1 Era ku lunaku olwo, abakazi musanvu balyekwata omusajja omu, nga bagamba nti: Tujja kulya emmere yaffe, era twambale ebyambalo byaffe; okuggyako tutuumibwe erinnya lyo okuggyawo ekivume kyaffe.

2 Ku lunaku olwo ettabi lya Mukama lirirabika bulungi era ery’ekitalo; ebibala by’ensi birungi nnyo era nga binyuma eri abo abasimattuse aba Isiraeri.

3 Era lulituuka, abo abalekeddwa mu Sayuuni era ne basigala mu Yerusaalemi baliyitibwa abatukuvu, buli eyawandiikibwa mu balamu mu Yerusaalemi;

4 Awo Mukama bw’alimala okunaaza obucaafu bw’abawala ba Sayuuni, era ng’alongoosezza omusaayi gwa Yerusaalemi wakati mu kyo olw’omwoyo ogw’obulamuzi era n’omwoyo ogw’okwokya.

5 Era Mukama alitonda ku buli kifo eky’okubeeramu eky’olusozi Sayuuni, era ne ku nkuŋŋaana zaakyo, ekire n’omukka emisana era n’okutangaligya kw’omuliro ogwaka ekiro; kubanga eri ekitiibwa kyonna ekya Sayuuni walibaawo obukuumi.

6 Era walibaawo weema okuba ekisiikirize mu saawa ez’emisana eri olubugumu, era okuba ekiddukiro, era ekifo omwekwekebwa eri omuyaga n’enkuba.