Տնային ուսումնասիրության դաս

Բ Տիմոթէոս 1-Եբրայեցիս 4 (Մաս 27)

Նախապատրաստական նյութ տնային ուսումնասիրության ուսուցչի համար

Տնային ուսումնասիրության ամենօրյա դասերի ամփոփում

Բ Տիմոթէոս 1-Եբրայեցիս 4-ի (մաս 27) ուսումնասիրության ժամանակ ուսանողների սովորած իրադարձությունների, վարդապետությունների և սկզբունքների հետևյալ ամփոփումը նախատեսված չէ ուսուցանել որպես ձեր դասի մի մաս: Ձեր ուսուցանած դասը կենտրոնանում է այս վարդապետություններից և սկզբունքներից միայն մի քանիսի վրա: Ձեր ուսանողների կարիքների շուրջ խորհելիս հետևեք Սուրբ Հոգու հուշումներին:

Օր 1 (Բ Պետրոս )

Տիմոթէոսին ուղղված Պողոսի այս թղթից ուսանողները սովորեցին հետևյալ ճշմարտությունները. երբ մենք ջերմեռանդորեն ձգտում ենք մեզ հետ ունենալ Սուրբ Հոգին, կարողանում ենք հաղթահարել վախն ու չամաչել Հիսուս Քրիստոսի մասին մեր վկայությունից: Երբ մենք հաղթահարում ենք դժվարություններն ու հավատարիմ ենք մնում Տիրոջը, կարողանում ենք օգնել ինքներս մեզ և ուրիշներին` Հիսուս Քրիստոսի միջոցով ձեռք բերել փրկություն: Եթե մենք մաքրվենք մեղքից, մենք ավելի լավ կկարողանանք ծառայել Տիրոջը: Եթե մենք հավատարիմ մնանք այն ամենում, ինչ Տերը պահանջում է մեզանից, մենք կստանանք արդարության պսակը: Ուսանողները նաև սովորեցին մեր օրերի վտանգների և սուրբ գրությունների արժեքի մասին:

Օր 2 (Տիտոս)

Երբ ուսանողներն ուսումնասիրեցին Կրետեի Եկեղեցու առաջնորդ Տիտոսին ուղղված Պողոսի այս թուղթը, սովորեցին, որ եթե մենք ամուր կառչենք Աստծո խոսքից, մենք կկարողանանք կիրառել ճիշտ վարդապետություն` ուրիշներին Հիսուս Քրիստոսի ավետարանով ապրել խրախուսելիս և հերքել նրանց, ովքեր հակառակվում են դրան: Պողոսը Հիսուս Քրիստոսի հետևորդներին խրախուսում էր լավ օրինակ լինել ուրիշների համար: Նա նաև վկայում էր, որ Հիսուս Քրիստոսն Իր կյանքը մեզ համար տվեց, որպեսզի կարողանար փրկագնել ու մաքրագործել մեզ:

Օր 3 (Փիլիմոն)

Փիլիմոնին ուղղված Պողոսի խնդրանքն ուսումնասիրելիս, որն էր փախուստի դիմած նորադարձ ծառային համարել որպես եղբայր ավետարանով, ուսանողները սովորեցին, որ մենք եղբայրներ ու քույրեր ենք ավետարանով: Նրանք նաև սովորեցին, որ Հիսուս Քրիստոսի հետևորդները ողորմածություն ու ներում են ցուցաբերում ուրիշների նկատմամբ:

Օր 4 (Եբրայեցիս 1-4)

Եբրայեցիներին ուղղված Պողոսի թուղթն ուսումնասիրելիս` ուսանողները Փրկիչի մասին մի շարք վարդապետություններ սովորեցին, ներառյալ որպես Արարիչ Նրա դերի ու Երկնային Հորը Նրա նմանության մասին: Այս վարդապետությունները թույլ տվեցին, որ ուսանողները հասկանան այն ճշմարտությունը, որ Հիսուս Քրիստոսը մեր փրկության առաջնորդն է: Նրանք նաև սովորեցին, որ քանի որ Հիսուս Քրիստոսը տանջվել ու բոլոր բաներում փորձության է ենթարկվել, Նա մեզ հասկանում է կատարելապես ու կարող է օգնել, երբ կարիքի մեջ լինենք:

