1 Era kaakano nze, Neefi, siwa kulambikibwa kw’abuzaale bwa bajjajjaange mu kitundu kino eky’ebiwandiiko byange; so sijja kubuwaayo mu kiseera kyonna ku mbaati zino ze mpandiikako; kubanga buweereddwa mu kiwandiiko ekikuumiddwa kitange; n’olwekyo, sibuwandiika mu mulimu guno.

2 Kubanga kimala okugamba nti tuli bazzukulu ba Yusufu.

3 Era si kikulu gye ndi nti ndi mwegendereza okuwa enyinnyonnyolwa enzijjuvu ey’ebintu bya kitange byonna, kubanga tebiyinzika kuwandiikibwa ku mbaati zino, kubanga njagala omwagaanya nsobole okuwandiika ku bintu bya Katonda.

4 Kubanga ekigendererwa kyange mu bujjuvu kwe kusikiriza abantu okujja eri Katonda wa Ibulayimu, era Katonda wa Isaaka, era Katonda wa Yakobo, era balokolebwe.

5 N’olwekyo, ebintu ebisanyusa ensi sibiwandiika, wabula ebintu ebisanyusa Katonda n’abo abatali ba nsi.

6 N’olwekyo, nja kuwa ekiragiro eri ezzadde lyange, baleme kujjuza mbaati zino n’ebintu ebitali bya mugaso eri abaana b’abantu.