Keramani

Ekitabo kya Momoni

Ennyanjula n’Abajulizi
1 Neefi
2 Neefi
Yakobo
Enosi
Yalomu
Omni
Ebigambo bya Momoni
Mosiya
Aluma
Keramani

Keramani

Essuula 1
Pakolani ow’okubiri afuuka ssaabalamuzi era attibwa Kisikumeni; Pakumeni atuuzibwa ku ntebe ey’obulamuzi; Koliyantama akulembera amagye g’Abalamani, awamba Zalakemula, era atta Pakumeni; Molonayika awangula Abalamani ne yeddiza Zalakemula, era Koliyatama attibwa. Nga mu mwaka gwa 52–50 nga Kristo tannazaalibwa.
Essuula 2
Keramani, mutabani wa Keramani, afuuka ssaabalamuzi; Gadiyantoni akulembera ekibinja kya Kisikumeni; omuweereza wa Keramani atta Kisikumeni, era ekibinja kya Gadiyantoni kiddukira mu lukoola. Nga mu mwaka gwa 50–49 nga Kristo tannazaalibwa.
Essuula 3
Abaneefi bangi basenguka okugenda mu nsi ey’ebukiikakkono; Bazimba amayumba aga ttala era ne bakuuma ebiwandiiko bingi; Emitwalo n’emitwalo bakyusibwa era ne babatizibwa; Ekigambo kya Katonda kituusa abantu ku bulokozi; Neefi mutabani wa Keramani atuuzibwa ku ntebe ey’obulamuzi. Nga mu mwaka gwa 49–39 nga Kristo tannazaalibwa.
Essuula 4
Bakyewaggula Abaneefi n’Abalamani beegatta ne batwala ensi ya Zalakemula; Okuwangulwa kw’Abaneefi kujja olw’obubi bwabwe; Ekkanisa ekendeera mu bunene ne mu maanyi, era abantu bafuuka banafu ng’Abalamani. Nga mu mwaka gwa 38–30 nga Kristo tannazaalibwa.
Essuula 5
Neefi ne Leki bewaayo mu bumalirivu okubuulira; Amannya gaabwe gabasikiriza okutambulira mu mikululo gya bajjajjaabwe mwe babbulwa; Kristo anunula abo abeenenya; Neefi ne Leki bakyusa abantu bangi era basibibwa, era omuliro gubetooloola; Ekire eky’ekizikiza kisiikiriza abantu bisatu; Ensi ekankana, era eddoboozi liragira abantu okwenenya; Neefi ne Leki banyumya ne bamalayika, era enkuyanja y’abantu ne yeetooloolwa omuliro. Nga mu mwaka gwa 30 nga Kristo tannazaalibwa.
Essuula 6
Abalamani abatuukirivu babuulira eri Abaneefi ababi; Abantu bano bombi bakulaakulana mu kiseera eky’emirembe n’obungi mu buli kimu; Lusifa, omutandisi w’ekibi, asiikula emitima gy’ababi n’abanyazi ba Gadiyantoni mu butemu n’obubi; Abanyazi bawamba obufuzi bw’Abaneefi. Nga mu mwaka gwa 29–23 nga Kristo tannazaalibwa.
Essuula 7
Neefi agaanibwa mu bukiikakkono era n’addayo e Zalakemula; Asabira ku munaala ogwali mu lusuku lwe era n’oluvannyuma n’akoowoola abantu okwenenya oba okusaanawo. Nga mu mwaka gwa 23–21 nga Kristo tannazaalibwa.
Essuula 8
Abalamuzi abali b’enguzi banoonya okukuma omuliro mu bantu okuwakanya Neefi; Ibulayimu, Musa, Zenosi, Zenoka, Eziyaasi, Isaaya, Yeremiya, Leki, ne Neefi bonna baawa obujulizi ku Kristo; Olw’okuluŋŋamizibwa Neefi alangirira okuttibwa kwa ssaabalamuzi. Nga mu mwaka gwa 23–21 nga Kristo tannazaalibwa.
Essuula 9
Ababaka basanga ssaabalamuzi ng’afudde ku ntebe y’obulamuzi; Basibibwa era oluvannyuma ne bayimbulwa; Olw’okwolesebwa Neefi amanya nti Siyantomu ye mutemu; Neefi akkirizibwa abamu nga nnabbi. Nga mu mwaka 23–21 nga Kristo tannazaalibwa.
Essuula 10
Mukama awa Neefi obuyinza obw’okugatta; Aweebwa amaanyi okusiba n’okusumulula ku nsi ne mu ggulu; Alagira abantu okwenenya oba okuzikirira; Omwoyo amutwala okuva nkuyanja ku nkuyanja y’abantu. Nga mu mwaka gwa 21–20 nga Kristo tannazaalibwa.
Essuula 11
Neefi yeegayirira Mukama okuwaanyisa olutalo lwabwe n’enjala; Abantu bangi bazikirira; Beenenya, era Neefi yeegayirira Mukama olw’enkuba; Neefi ne Leki bafuna okubikkulirwa okungi; Abanyazi ba Gadiyatoni basimba amakanda mu nsi. Nga mu mwaka gwa 20–6 nga Kristo tannazaalibwa.
Essuula 12
Abantu si banywevu era basirusiru era banguyiriza nnyo okukola ebibi; Mukama akangavvula abantu be; Obutaliimu bw’abantu bugeraageranya n’amaanyi ga Katonda; Ku lunaku olw’okulamulwa, abantu balifuna obulamu obutaggwaawo oba balikomezebwa olubeerera. Nga mu mwaka gwa 6 nga Kristo tannazaalibwa.
Essuula 13
Samwiri Omulamani awa obunnabbi ku kuzikirizibwa kw’Abaneefi okuggyako nga benenyezza; Bo n’obuggaga bwabwe bakolimirwa; Bagaana era ne bakuba bannabbi amayinja, beetooloolwa emyoyo emibi, era ne banoonya essanyu mu kukola ebibi. Nga mu mwaka gwa 6 nga Kristo tannazaalibwa.
Essuula 14
Samwiri awa obunnabbi ekitangaala okubeerawo mu kiro n’emmunyeenye empya ku kuzaalibwa kwa Kristo; Kristo anunula abantu okuva mu kufa okw’omubiri n’okw’omwoyo; Ku bubonero obw’okufaakwe mulimu ennaku ssatu ez’ekizikiza, okumenyekamenyeka okw’enjazi, obutabanguko obw’amaanyi ennyo obw’obutonde. Nga mu mwaka gwa 6 nga Kristo tannazaalibwa.
Essuula 15
Mukama yakangavvula Abaneefi kubanga yali abaagala; Abalamani abakyusibwa banywevu era tebasagaasagana mu kukkiriza; Mukama ajja kubeera wakisa eri Abalamani mu nnaku ez’oluvannyuma. Nga mu mwaka gwa 6 nga Kristo tannazaalibwa.
Essuula 16
Abaneefi abakkiririza mu Samwiri babatizibwa Neefi; Samwiri tayinza kuttibwa na busaale n’amayinja g’Abaneefi abataagala kwenenya; Abamu bakakanyaza emitima gyabwe, era abalala balaba bamalayika; Abatakkiriza bagamba nti si kya magezi okukkiririza mu Kristo n’okujja kwe e Yerusaalemi. Nga mu mwaka gwa 6–1 nga Kristo tannazaalibwa.