Mosiya

Ekitabo kya Momoni

Ennyanjula n’Abajulizi
1 Neefi
2 Neefi
Yakobo
Enosi
Yalomu
Omni
Ebigambo bya Momoni
Mosiya

Mosiya

Essuula 1
Kabaka Benyamini ayigiriza batabani be olulimi n’obunnabbi bwa bakitaabwe; Eddiini yaabwe n’obugunjufu bwabwe bikuumiddwa olw’ebiwandiiko ebikuumiddwa ku mbaati ez’enjawulo; Mosiya alondebwa nga kabaka era n’aweebwa obuvunanyizibwa obw’okulabirira ebiwandiiko n’ebintu ebirala. Nga mu mwaka gwa 130–124 nga Kristo tannazaalibwa.
Essuula 2
Kabaka Benyamini ayogera eri abantu be; Annyonnyola obuteekubiira, obwenkanya, n’eby’omwoyo eby’okufuga kwe; Ababuulirira okuweereza Kabaka waabwe ow’omu ggulu; Abo abajeemera Katonda bajja kubonaabona n’okunyoolwa ng’omuliro ogutazikira. Nga mu mwaka gwa 124 nga Kristo tannazaalibwa.
Essuula 3
Kabaka Benyamini agenda mu maaso n’okwogera kwe; Mukama Omuyinza w’ebintu byonna ajja kuweereza mu bantu mu weema ey’ebbumba; Omusaayi guliva mu buli katuli ak’omubiri ng’atangirira ebibi by’ensi; Erirye ly’erinnya lyokka obulokozi mwe bujjira; Abantu basobola okweggyako omuntu ow’obutonde era banaafuuka abatuukirivu nga bayitira mu Mutango; Okubonyaabonyezebwa kw’ababi kujja kuba ng’ennyanja ey’omuliro n’obuganga. Nga mu mwaka gwa 124 nga Kristo tannazaalibwa.
Essuula 4
Kabaka Benyamini agenda mu maaso n’okwogera kwe; Obulokozi bujja olw’Omutango; Mukkiririze mu Katonda mulokolebwe; Musigaze okusonyiyibwa ebibi byammwe okuyita mu bukkiriza; Gabira abaavu kw’ekyo kye mulina; Mukole ebintu byonna mu magezi n’ennambika. Nga mu mwaka gwa 124 Kristo tannazaalibwa.
Essuula 5
Abatukuvu bafuuka batabani ne bawala ba Kristo okuyitira mu kukkiriza; Olwo ne bayitibwa erinnya lya Kristo; Kabaka Benyamini abakubiriza okubeera abanywevu era abatakyuka mu bikolwa ebirungi. Nga mu mwaka gwa 124 nga Kristo tannazaalibwa.
Essuula 6
Kabaka Benyamini awandiika amannya g’abantu era n’alonda bakabona okubayigiriza; Mosiya afuga nga kabaka omutuukirivu. Nga mu mwaka gwa 124–121 nga Kristo tannazaalibwa.
Essuula 7
Amoni asanga ensi ya Leki-Neefi, Limuki gye yali kabaka; Abantu ba Limuki bali mu buddu eri Abalamani; Limuki annyonnyola ebyafaayo byabwe; Nnabbi (Abinadi) yali awadde obujulizi nti Kristo ye Katonda era Taata w’ebintu byonna; Abo abasiga obucaafu bakungula empewo, era n’abo abateeka obwesige bwabwe mu Mukama bajja kulokolebwa. Nga mu mwaka gwa 121 nga Kristo tannazaalibwa.
Essuula 8
Amoni ayigiriza abantu ba Limuki; Amanya ku mbaati abiri mu ennya ez’Abayaledi; Ebiwandiiko eby’edda bisobola okuvvunulwa abalabi; Tewali kirabo kisinga bulabi. Nga mu mwaka gwa 121 nga Kristo tannazaalibwa.
