga Kristo tannazaalibwa.
Essuula 20
Mukama abikkulira ebigendererwa bye eri Isiraeri; Isiraeri yalondebwa mu kyokero ky’okubonaabona era yakuva e Babulooni; Geraageranya ne Isaaya 48. Nga 588–570 nga Kristo tannazaalibwa.
Essuula 21
Masiya aliba ekitangaala eri Abamawanga era alisumulula abasibe; Isiraeri erikuŋŋaanyizibwa n’amaanyi mu nnaku ez’oluvannyuma; Bakabaka baliba bakitaabwe abakuza; Geraageranya ne Isaaya 49. Nga 588–570 nga Kristo tannazaalibwa.
Essuula 22
Isiraeri eri saasaanyizibwa ku maaso g’ensi yonna; Abamawanga bajja kubudabuda era n’okuliisa Isiraeri enjiri mu nnaku ez’oluvannyuma; Isiraeri ejja kukuŋŋaanyizibwa n’okulokolebwa, era ababi bajja kwokebwa nga essubi; Obwakabaka bwa setaani bujja kuzikirizibwa, era ne Setaani alisibibwa. Nga 588–570 nga Kristo tannazaalibwa.