2 Neefi

Ekitabo kya Momoni

Ennyanjula n’Abajulizi
1 Neefi
2 Neefi
Yakobo
Enosi
Yalomu
Omni
Ebigambo bya Momoni
Mosiya

2 Neefi

Essuula 1
Leki awa obunnabbi ku nsi ey’eddembe; Ezzadde lye lijja kusaasaanyizibwa era likubwe singa bagaana Omutukuvu wa Isiraeri; Akubiriza batabani be okwambala engabo ey’obutuukirivu. Nga mu mwaka gwa 588–570 nga Kristo tannazaalibwa.
Essuula 2
Okununulibwa kujja kuyita mu Masiya Omutukuvu; Eddembe ly’okulondawo (okwesalirawo) lyetaagisa nnyo mu kubeerawo n’okukulaakulana; Adamu yagwa abantu basobole okuba abalamu; Abantu ba ddembe okulonda eddembe n’obulamu obutaggwaawo. Nga 588–570 nga Kristo tannazaalibwa.
Essuula 3
Yusufu mu Misiri yalaba Abaneefi mu kwolesebwa; Yawa obunnabbi ku Joseph Smith, omulabi ow’ennaku ez’oluvannyuma; eza Musa, oyo ajja okununula Isiraeri; era ne ku by’okujja kw’Ekitabo kya Momoni. Nga mu mwaka gwa 588–570 nga Kristo tannazaalibwa.
Essuula 4
Leki awabula era awa omukisa ezzadde lye; Afa era aziikibwa; Neefi yeenyumiriza mu bulungi bwa Katonda; Neefi assa obwesige bwe mu Mukama emirembe gyonna. Nga mu mwaka gwa 588–570 nga Kristo tannazaalibwa.
Essuula 5
Abaneefi beeyawula ku Balamani, bakuuma etteeka lya Musa, era ne bazimba yeekaalu; Olw’obutakkiriza bwabwe, Abalamani basalibwako okuva mu maaso ga Mukama, bakolimirwa, era ne bafuuka ekibonyoobonyo eri Abaneefi. Nga mu mwaka gwa 588–559 nga Kristo tennazaalibwa.
Essuula 6
Yakobo ayogera ku byafaayo by’Abayudaaya: Obusibe bwa Babulooni n’okudda; obuweereza n’okukomererwa kw’Omutukuvu wa Isiraeri; Obuyambi obwafunibwa okuva mu Bamawanga; n’okuzzaawo kw’Abayudaaya okw’ennaku ez’oluvannyuma nga bakkiririza mu Masiya. Nga mu mwaka gwa 559–545 nga Kristo tannazaalibwa.
Essuula 7
Yakobo yeyongera mu maaso n’okusoma okuva mu Isaaya: Isaaya ayogera nga Masiya; Masiya ajja kuba n’olulimi lw’abayivu; Ajja kuwayo omugongo gwe eri abakuba; Tajja kutabulwa; Geraageranya Isaaya 50. Nga 559–545 nga Kristo tannazaalibwa.
Essuula 8
Yakobo agenda mu maaso n’okusoma okuva mu Isaaya: Mu nnaku ezisembayo, Mukama ajja kubudaabuda Sayuuni n’okukuŋŋaanya Isiraeri; Abanunule bajja kujja mu Sayuuni wakati mu ssanyu ery’amaanyi; Geraageranya Isaaya 51 ne 52:1–2. Nga 559–545 nga Kristo tannazaalibwa.
Essuula 9
Yakobo annyonnyola nti Abayudaaya bajja kuŋŋaanyizibwa mu nsi zaabwe zonna ensuubize; Omutango gusasulira omuntu okuva mu kugwa mu kibi; Emibiri gy’abafu gijja kusituka okuva mu ntana, era n’emyoyo gyagyo okuva mu ggeyeena era ne mu kifo eky’okwesiima; Bajja kulamulwa; Omutango gutaasa okuva mu kufa, ggeyeena, setaani, era n’okubonyaabonyezebwa okutakoma; Abatuukirivu bakulokolebwa mu bwakabaka bwa Katonda; Ebibonerezo by’okwonoona bitekebwaawo; Omutukuvu wa Isiraeri ye mukuumi w’omulyango. Nga 559–545 nga Kristo tannazaalibwa.
Essuula 10
Yakobo annyonnyola nti Abayudaaya bajja kukomerera Katonda waabwe; Bajja kusaasaana okutuusa lwe banaatandika okumukkiririzaamu; Amerika ejja kubeera nsi ey’eddembe nga tewali kabaka yenna ajja kugifuga; Mwetabaganye ku Katonda era mufune obulokozi nga muyita mu kisa kye. Nga 559–545 nga Kristo tannazaalibwa.