Essuula 9
Zeniffu akulembera ekibinja okuva e Zalakemula okutwala ensi ya Leki-Neefi; Kabaka w’Abalamani abakkiriza okusikira ensi; Wabaawo olutalo wakati w’Abalamani n’abantu ba Zeniffu. Nga mu mwaka gwa 200–187 nga Kristo tannazaalibwa.
Essuula 10
Kabaka Lamani afa; Abantu be bafuuka ng’ensolo era abakambwe abakkiririza mu nnono ez’obulimba; Zeniffu n’abantu be bawangula Abalamani. Nga mu mwaka gwa 187–160 nga Kristo tannazaalibwa.
Essuula 11
Kabaka Nuuwa afuga mu bwonoonefu; Asanyukira obulamu obw’ebinyumu ne bakazi be n’abazaana be; Abinadi awa obunnabbi nti abantu bajja kutwalibwa mu buddu; Obulamu bwe bugezebwako okuggibwawo kabaka Nuuwa. Nga mu mwaka gwa 160–150 nga Kristo tannazaalibwa.
Essuula 12
Abinadi asibibwa olw’okuwa obunnabbi ku kuzikirizibwa kw’abantu n’okufa kwa kabaka Nuuwa; Bakabona ab’obulimba bajuliza ebyawandiikibwa era ne beefuula abakuuma etteeka lya Musa; Abinadi atandika okubayigiriza Amateeka Ekkumi. Nga mu mwaka gwa 148 nga Kristo tannazaalibwa.
Essuula 13
Abinadi akuumibwa amaanyi ag’obwakatonda; Ayigiriza Amateeka Ekkumi; Obulokozi tebujja lwa tteeka lya Musa lyokka; Katonda yennyini ajja kukola okutangirira n’okununula abantu be. Nga mu mwaka gwa 148 nga Kristo tannazaalibwa.
Essuula 14
Isaaya ayogera mu ngeri ya masiya; Okuswazibwa kwa Masiya n’okubonaabona kwe abyogerako; Afuula emmeeme ye ekiweebwayo olw’ekibi era akola okuwolereza ku lw’abasobya; Geraageranya Isaaya 53. Nga mu mwaka gwa 148 nga Kristo tannazaalibwa.
Essuula 15
Engeri Kristo gy’alimu nga Kitaffe n’Omwana; Ajja kuwolereza n’okwetikka okusobya kw’abantu be; Bo ne bannabbi abatuukirivu bonna ly’ezzadde lye; Atuukiriza okuzuukira; Abaana abato balina obulamu obutaggwaawo. Nga mu mwaka gwa 148 nga Kristo tannazaalibwa.
Essuula 16
Katonda anunula abantu okuva mu mbeera yaabwe ey’okubula n’okugwa; Abo abali mu bw’omubiri basigala nga awataaliwo kununulibwa; Kristo atuukiriza okuzuukira okutuusa ku bulamu obutaggwaawo oba okukolimirwa okw’olubeerera. Nga mu mwaka gwa 148 nga Kristo tannazaalibwa.
Essuula 17
Aluma akkiriza era awandiika ebigambo bya Abinadi; Abinadi bw’atyo afa omuliro; Awa obunnabbi ku bulwadde n’okufa okw’omuliro ku bamutemula. Nga mu mwaka gwa 148 nga Kristo tannazaalibwa.
Essuula 18
Aluma abuulira mu kyama; Assaawo endagaano y’okubatizibwa era nabatiza mu mazzi ga Momoni; Ategeka ekkanisa ya Kristo era n’atongoza bakabona; Bayambagana era bayigiriza abantu; Aluma n’abantu be badduka okuva eri kabaka Nuuwa ne bagenda mu lukoola. Nga mu mwaka gwa 147–145 nga Kristo tannazaalibwa.
Essuula 19
Gidiyoni agezaako okutta kabaka Nuuwa; Abalamani balumba ensi; Kabaka Nuuwa afa omuliro; Limuki afuga nga kabaka w’emisolo. Nga mu mwaka gwa 145–121 nga Kristo tannazaalibwa.
