Պողոսն ուսուցանում էր, որ Հիսուս Քրիստոսը «նոր ուխտի» Միջնորդն է (Եբրայեցիս 8.8): Նա բացատրել է, որ Քրիստոսի զոհաբերությունն ավելի բարձր է մովսիսական զոհաբերություններից, և որ մովսիսական արարողությունների նպատակն էր ժողովրդին ուղղել դեպի Փրկիչն ու Նրա Քավությունը:
Պողոսն ուսուցանում էր, որ Հիսուս Քրիստոսը նոր ուխտի Միջնորդն է
Էլեկտրական լապտերի միջոցով գրատախտակի վրա ստեղծեք մի փոքր առարկայի (օրինակ`բանալու կամ մկրատի) ստվեր: Հարցրեք ուսանողներին, թե արդյոք նրանք կարող են, միայն ստվերին նայելով, ճանաչել առարկան: Նշեք, որ հաճախ, ստվերին նայելով, կարողանում ենք հասկանալ, թե ինչ առարկա է:
Ցույց տվեք «Հիսուսը Գեթսեմանում աղոթելիս» նկարը (Ավետարանի նկարների գիրք [2009], հմր. 56, տես նաև LDS.org)։ Բացատրեք, որ Հին Կտակարանում հիշատակվում են ծեսեր ու արարողություններ, որոնք հանդիսանում են Փրկիչի ու Նրա Քավության կերպարն ու ստվերը, կամ խորհրդանիշն ու նախանշանը:
Որո՞նք են Հին Կտակարանում հիշատակված Հիսուս Քրիստոսի ու Նրա Քավության կերպարների ու ստվերների օրինակները:
Բացատրեք, որ Մովսեսի օրենքի բոլոր կողմերի նպատակն էր ծառայել որպես կերպար կամ ստվեր, որն ուղղում էր Իսրայելի ժողովրդին դեպի Հիսուս Քրիստոսն ու Նրա քավիչ զոհաբերությունը (տես 2 Նեփի 11.4; Հակոբ 4.4–5): Պողոսը բացատրեց, թե ինչպես են օրենքի որոշ մասերն անում սա: Նա ցանկանում էր օգնել հրեա սրբերին, Մովսեսի օրենքին վերադառնալու փոխարեն, հավատարիմ մնալ Հիսուս Քրիստոսին:
Ամփոփեք Եբրայեցիս 7.1-22 հատվածները` բացատրելով, որ Պողոսը վկայակոչում է Հին Կտակարանի մարգարեություն «Մելքիսեդեկի կարգի պես» քահանայի գալու մասին (Սաղմոս 110.4, տես նաև Եբրայեցիս 7.1): Նա ուսուցանում էր, որ այս մարգարեությունն իրականացել է Հիսուս Քրիստոսի միջոցով: Մելքիսեդեկն արդար թագավոր ու քահանայապետ էր, ով առաջնորդում էր Աբրահամին (տես Joseph Smith Translation, Genesis 14:25–40 [in the Bible appendix]; Ալմա 13.14–19; Bible Dictionary, “Melchizedek”): Պողոսն օգտագործեց Մելքիսեդեկին որպես Հիսուս Քրիստոսի կերպար ու ստվեր: Նա ուսուցանեց, որ Հիսուս Քրիստոսն ու Իր քահանայությունն անհրաժեշտ էին, որովհետև Ղևտական Քահանայությունը, Մովսեսի օրենքի հետ միասին, որին այն ծառայում էր, չէր կարողանա կատարելագործել Աստծո զավակներին (տես Եբրայեցիս 7.11): Դուք կարող եք բացատրել, որ Ղևտական Քահանայությունը վերաբերում է Ահարոնյան Քահանայության իշխանությանը, որը կրում էին Ղևիի ցեղի անդամները (տես Bible Dictionary, “Aaronic Priesthood”):
Ցուցադրեք «Մովսեսը քահանայություն է տալիս Ահարոնին» նկարը (Ավետարանի նկարների գիրք, հմր. 15, տես նաև LDS.org) կողքի նկարը «Հիսուսը Գեթսեմանի այգում աղոթելիս»։ Բացատրեք, որ ինչպես հիշատակված է Եբրայեցիս 7-ում, Պողոսը Ղևտական քահանաներին համեմատում է Հիսուս Քրիստոսի հետ: Կարող եք բացատրել, որ Ղևտական քահանայի դերերից մեկը միջնորդ լինելն էր` անհամաձայնությունները տարրալուծելու համար խորհրդանշական կերպով ժողովրդի ու Աստծո միջև կանգնելը:
Գրատախտակին գրեք Եբրայեցիս 7.23–28: Ուսանողների բաժանեք զույգերի և յուրաքանչյուր զույգի խնդրեք միասին բարձրաձայն կարդալ հետևյալ հատվածները: Հանձնարարեք նրանց նաև կարդալ Ջոզեֆ Սմիթ թարգմանություն, Եբրայեցիս 7.25–26։ Սուրբ գրության այս հատվածը գտնվում է Աստվածաշնչի հավելվածում: Խնդրեք յուրաքանչյուր զույգից մեկ ուսանողի փնտրել Ղևտական քահանաներին նկարագրող արտահայտություններ, իսկ մյուս ուսանողին խնդրեք փնտրել Հիսուս Քրիստոսին նկարագրող արտահայտություններ: Բացատրեք, որ նորանք բառը Եբրայեցիս 7.23-ում վերաբերում է քահանաներին:
Բավարար ժամանակ տրամադրելուց հետո հրավիրեք ուսանողներին, ովքեր քահանաներին նկարագրող արտահայտություններ էին փնտրում, զեկուցել իրենց գտածը: Նրանց պատասխանները գրեք գրատախտակին` Մովսեսի ու Ահարոնի նկարի տակ: (Նրանց պատասխանները կարող են ներառել հետևյալը. Քահանաները պետք է փոխարինվեին այլ քահանաներով իրենց մահից հետո [տես Եբրայեցիս 7.23], նրանք ամեն օր պատարագներ էին մատուցում իրենց անձնական մեղքերի ու ժողովրդի մեղքերի համար [տես Եբրայեցիս 7.27], ու քահանաները տկարություն ունեն [տես Եբրայեցիս 7.28]):
Հրավիրեք ուսանողներին, ովքեր Հիսուս Քրիստոսին նկարագրող արտահայտություններ էին փնտրում, զեկուցել իրենց գտածը: Նրանց պտասխանները գրեք գրատախտակին` Հիսուս Քրիստոսի նկարի տակ: (Նրանց պատասխանները պիտի ներառեն նման հայտարարություններ. Հիսուս Քրիստոսն ու Իր քահանայությունն «անանցանելի» կամ հավերժական են [Եբրայեցիս 7.24], Նա կարող է փրկել նրանց, ովքեր «նորանով մօտենում են Աստուծուն» [Եբրայեցիս 7.25], Նա ապրում է` «որ [մեզ] համար բերեխօսիթիւն անէ» [Եբրայեցիս 7.25], Նա անմեղ էր և հետևաբար «պէտք չէ … Իր մեղքերի համար պատարագներ մատուցանէ» [Ջոզեֆ Սմիթ Թարգմանություն, Եբրայեցիս 7.26], Նա միայն մեկ զոհաբերություն պետք է մատուցեր, որը «ժողովրդի մեղքերի համար» էր [Ջոզեֆ Սմիթ Թարգմանություն, 7.26], և Նա «յավիտեան կատարեալ» է [Եբրայեցիս 7.28]):
Բացատրեք, որ «[նա] միշտ կենդանի է որ նրանց համար բարեխոսութիւն անէ» (Եբրայեցիս 7.25) արտահայտությունը նշանակում է, որ Փրկիչի առաքելությունը մեզ համար բարեխոս լինելն է, որպեսզի մեզ օգնի վերադառնալ Աստծո մոտ:
Ինչպե՞ս կբացատրեիք Հիսուս Քրիստոսի և Ղևտական քահանաների միջև եղած տարբերությունը:
Հրավիրեք ուսանողներից մեկին բարձրաձայն կարդալ Եբրայեցիս 8.1–3 հատվածները: Խնդրեք դասարանի անդամներին հետևել` ուշադրություն դարձնելով, թե բոլոր քահանայապետերը, ներառյալ Հիսուս Քրիստոսը, ինչ անելու համար էին կարգված կամ կանչված:
Քահանայապետերը ի՞նչ էին կարգված անելու:
Հրավիրեք ուսանողներից մեկին բարձրաձայն կարդալ Ջոզեֆ Սմիթ Թարգմանություն, Եբրայեցիս 8.4 (Եբրայեցիս 8.4-ի ա ծանոթագրությունում): Դասարանին խնդրեք հետևել` ուշադրություն դարձնելով Հիսուս Քրիստոսի մատուցած զոհաբերությանը:
Ի՞նչ ճշմարտություն կարող ենք սովորել այս հատվածից այն մասին, թե ինչ է արել Հիսուս Քրիստոսը մեզ համար: (Օգտագործելով իրենց իսկ բառերը` ուսանողները պետք է բացահայտեն հետևյալ ճշմարտությունը. Հիսուս Քրիստոսն առաջարկեց Իր սեփական մարմինը մեր մեղքերի համար):
Գրատախտակին գրված ո՞ր արտահայտություններն են օգնում մեզ հասկանալ, թե Հիսուս Քրիստոսն ինչո՞ւ կարողացավ առաջարկել Իր սեփական կյանքը` ի զոհաբերություն մեր իսկ մեղքերի:
Հրավիրեք ուսանողներին խորհել, թե ինչ է իրենց համար նշանակում Հիսուս Քրիստոսի քավիչ զոհաբերությունը: Խնդրեք նրանց իրենց դասարանային տետրերում կամ սուրբ գրությունների ուսումնասիրության օրագրերում ավարտել հետևյալ արտահայտությունները․
Ես երախտապարտ եմ իմ Փրկիչի համար, որովհետև …
Ես Գիտեմ, իմ Փրկիչն ինձ սիրում է, որովհետև …
Ես օրհնվել եմ Քավության միջոցով, որովհետև …
Բավարար ժամանակ տրամադրելուց հետո հրավիրեք մի քանի ուսանողի կիսվել իրենց գրածով, եթե նրանք այն խիստ անձնական չեն համարում:
Ամփոփեք Եբրայեցիս 8.5-13 հատվածները` բացատրելով, որ Իր զոհաբերության պատճառով Հիսուս Քրիստոսը դարձավ «ավելի լավ ուխտի միջնորդ» (6-րդ հատված)` ուխտ, որը եթե մարդիկ ընդունեն, կօգնի նրանց «[ճանաչել] Տիրոջը» (11-րդ հատված) և մաքրվել իրենց մեղքերից:
Պողոսը ցույց է տալիս, թե ինչպես են են մովսիսական արարողությունները խորհրդանշում Քավությունը
Նախքան դասը, գրատախտակի վրա գծեք ուղեկցող գծապատկերը:
Բացատրեք, որ ինչպես հիշատակված է Եբրայեցիս 9-10-ում, Պողոսը շարունակում էր համեմատել Ղևտական քահանայապետերին Հիսուս Քրիստոսի հետ` քննարկելով այն պատասխանատվությունները, որ կատարում են քահանաները Քավության օրը: Հանձնարարեք ուսանողներից մեկին բարձրաձայն կարդալ հետևյալ պարբերությունը.
Տարին մեկ անգամ հրեական սուրբ օրը, որը կոչվում է Քավության օր (ինչպես նաև Yom Kippur), քահանայապետին թույլ էր տրվում ներս մտնել խորանի` ավելի ուշ Երուսաղեմի տաճարի Ամենասուրբ վայրը, (որը նաև կոչվում էր Սրբության Սրբոց): Այնտեղ քահանայապետը զոհաբերում էր մեկ զվարակ ու մեկ նոխազ: Նա կենդանիների արյունը շաղ էր տալիս Ամենասուրբ վայրի նախորոշված տեղերում, որպեսզի խորհրդանշեր Քրիստոսի Քավությունը քահանայի մեղքերի ու ժողովրդի մեղքերի համար: Այնուհետև քահանայապետը ժողովրդի մեղքերը խորհրդանշորեն փոխանցում էր մեկ այլ նոխազի վրա (որը կոչվում էր քավության նոխազ), որին այնուհետև բաց էին թողնում անապատում, որը խորհրդանշում էր ժողովրդի մեղքերի հեռացումը: Նա նաև զոհաբերում էր երկու խոյ` որպես այրված ընծա իր և ժողովրդի համար: (Տես Bible Dictionary, “Fasts”; տես նաև Ղևտացոց 16.22):
Դասարանի մի կեսին հանձնարարեք կարդալ Եբրայեցիս 9.11, 12, 24, 28 հատվածները, իսկ մյուս կեսին կարդալ Եբրայեցիս 10.1, 4, 10-12 հատվածները: Խնդրեք ամեն խմբին լուռ կարդալ իրենց հանձնարարված հատվածները` ուշադրություն դարձնելով, թե ինչպես են Քավության օրվա իրադարձությունները հանդիսանում Հիսուս Քրիստոսի կերպարն ու ստվերը: Բավարար ժամանակ տրամադրելուց հետո հրավիրեք յուրաքանչյուր խմբից մեկական ուսանողի կիսվել իրենց գտածով։ Այնուհետև հարցրեք.
Ինչպես Քավության օրը քահանայապետը մտավ խորանի ամենասուրբ վայրը, ի՞նչ «սրբատեղի» (Եբրայեցիս 9.12) կարող էր Փրկիչը մտնել Իր Քավության շնորհիվ: (Երկնային Հոր ներկայության մեջ, կամ սելեստիալ փառքի մեջ):
Հիսուս Քրիստոսի զոհաբերությունը ի՞նչ կարող էր անել, որ «նոխազների և ցուլերի արիւնը» (Եբրայեցիս 10.4) չէր կարող:
Այդ դեպքում քահանայապետերն ինչո՞ւ էին անում այս զոհաբերությունները Քավության օրը: (Որպեսզի ցույց տային «գալու բարիքների շուքը» [Եբրայեցիս 10.1] կամ նշեին Փրկիչի Քավությունը):
Հրավիրեք ուսանողներից մեկին բարձրաձայն կարդալ Եբրայեցիս 10.17–20 հատվածները: Դասարանին խնդրեք հետևել՝ ուշադրություն դարձնելով, թե Քավության միջոցով ինչն է հնարավոր դառնում:
Ըստ 19-րդ հատվածի` Հիսուսի զոհաբերության շնորհիվ որտե՞ղ կարող ենք մտնել: («Սրբարանը» կամ Աստծո ներկայության մեջ` սելեստիալ արքայությունում):
Ըստ 20-րդ հատվածի` ինչպե՞ս ենք մտնում Աստծո ներկայության մեջ:
Բացատրեք, որ «նոր և կենդանի ճանապարհ» արտահայտությունը վերաբերում է Հիսուս Քրիստոսի ավետարանին կամ այն ծրագրին, որի միջոցով կարող ենք ներում գտնել ու սրբագործվել Նրա Քավությամբ ու հետևաբար արժանի դառնալ Աստծո ներկայության մեջ վերադառնալուն:
Գրեք հետևյալ անավարտ միտքը գրատախտակին. Հիսուս Քրիստոսի Քավության շնորհիվ մենք կարող ենք մտնել սելեստիալ արքայություն, եթե …
Հրավիրեք ուսանողներից մեկին բարձրաձայն կարդալ Եբրայեցիս 10.22-23 հատվածները: Դասարանին խնդրեք հետևել` ուշադրություն դարձնելով, թե մենք ինչ պետք է անենք սելեստիալ արքայություն մտնելու համար։ Հրավիրեք ուսանողներին կիսվել իրենց գտածով:
Ավարտեք գրատախտակի վրա գրված արտահայտությունը, որպեսզի այն հնչի հետևյալ կերպ. Հիսուս Քրիստոսի Քավության շնորհիվ մենք կարող ենք մտնել սելեստիալ արքայություն, եթե ամուր կառչենք Նրա հանդեպ մեր հավատքից:
Ձեր կարծիքով, ի՞նչ է նշանակում «պինդ բռնել» (հատված 23) Հիսուս Քրիստոսի հանդեպ մեր հավատքը:
Հրավիրեք ուսանողներից մեկին բարձրաձայն կարդալ Եբրայեցիս 10.35-38 հատվածները: Դասարանի անդամներին խնդրեք հետևել՝ ուշադրություն դարձնելով Պողոսի տված խորհրդին, որը կարող է օգնել մեզ ամուր կառչել Հիսուս Քրիստոսի հանդեպ մեր հավատքից:
Ի՞նչ կարող ենք անել, որպեսզի ամուր կառչենք Հիսուս Քրիստոսի հանդեպ մեր հավատքից:
Ի՞նչ է նշանակում «դէն մի գցէք ձեր վստահութիւնը» արտահատությունը։ (հատված 35):
Հրավիրեք որևէ ուսանողի բարձրաձայն կարդալ Տասներկու Առաքյալների Քվորումից Երեց Ջեֆրի Ռ․ Հոլլանդի հետևյալ խոսքը, որում նա նկարագրում է, թե ինչ է նշանակում «դէն [չգցենք մեր] վստահութիւնը» արտահատությունը:
Նկար
Երեց Ջեֆրի Ռ. Հոլլանդ
«Վերջին Օրերի Սրբերի ելույթներից մեկում ասվում է, որ հիրավի, դժվար է լինում Եկեղեցուն միանալուց առաջ, երբ դու պատրաստվում ես դրան, դժվար է նաև միանալուց հետո: Միշտ էլ այդպես է եղել, ասում է Պողոսը, սակայն հետ մի նահանջեք: Մի մատնվեք խուճապի և մի ընկրկեք: Մի կորցրեք ձեր վստահությունը: Մի մոռացեք, թե մի ժամանակ ինչ զգացումներ եք ունեցել: Ձեր ունեցած փորձառության նկատմամբ անվստահությամբ մի լցվեք: Դա հենց այդ հաստատակամությունն էր, որ փրկեց Մովսեսին ու Ջոզեֆ Սմիթին, երբ հակառակորդն ընդդիմանում էր նրանց դեմ, և դա այն է, ինչը կփրկի ձեզ» ( «Cast Not Away Therefore Your Confidence», Ensign, Mar. 2000, 8):
Ո՞ւմ եք ճանաչում, ով Հիսուս Քրիստոսի հանդեպ իր հավատքից ամուր կառչելու լավ օրինակ է հանդիսանում:
Հրավիրեք ուսանողներին խորհել Հիսուս Քրիստոսի հանդեպ իրենց հավատքից ամուր կառչելու ուխտի մասին: Խնդրեք նրանց գրի առնել, թե սա անելու համար ինչպես են մեծացնելու իրենց հանձնառությունն ու ունակությունը:
«Մելքիսեդեկը «Հին Կտակարանի մեծ քահանայապետ, մարգարե և առաջնորդ էր, ով ապրել է ջրհեղեղից հետո և Աբրահամի ժամանակ: Նրան կոչում էին Սաղեմի (Երուսաղեմի) թագավոր, խաղաղության թագավոր, արդարության թագավոր (որը հենց եբրայերեն Մելքիսեդեկ անվան նշանակությունն է) և բարձրյալ Աստծո քահանա» (Սուրբ գրքերի ուղեցույց, «Մելքիսեդեկ»; scriptures.lds.org): Սուրբ գրություններն ասում են, որ Մելքիսեդեկը քահանայություն շնորհեց Աբրահամին, Աբրահամից տասանորդ ստացավ, և նրա մեծությունն անգերազանցելի էր (տես ՎևՈւ 84.14; Եբրայեցիս 7.4, Ծննդոց 14.18-20, Ջոզեֆ Սմիթ Թարգմանություն, Ծննդոց 14.25-40 [in the Bible appendix], Ալմա 13.19): Եբրայեցիներին ուղղված Թղթում Մելքիսեդեկը ներկայանում է որպես Աստծո Որդու նախատիպը (տես Եբրայեցիս 7.15-16)» (New Testament Student Manual [Church Educational System manual, 2014], 480):
«Եբրայեցիս 7.3-ի Ջոզեֆ Սմիթի Թարգմանությունը պարզաբանում է, որ դա քահանայությունն էր, որն «անհայր, անմայր» էր. «Քանզի այս Մելքիսեդեկը Աստծո Որդու կարգով կարգվեց որպես քահանա` կարգ, որն անհայր, անմայր էր» (in the Bible appendix): Այս արտահայտությունը ցույց է տալիս, որ ի տարբերություն հին ժամանակների Ղևտական կամ Ահարոնայան կարգի, Մելքիսեդեկյան Քահանայությունը չի շնորհվում կախված տոհմական պատկանելությունից: Տասներկու Առաքյալների Քվորումից Երեց Բրյուս Ռ․ Մակքոնկին ավելի ուշ բացատրել է. «Այս ավելի բարձր քահանայությունը ստանալու իրավունքը ժառանգաբար չէր տրվում, ինչպես որ արվում էր Ղևտացիների ու Ահարոնի որդիների դեպքում: Արդարակեցությունը հանդիսանում էր բացարձակ անհրաժեշտություն այս ավելի բարձր քահանայության շնորհման համար» (Mormon Doctrine, 2nd ed. [1966], 478)” (Նոր Կտակարանի ուսանողի ձեռնարկ [Church Educational System manual, 2014], 480):