Essuula 22
Mu lunaku olw’emyaka olukumi abantu bonna bajja kutendereza Mukama; Ajja kubeera mu bo; Geraageranya Isaaya 12. Nga me mwaka gwa 559–545 nga Kristo tannazaalibwa.
1 Era ku lunaku luli olyogera nti: Ayi Mukama nnaakutendereza; newakubadde nga wansunguwalira, obusungu bwo bukyuse, era ombudaabuda.
2 Laba, Katonda bwe bulokozi bwange; nneesiganga, era ne ssitya; kubanga Mukama YAKUWA ge maanyi gange n’oluyimba; era ye afuuse obulokozi bwange.
3 N’olwekyo, musenanga n’essanyu amazzi mu nzizi ez’obulokozi.
4 Era ku lunaku luli mulyogera nti: Mutendereze Mukama, mukoowoole erinnya lye, mubuulire ebikolwa bye mu bantu, mwogere era erinnya lye ligulumizibwe.
5 Mumuyimbire Mukama; kubanga akoze ebintu eby’enjawulo; ekyo kimanyiddwa mu nsi yonna.
6 Yogerera waggulu oleekaane, ggwe atuula mu Sayuuni; kubanga Omutukuvu owa Isiraeri ali wakati mu ggwe mukulu.