Essuula 20
Abamu ku bawala b’Abalamani bawambibwa bakabona ba Nuuwa; Abalamani balwanyisa Limuki n’abantu be; Eggye ly’Abalamani ligobwa era ne likkakkanyizibwa mu busungu. Nga mu mwaka gwa 145–123 nga Kristo tannazaalibwa.
Essuula 21
Abantu ba Limuki bakubwa era ne bawangulwa Abalamani; Abantu ba Limuki basisinkana Amoni era ne bakyuka; Babuulira Amoni ku mbaati z’Abayaledi amakumi abiri mu nnya. Nga mu mwaka gwa 122–121 nga Kristo tannazaalibwa.
Essuula 22
Enteekateeka zikolebwa abantu okutoloka mu buddu bw’Abalamani; Abalamani batamiizibwa; Abantu batoloka, baddayo e Zalakemula, era batambulira wansi wa kabaka Mosiya. Nga mu mwaka gwa 121–120 nga Kristo tannazaalibwa.
Essuula 23
Aluma agaana okubeera kabaka; Aweereza nga kabona omukulu; Mukama akangavvula abantu be, era Abalamani bafuna ensi ey’e Keramu; Amuloni, omukulembeze wa bakabona ba kabaka Nuuwa ababi, afugira wansi wa kabaka w’Abalamani. Nga mu mwaka gwa 145–121 nga Kristo tannazaalibwa.
Essuula 24
Amuloni ayigganya Aluma n’abantu be; Balina okuttibwa singa basaba; Mukama afuula emigugu gyabwe okulabika ng’emiwewufu; Abanunula okuva mu buddu, era ne baddayo e Zalakemula. Nga mu mwaka gwa 145–120 nga Kristo tannazaalibwa.
Essuula 25
Bazzukulu ba Muleki e Zalakemula bafuuka Abaneefi; Bamanya ku bantu ba Aluma n’aba Zeniffu; Aluma abatiza Limuki n’abantu be bonna; Mosiya awa Aluma obuyinza okutandika Ekkanisa ya Katonda. Nga mu mwaka gwa 120 nga Kristo tannazaalibwa.
Essuula 26
Bangi ku bantu b’ekkanisa bawubisibwa abatali bakkiriza okugwa mu kibi; Aluma asuubizibwa obulamu obutaggwaawo; Abo abenenya era ne babatizibwa bafuna okusonyiyibwa; Abantu b’ekkanisa mu kibi abenenya era ne bayatula eri Aluma n’eri Mukama bajja kusonyiyibwa; bwe kitaba ekyo, tebajja kubalibwa mu bantu b’ekkanisa. Nga mu mwaka gwa 120–100 nga Kristo tannazaalibwa.
Essuula 27
Mosiya agaana okuyigganyizibwa era alagira wabeerewo obwenkanya; Aluma omuto ne batabani ba Mosiya abana bafuba okuzikiriza ekkanisa; Malayika abalabikira era abalagira okukomya enneyisa yaabwe ey’obubi; Aluma afuulibwa kasiru; Abantu bonna balina okuzaalibwa omulundi ogw’okubiri okufuna obulokozi; Aluma ne batabani ba Mosiya balangirira amawulire ag’essanyu. Nga mu mwaka gwa 100–92 nga Kristo tannazaalibwa.
Essuula 28
Batabani ba Mosiya bagenda okubuulira eri Abalamani; Nga akozesa amayinja abiri ag’abalabi, Mosiya avvuunula embaati z’Abayaledi. Nga mu mwaka gwa 92 nga Kristo tannazaalibwa.
Essuula 29
Mosiya ateesa abalamuzi balondebwe mu kifo kya kabaka; Bakabaka abatali batuukirivu baviirako abantu baabwe okwonoona; Aluma omuto alondebwa okuba ssabalamuzi olw’eddoboozi ly’abantu; era ye kabona omukulu ow’ekkanisa; Aluma Omukulu ne Mosiya bafa. Nga mu mwaka gwa 92–91 nga Kristo tannazaalibwa.