Essuula 11
Yakobo yalaba Omununuzi we; Etteeka lya Musa kabonero akalaga Kristo era ne kakakasa nti ajja kujja. Nga mu mwaka gwa 559–545 nga Kristo tannazaalibwa.
Essuula 12
Isaaya alaba yeekaalu ey’ennaku ez’oluvannyuma, okukuŋŋaanyizibwa kwa Isiraeri, era n’okulamulwa okw’emyaka olukumi era n’emirembe; Ab’amalala n’ababi bajja kukkakkanyizibwa mu Kujja okw’Okubiri; Geraageranya Isaaya 2. Nga 559–545 nga Kristo tannazaalibwa.
Essuula 13
Yuda ne Yerusaalemi bajja kubonerezebwa olw’obujeemu bwabwe; Mukama yeegayirira era alamula abantu be; Abawala ba Sayuuni bakolimirwa era batuntuzibwa olw’okubeera ab’ensi; Geraageranya Isaaya 3. Nga 559–545 nga Kristo tannazaalibwa.
Essuula 14
Sayuuni era ne bawala baayo bajja kununulibwa era n’okulongoosebwa ku lunaku lw’emyaka olukumi; Geraageranya Isaaya 4. Nga 559–545 nga Kristo tannazaalibwa.
Essuula 15
Ennimiro ey’emizabbibu eya Mukama (Isiraeri) ejja kufuuka matongo, era n’abantu be bajja kusaasaana; Ebiwoobe bijja kubatuukako mu mbeera yaabwe ey’okwewaggula era n’okusaasaana; Mukama ajja kusitula bendera era akuŋŋaanya Isiraeri; Geraageranya Isaaya 5. Nga 559–545 nga Kristo tannazaalibwa.
Essuula 16
Isaaya alaba Mukama; Ebibi bya Isaaya bisonyiyibwa; Ayitiddwa okuwa obunnabbi; Awa obunnabbi ku kugaana kw’Abayudaaya enjigiriza ya Kristo; Abafikkawo bajja kudda; Geraageranya Isaaya 6. Nga 559–545 nga Kristo tannazaalibwa.
Essuula 17
Efulayimu ne Busuuli bawakula olutalo ku Yuda; Kristo ajja kuzaalibwa mbeerera; Geraageranya Isaaya 7. Nga 559–545 nga Kristo tannazaalibwa.
Essuula 18
Kristo ajja kuba ng’ejjinja ery’okwekoona era n’olwazi olw’okunyiiza; Munoonye Mukama, so si balogo abalingiriza; Mudde eri amateeka n’obujulizi okufuna okuluŋŋamizibwa; Geraageranya Isaaya 8. Nga mu mwaka gwa 559–545 nga Kristo tannazaalibwa.
Essuula 19
Isaaya ayogera mu ngeri ya masiya; Abantu abali mu kizikiza baliraba ekitangaala ekinene; Omwana atuzaaliddwa ffe; Aliba Omulangira ow’emirembe era alifuga ku nnamulondo ya Dawudi; Geraageranya Isaaya 9. Nga mu mwaka gwa 559–545 nga Kristo tannazaalibwa.
Essuula 20
Okuzikirizibwa kwa Bwasuli kifaananyi kya kuzikirizibwa kw’ababi mu Kujja okw’Okubiri; Abantu batono abalisigalawo oluvannyuma lwa Mukama okujja nate; Abafikkawo ku Yakobo bajja kudda ku lunaku olwo; Geraageranya Isaaya 10. Nga mu mwaka 559–545 nga Kristo tannazaalibwa.
Essuula 21
Ekikolo kya Yese (Kristo) kijja kulamula mu butuukirivu; Okumanya Katonda kulibuna ensi mu Myaka lukumi; Mukama aliyimusa bendera era n’akuŋŋaanya Isiraeri; Geraageranya Isaaya 11. Nga mu mwaka gwa 559–545 nga Kristo tannazaalibwa.
Essuula 22
Mu lunaku olw’emyaka olukumi abantu bonna bajja kutendereza Mukama; Ajja kubeera mu bo; Geraageranya Isaaya 12. Nga me mwaka gwa 559–545 nga Kristo tannazaalibwa.
Essuula 23
Okuzikirizibwa kwa Babulooni kye kika ky’okuzikirizibwa kw’Okujja okw’Okubiri; Lujja kuba lunaku lwa busungu na kwesasuza; Babulooni (ensi) ejja kugwa emirembe gyonna; Geraageranya Isaaya 13. Nga mu mwaka gwa 559–545 nga Kristo tannazaalibwa.
Essuula 24
Isiraeri ejja kukuŋŋaanyizibwa era ejja kunyumirwa okuwummula kw’emyaka olukumi; Lusifa yasuulibwa ebweeru we ggulu olw’obujeemu; Isiraeri ajja kuwangula Babulooni (ensi); Geraageranya Isaaya 14. Nga mu mwaka gwa 559–545 nga Kristo tannazaalibwa.
Essuula 25
Neefi asannyukira mazima ameereere; obunnabbi bwa Isaaya bujja kutegeerekeka mu nnaku ezisembayo; Abayudaaya bajja kudda okuva e Babulooni, bakomerere Masiya, era basaasaane era n’okubonyaabonyezebwa; bajja kukomezebwawo bwe banakkiririza mu Masiya; Ajja kusooka kujja emyaka lukaaga oluvannyuma lwa Leki okuva e Yerusaalemi; Abaneefi bakuuma etteeka lya Musa era ne bakkiririza mu Kristo, oyo ye Mutukuvu wa Isiraeri. Nga mu mwaka gwa 559–545 nga Kristo tannazaalibwa.
Essuula 26
Kristo ajja kuweereza Abaneefi; Neefi alabikirwa okuzikirizibwa kw’abantu be; Bajja kwogera okuva mu nfuufu; Abamawanga bajja kuzimba ekkanisa ez’obulimba n’emikago egy’ekyama; Mukama agaana abantu okwenyigira mu mbuulira ey’obulimba. Nga mu mwaka gwa 559–545 nga Kristo tannazaalibwa.
Essuula 27
Ekizikiza n’okwewaggula bijja kubikka ensi mu nnaku ezisembayo; Ekitabo kya Momoni kijja kuvaayo; Abajulizi basatu bajja kuwa obujulizi ku kitabo; Omusajja omuyivu aligamba nti tasobola kusoma kitabo kissiddwako nvumbo; Mukama alikola omulimu ogw’ekitalo era ogw’ekyewuunyo; Geraageranya Isaaya 29. Nga mu mwaka gwa 559–545 nga Kristo tannazaalibwa.
Essuula 28
Ekkanisa nyingi ez’obulimba zijja kuzimbibwa mu nnaku ezisembayo; Zijja kuyigiriza enjigiriza ey’obulimba, obutaliimu, era n’obwewussa; Okwewaggula kujja kujjula wonna olw’abasomesa ab’obulimba; Setaani ajja kuleeta akayuuguumo mu emitima gy’abantu; Ajja kuyigiriza enjigiriza ez’obulimba ez’engeri zonna. Nga mu mwaka gwa 559–545 nga Kristo tannazaalibwa.
Essuula 29
Abamawanga bangi bajja kugaana Ekitabo kya Momoni; Bajja kugamba nti, Tetukyetaaga Baibuli ndala; Mukama ayogera eri amawanga mangi; Ajja kulamula ensi okuva mu bitabo ebijja okuwandiikibwa. Nga mu mwaka gwa 559–545 nga Kristo tannazaalibwa.
Essuula 30
Abamawanga abakyusibwa bajja kubalibwa n’abantu b’endagaano; Abalamani bangi n’Abayudaaya bajja kukkiriza ekigambo era bajja kuba basanyufu nnyo; Isiraeri ejja kuzzibwawo era n’ababi bazikirizibwe. Nga mu mwaka gwa 559–545 nga Kristo tannazaalibwa.
Essuula 31
Neefi ayogera lwaki Kristo yabatizibwa; Abantu balina okugoberera Kristo, babatizibwe, bafune Omwoyo Omutukuvu, n’okugumiikiriza okutuuka ku nkomerero olwo balokolebwe; Okwenenya n’okubatizibwa gy’emiryango gy’ekkubo ery’akanyigo era effunda; Obulamu obw’olubeerera bujja eri abo abakuuma ebiragiro oluvannyuma lw’okubatizibwa. Nga mu mwaka gwa 559–545 nga Kristo tannazaalibwa.
Essuula 32
Bamalayika boogera n’amaanyi ag’Omwoyo Omutukuvu; Abantu balina okusaba era bafune okumanya ku lwabwe okuva eri Omwoyo Omutukuvu. Nga mu mwaka gwa 559–545 nga Kristo tannazaalibwa.
Essuula 33
Ebigambo bya Neefi bituufu; Biwa obujulirwa ku Kristo; Abo abalina okukkiriza mu Kristo bajja kukkiriza ebigambo bya Neefi, ebijja okuyimirira ng’obujulirwa mu maaso g’entebe ey’obulamuzi. Nga mu mwaka gwa 559–545 nga Kristo tannazaalibwa.