Նախաբան

Այս դասը վերլուծում է Պողոսի մարգարեությունները վտանգների մասին, որոնք տեղի կունենան վերջին օրերում, ինչպես նաև իր օրերում: Տիմոթէոսին և ապագա ընթերցողներին Պողոսը հորդորեց այդ վտանգների մեջ հավատարիմ մնալ իրենց արդեն իսկ սովորած ճշմարտություններին և կիրառել սուրբ գրությունները` որպես հասկացողության, ուղղման և ուսուցման աղբյուր:

Ուսուցման առաջարկներ

Բ. Տիմոթեոս 3

Պողոսը նկարագրում է վերջին օրերի վտանգավոր ժամանակները

Նախքան դասի սկսվելը, խնդրեք արդեն ներկայացած առաջին երկու կամ երեք ուսանողներից յուրաքանչյուրին գրատախտակին նկարել վտանգավոր կամ երկյուղալի մի իրավիճակ: Դասը սկսվելուց հետո դասարանին հարցրեք հետևյալը.

• Ինչպիսի՞ բառեր կօգտագործեիք գրատախտակին նկարված իրավիճակը նկարագրելու համար:

Բացատրեք, որ Տիմոթէոսին ուղղված Երկրորդ Թղթի մի մասում Պողոսը մարգարեացել է իր ու մեր օրերի հանգամանքների մասին: Հրավիրեք ուսանողներից մեկին բարձրաձայն կարդալ Բ Տիմոթէոս 3.1-ը: Դասարանին հրավիրեք հետևել` ուշադրություն դարձնելով, թե Պողոսն ինչպես է նկարագրել մեր օրերը:

• Ինչպե՞ս է Պողոսը նկարագրել մեր օրերը: (Անհրաժեշտության դեպքում բացատրեք, որ չար բառը նշանակում է վտանգով կամ երկյուղով լի):

• Որո՞նք են այն մի քանի բարոյական կամ հոգևոր չարիքները կամ վտանգները, որոնց դուք հանդիպել եք ձեր օրերում:

Ուսանողներին բաժանեք զույգերի: Յուրաքանչյուր զույգի տրամադրեք հետևյալ աղյուսակի մեկական օրինակ։ Յուրաքանչյուր զույգի հանձնարարեք կարդալ Բ Տիմոթէոս 3.2-7 հատվածները և պատասխանել աղյուսակում նշված հարցերին: Հորդորեք նրանց բարդ բառերը հասկանալու համար կիրառել ծանոթագրությունները:

Բ Տիմոթեոս 3.2-7

Նոր Կտակարանի սեմինարիայի ուսուցչի ձեռնարկ—Տնային ուսումնասիրման դաս (Մաս 27)

Որո՞նք են Պողոսի նկարագրած վերջին օրերի իրավիճակների որոշ օրինակները։	Այս իրավիճակներից որո՞նց եք հանդիպել մեր օրերում: (Նշեք դրանցից երկուսը կամ երեքը): Ինչո՞ւ են այս իրավիճակները դժվար:

© 2015 by Intellectual Reserve, Inc. Բոլոր իրավունքները վերապահված են:

Բավարար ժամանակ տրամադրելուց հետո հրավիրեք ուսանողներին դասարանի հետ կիսվել, թե ինչպես պատասխանեցին աղյուսակում գտնվող հարցերին` ներառյալ այն, թե ինչու են այս իրավիճակներն այդքան վտանգավոր:

Խնդրեք ուսանողներին խորհել, արդյոք նրանք երբևէ անհանգստանում են, որ իրենց ուսումնասիրած հատվածներում Պողոսի նշած վտանգներից մի քանիսը կարող են ազդել իրենց վրա:

• Համաձայն Բ Տիմոթէոս 3.5-ի վերջին մասի` Պողոսը Տիմոթէոսին ի՞նչ խրախուսեց անել, որը նաև կօգնի մեզ մեր օրերում: (Մենք պետք է հեռու մնանք ամբարշտությունից):

