1 Era kaakano, mutabani wange, nnina eky’okwogera ku bikwata ku kuzzibwawo okwogeddwako; kubanga laba, abamu bakyamizza ebyawandiikibwa, era bagenze wala mu kubula olw’ekintu kino. Era ntegeera nti endowooza yo tebadde tebenkevu nate olw’ekintu kino. Naye laba, nja kikunnyonnyola.

2 Nkugamba, mutabani wange, nti entegeka ey’okuzzibwawo yeetaagisa okusinziira ku bwenkanya bwa Katonda; kubanga kyetaagisa ebintu byonna okuzzibwawo mu nsengekebwa yaabyo entuufu. Laba, kyetaagisa era kya bwenkanya, okusinziira ku maanyi n’okuzuukira kwa Kristo, nti emmeeme y’omuntu ezzibwe mu mubiri gwayo, era na buli kitundu eky’omubiri kizzibwe ku kyo kyennyini.

3 Era kyetaagisa okusinziira ku bwenkanya bwa Katonda nti abantu balina okulamulwa okusinziira ku bikolwa byabwe; era singa ebikolwa byabwe biba birungi mu bulamu buno, era n’okuyayaana kw’emitima gyabwe nga kulungi, nti era nabo, ku lunaku olw’enkomerero, basaana bazzibwewo eri ekyo ekirungi.

4 Era singa ebikolwa byabwe biba nga bibi biribaddizibwawo olw’obubi. N’olwekyo, ebintu byonna bijja kuzzibwawo mu nsengekebwa yaabyo entuufu, buli kintu mu kibago kyakyo eky’obutonde; ebifa bijja kuzuukizibwa eri obutafa, ebivunda eri obutavunda; okuzuukizibwa eri essanyu ery’olubeerera okusikira obwakabaka bwa Katonda, oba eri ennaku ey’olubeerera okusikira obwakabaka bwa setaani, ekimu ku ludda olumu, ekirala ku ludda olulala;

5 Oyo eyazuukizibwa eri essanyu okusinziira ku kuyayaana kwe okw’essanyu, oba omulungi okusinziira ku kuyayaana kwe okw’ebirungi; era n’omulala n’agenda eri obubi okusinziira ku kuyayaana kwe okw’obubi; kubanga nga bwayayaanye okukola ebibi olunaku lwonna ddala bw’atyo bw’anafuna empeera ye ey’obubi ekiro bwe kinaatuuka.

6 Era bwe kityo bwe kiri ku ludda olulala. Bw’anaaba yeenenyezza ebibi bye, era ng’ayayaanidde obutuukirivu okutuuka ku nnaku ze ez’enkomerero, ddala bw’atyo an’asasulwa eri obutuukirivu.

7 Abo beebo abanunulibwa Mukama; weewaawo, bano beebo abaggyibwamu, abanunulibwa okuva mu kiro ekyo eky’ekizikiza eky’olubeerera; era bwe batyo bayimirira oba bagwa; kubanga laba, bo bennyini be beeramula, nnandiki okukola ebirungi oba okukola ebibi.

8 Kaakano, ebiragiro bya Katonda tebikyusibwa; n’olwekyo, ekkubo litegekeddwa buli ayagala alyoke alitambuliremu era alokolebwe.

9 Era kaakano laba, mutabani wange, teweteeka mu kabi nate okukola omusango n’ogumu eri Katonda wo ku nsonga ezo ez’enjigiriza, n’okutuusa kati z’obadde wetadde mu kabi okukola.

10 Toteebereza, kubanga byogeddwako ebikwata ku kuzzibwawo, nti olizzibwawo okuva mu kibi eri embeera ey’essanyu. Laba, nkugamba nti obubi tebubangako ssanyu.

11 Era kaakano, mutabani wange, abantu bonna abali mu mbeera ey’obutonde, oba ka ŋŋambe nti, mu mbeera ey’omubiri, nga bali mu mususa ogukaawa ne mu miguwa egy’okwonoona; tebalina Katonda mu nsi, era bakontanye n’embeera za Katonda; n’olwekyo, bali mu mbeera ekontana n’obutonde obw’essanyu.

12 Era kaakano laba, amakulu g’ekigambo okuzzibwawo kwe kutwala ekintu eky’embeera ey’obutonde n’okiteeka mu mbeera etali ya butonde, oba okukiteeka mu mbeera eyawukana n’obutonde bwakyo?

13 Ayi, mutabani wange, kino si bwe kiri; naye amakulu g’ekigambo okuzzibwawo kwe kukomyawo nate obubi mu kifo ky’obubi, oba eky’obw’omubiri mu kifo ky’obw’omubiri, oba eky’obwa setaani mu kifo ky’obwa setaani; ekirungi eri ekyo ekirungi; omutuukirivu olw’ekyo eky’obutuukirivu; omwenkanya eri ekyo eky’obwenkanya; omusaasizi eri eky’obusaasizi.

14 N’olwekyo mutabani wange, laba nti obeera musaasizi eri baganda bo; kolanga mu bwenkanya, lamula mu butuukirivu, era okolenga ebirungi obutalekeraawo; era bw’onakola ebintu bino byonna olwo on’afuna empeera yo; weewaawo, oliddizibwa okusasirwa nate; oliddizibwa obwenkanya nate; oliddizibwa ennamulwa ey’obutuukirivu nate; era olisasulwa obulungi nate.

15 Kubanga ekyo ky’oweereza kirikomawo gy’oli nate, era kizzibwewo; n’olwekyo, ekigambo okuzzibwawo kyongera okulamula omwonoonyi mu bujjuvu, era tekimweggyereza mu buli ngeri.