1 Kubanga Mukama alisaasira Yakobo, era ajja kulonda Isiraeri nate, era abateeke mu nsi yaabwe; era abagwiira baligattibwa nabo, era balyenywereza ku nnyumba ya Yakobo.

2 Era abantu balibatwala era ne babaleeta mu kifo kyabwe; weewaawo, okuva ewala okutuuka ku nkomerero z’ensi; era baliddayo mu nsi zaabwe ensuubize. Era ennyumba ya Isiraeri eribafuga, era ensi ya Mukama eriba y’abaweereza abasajja n’abakazi; era balitwalibwa ng’abasibe eri oyo gye baali abawambe; era balifuga abo ababanyigiriza.

3 Era lulituuka nti ku lunaku olwo Mukama lw’anaakuwa okuwummula, okuva mu nnaku yo, era n’okuva mu kutya kwo, era n’okuva mu buddu obukalubo eyo gye wakakibwa okuweereza.

4 Era lulituuka ku lunaku olwo, nti gwe olitwala olugero luno nga ekyokulwannyisa eri kabaka wa Babulooni, era ogambe nti: Omunyigiriza akomye atya awo, ekibuga kya zaabu kikomye!

5 Mukama amenye enga z’ababi, ziddamula z’abafuzi.

6 Oyo eyakuba abantu n’obusungu olutata mu ngeri gye batasuubiranga, oyo eyafuganga amawanga n’ekiruyi, ayigganyizibbwa, era tewali aziyiza.

7 Ensi yonna ewummudde, era eteredde; babaguka okuyimba.

8 Weewaawo, emiti gy’enfugo gikusanyukira, era n’emivule gya Lebanooni, nga gigamba nti: Okuva lwe wagalamizibwa wansi tewali muntu yenna eyali aze okutulwanyisa.

9 Ggeyeena wansi egugumuka ku lulwo okukusisinkana ng’ojja; egolokosa abafu ku lulwo, abakulu bonna ab’ensi; eyimusizza bakabaka bonna ab’amawanga okuva ku nnamulondo zaabwe.

10 Bonna balyogera era ne bakugamba nti: Naawe ate ofuuse munafu nga ffe? Naawe ofuuse nga ffe?

11 Ekitiibwa kyo kissibwa emagombe, n’eddoboozi ly’ennanga zo teriwulirwa; envunyu zisaasaanidde wansi wo, era envunyu zikubisseeko.

12 Ogudde otya ggwe okuva mu ggulu, Wattu Lusifa, mutabani ow’amakya! Ggwe ng’otemeddwa okutuuka ku ttaka, ggwe eyamegganga amawanga!

13 Kubanga wayogera mu mutima gwo nti: Ndirinnya mu ggulu, ndigulumiza nnamulondo yange okusinga emmunyeenye za Katonda; era ndituula ku lusozi olw’ekibiina, ku nkomerero z’enjuyi ez’obukiikakkono;

14 Ndirinnya okusinga ebire we bikoma; ndifaanana oyo Omusukkulumu.

15 Wabula ggwe ojja kuleetebwa wansi mu ggeyeena, ku nkomerero z’enjuyi ez’ekinnya.

16 Abo abanaakulabanga banaakwekalirizanga, era banaakulowoozanga, era balyogera nti: Ono ye musajja eyakankanyanga ensi, eyayuguumyanga obwakabaka?

17 Era n’afuula ensi ng’olukoola, era n’asaanyawo ebibuga byayo, era n’ataggulawo nnyumba y’abasibe be?

18 Bakabaka bonna ab’amawanga, weewaawo, bonna, bagalamidde mu kitiibwa, buli omu ku bo mu nnyumba ye.

19 Naye ggwe osuliddwa okuva mu ntaana yo ng’ettabi erizira, era ng’abafikkawo kw’abo abattibwa, ab’affumitibwa n’ekitala, abo abagenda wansi ku mayinja g’ekinnya; nga omulambo ogulinnyiddwa wansi w’ebigere.

20 Toligattibwa nabo mu kuziikibwa, kubanga wazikiriza ensi yo, n’otta abantu bo; ezzadde ly’abo abakola obubi teriryogerwako ennaku zonna.

21 Tegeka okuttibwa kw’abaana be olw’ebibi bya bakitaabwe, nti baleme kusituka, wadde okuba n’ettaka, wadde okujjuza ensi n’ebibuga.

22 Kubanga ndigolokoka okubalwanyisa, bw’ayogera Mukama ow’eggye, era ne nzita mu Babulooni erinnya, era n’abalifikkawo, era n’omwana, era n’omwana wa muganda we, bw’ayogera Mukama.

23 Nakyo nja kukifuula obutaka bw’eŋŋaaŋŋa, are ebidiba by’amazzi; era nja kukyera n’olweyo olw’okuzikiriza, bw’ayogera Mukama ow’eggye.

24 Mukama ow’eggye alayidde, ng’agamba nti: Mazima nga bwe nnalowooza, bwe kityo bwe kinaatuukirira; era nga bwe nkigenderedde, bwe kityo bwe kinaayimirira.

25 Nti nja kuleeta Omusuuli mu nsi yange, era ndimulinnyira n’ebigere ku nsozi zange, olwo ekikoligo kye kiribavaako, era n’omugugu gwe guliva ku bibegabega byabwe.

26 Kino kye kigendererwa ekigendereddwa mu ensi yonna; era guno gwe mukono ogugoloddwa eri amawanga gonna.

27 Kubanga Mukama ow’eggye ye yateesa, era ani alikijjulula? Era n’omukono gwe gugoloddwa, era ani aliguzzaayo?

28 Mu mwaka Kabaka Akazi mmwe yafiira gwe gwali omugugu guno.

29 Tosanyuka ggwe, Bufirisuuti yonna, kubanga omuggo gw’oyo eyabakuba gumenyese, kubanga mu kikolo ky’omusota muliva essalambwa, n’ezzadde lyalyo liriba musota gwa muliro ogubuuka.

30 Era n’omuggulanda ow’omwavu alirya, n’atalina bintu aliwujjaalako mirembe; era nditta ekikolo kyo n’enjala, era eritta n’abo abalifikkawo.

31 Wowoggana, Ayi wankaaki; okaabe, Ayi ekibuga; ggwe, Bufirisuuti yonna, esattuluddwa; kubanga walijja kuva mu bukiikakkono omukka, era tewaliba n’omu alibeera yekka mu biseera bye ebigere.

32 Olwo baliddamu ki ababaka b’amawanga? Nti Mukama yatandikawo Sayuuni, era n’abaavu mu bantu be balikyesiga.