Բացատրեք, որ չնայած այս անհանգստացնող իրավիճակների լրջությանը, մենք կարող ենք գտնել օգնություն ու պաշտպանություն: Հրավիրեք ուսանողներից մեկին բարձրաձայն կարդալ Բ. Տիմոթէոս 3.14-15 հատվածները: Դասարանին հրավիրեք հետևել` ուշադրություն դարձնելով, որ Պողոսի ուսմունքը կարող է օգնել մեզ հեռու մնալ այդ վտանգներից:

• Պողոսն ի՞նչ ուսուցանեց իր նկարագրած վտանգներին դիմակայելու մասին:

• Ձեր կարծիքով, ի՞նչ է նշանակում «հաստատ կաց նորանցում, որ սովորեցիր և հավատացիր» արտահայտությունը 14-րդ հատվածում:

Հրավիրեք ուսանողներին Բ Տիմոթէոս 3.14-15 հատվածներից մի սկզբունք բացահայտել այն մասին, թե ինչպես հաղթահարել վերջին օրերի հոգևոր վտանգները: (Ուսանողների պատասխաններից հետո գրեք հետևյալը գրատախտակի վրա. եթե մենք շարունակում ենք ապրել ճշմարիտ աղբյուրներից և սուրբ գրություններից սովորած ճշմարտություններով, մենք կկարողանանք հաղթահարել վերջին օրերի հոգևոր վտանգները):

• Ինչպե՞ս կարող է սուրբ գրություններին և մեր սովորած ճշմարտություններին ապավինելն օգնել մեզ հաղթահարել մեր օրերի վտանգները։

• Ե՞րբ եք ընտրել ապավինել ձեր սովորած ճշմարտություններին: Ինչպե՞ս եք օրհնվել այդպես վարվելով: (Դուք կարող եք թույլ տալ, որ ուսանողները սկզբում պատասխանեն այս հարցերին իրենց սուրբ գրությունների ուսումնասիրության օրագրերում կամ դասարանային տետրերում, իսկ այնուհետև հրավիրել մի քանի ուսանողների դասարանի հետ կիսվել իրենց գրածով):

Հիշեցրեք ուսանողներին, որ Բ Տիմոթէոս 3.15-17 հատվածները սերտման սուրբ գրության հատվածներ են: Ուսանողներից մեկին հրավիրեք բարձրաձայն կարդալ Բ Տիմոթէոս 3․15-17 հատվածները և խնդրեք դասարանին ուշադրություն դարձնել, թե ինչ է Պողոսն ուսուցանել սուրբ գրությունների մասին։ Կարող եք առաջարկել, որ նրանք նշեն իրենց գտած նյութերը։

• Պողոսն ի՞նչ է սովորեցրել սուրբ գրությունների ուսումնասիրության վերաբերյալ, որը կարող է օգնել մեզ մեր օրերում: (Դասարանին օգնեք բացահայտել հետևյալ սկզբունքը. երբ մենք ուսումնասիրում ենք սուրբ գրությունները, կարող ենք սովորել վարդապետությունը և ստանալ ուղղում ու ուղղորդում, որը մեզ կօգնի աճել դեպի կատարելությունը: Գրեք այս սկզբունքը գրատախտակին):

Հրավիրեք ուսանողներին մտածել մի ժամանակի մասին, երբ սուրբ գրությունները, գուցե Նոր Կտակարանում ընթերցած մի հատված, օգնել է իրենց հետևյալ եղանակներից մեկով.

1. Հասկանալ ավետարանի վարդապետությունները

2. Իրենց սխալ մտածելակերպի, ընտրությունների կամ վարքագծի մեջ հանդիմանություն կամ ուղղում առաջարկելով

3. Աղոթքին պատասխան տրամադրելով կամ խնդրի լուծման համար հրահանգ տալով

Ուսանողներին ժամանակ տվեք, որպեսզի խորհեն փորձառությունների մասին, իսկ այնուհետև հրավիրեք մի քանի ուսանողի կիսվել իրենց մտքերով դասարանի հետ:

• Հաշվի առնելով այն, ինչ մենք սովորել ենք սուրբ գրությունների նշանակության մասին, ձեր կարծիքով ինչո՞ւ է մեզ խրախուսվում կարդալ դրանք ամեն օր:

Ուսանողներին տրամադրեք Տասներկու Առաքյալների Քվորումից Երեց Ռիչարդ Գ. Սքոթի հետևյալ խոսքերի մեկական օրինակ։ Հրավիրեք ուսանողներից մեկին բարձրաձայն կարդալ այն և խնդրեք դասարանին ուշադրություն դարձնել Երեց Սքոթի` սուրբ գրությունների ուսումնասիրման հետ առնչվող խորհուրդին ու խոստումին:

«Տեղի մի տվեք սատանայի ստին, թե դուք ժամանակ չունեք ուսումնասիրելու սուրբ գրությունները: Որոշեք ժամանակ գտնել դրանց ուսումնասիրության համար: Ամեն օր Աստծո խոսքով սնվելն ավելի կարևոր է, քան քունը, դպրոցը, աշխատանքը, հեռուստատեսային շոուները, տեսախաղերը կամ սոցիալական մեդիան: Դուք պետք է ճանաչեք ձեր առաջնահերթությունները` ժամանակ գտնելով Աստծո խոսքն ուսումնասիրելու համար: Եթե դա այդպես է, ապա արեք այդպես:

«… Եթե դուք ամեն օր ժամանակ տրամադրեք անհատապես ու ձեր ընտանիքի հետ Աստծո խոսքերի ուսումնասիրությանը, խաղաղություն կտիրի ձեր կյանքում» («Հավատքի գործադրումը դարձրեք ձեր առաջնահերթությունը», Ensign կամ Լիահոնա, նոյ. 2014, 93):

Վկայեք այն ապահովության ու խաղաղության մասին, որ զգում են նրանք, ովքեր շարունակում են ապրել սուրբ գրություններում եղած ճշմարտություններով:

Հրավիրեք ուսանողներին թուղթը բաժանել երեք մասի` ստեղծելով երեք սյունակ: Խնդրեք նրանց բացել թուղթը և առաջին սյունակի վերին մասում գրել Վարդապետություն, երկրորդ սյունակի վերին մասում գրել Հանդիմանություն և ուղղում, իսկ երրորդ սյունակի վերին հատվածում գրել Ուղղորդում դեպի արդարակեցություն:

Ուսանողներին հրավիրեք մի շաբաթ շարունակ օգտագործել այս թուղթը որպես էջանիշ իրենց սուրբ գրությունների համար` ամեն անգամ այս նպատակներից մեկն իրականացնող սուրբ գրության հատված կարդալիս գրել այն համապատասխան բաժնում: Օրինակ` «Վարդապետություն» վերնագրի տակ ուսանողները կարող են գրել սուրբ գրության հղումն ու վարդապետությունը կամ սկզբունքը, որ նրանք սովորել են այդ հղումից: «Հանդիմանություն և ուղղում» վերնագրի տակ նրանք կարող են գրել սուրբ գրության հղումը, և թե ինչպես է այդ հատվածն ուղղում սխալ գաղափարները: «Ուղղորդում դեպի արդարակեցություն» վերնագրի տակ նրանք կարող են նշել այն հատվածները, որոնք օգնում են հասկանալ, թե ինչ բարի գործեր կարող են անել:

Խրախուսեք ուսանողներին մի շաբաթ անց դասարան բերել թղթերը իրենց փորձառությունների մասին զեկուցելու համար: Համառոտ քննարկում անցկացնելու համար դուք կարող եք հիշեցման թերթիկ դնել ձեր սուրբ գրություններում կամ ձեռնարկում` վերանայելով, թե նրանք ինչպես կիրառեցին սուրբ գրության սերտման այս հատվածը:

Հաջորդ Մասը (Եբրայեցիս 5–Հակոբոս 1)

Հաջորդ մասն ուսումնասիրելիս խրախուսեք ուսանողներին գտնել հետևյալ հարցերի պատասխանները. Ինչպե՞ս են երիտասարդ տղամարդիկ քահանայություն ստանում: Եբրայեցիս գրքում ո՞ւմ մասին է ասվում, որ մեծ հավատք ունի: Ճանաչո՞ւմ եք տղամարդկանցից և կանանցից որևէ մեկին, ում մասին սովորում եք այս մասում: Ջոզեֆ Սմիթը սուրբ գրությունների ո՞ր հատվածը կարդաց, որն առաջնորդեց նրան «խնդրէլ Աստուածանից», որի արդյունքում եղավ Առաջին տեսիլքը: Ի՞նչ է նշանակում մաքուր կրոն: