Պողոսը ուսուցանեց Կորնթոսի Եկեղեցու միայնակ և ամուսնացած անդամներին ամուսնության և միսիոներական աշխատանքի մասին: Պատասխանելով կուռքերին առաջարկվող միսը ճաշակելու վերաբերյալ հարցին, Պողոսը ուսուցանեց Սրբերին ուրիշների հետ իրենց անձնական փորձի ազդեցությունը դիտարկել և պատրաստ լինել հրաժարվել որոշ գործողություններից, եթե դրանք կարող են ուրիշի հոգևոր սայթաքման պատճառ դառնալ:
Պողոսը ամուսնության մասին խորհուրդ է տալիս Եկեղեցու ամուսնացած և ամուրի անդամներին:
Գծեք հետևյալ գծապատկերը գրատախտակին:
Նկար
սլաքային գծապատկեր
Որպեսզի օգնեք ուսանողներին հասկանալ Ա Կորնթացիս 7-ի, բովանդակությանը, հիշեցրեք նրանց, որ ինչպես մենք, Կորնթոսի Եկեղեցու անդամները նույնպես ապրել են մի հասարակությունում, որը ուներ շփոթեցնող և բախումնային գաղափարներ ամուսնության ու ֆիզիկական կամ սեռական մտերմության մասին:
Հիմնվելով այն բանի վրա, թե ինչ եք հիշում Ա Կորնթացիս 5-6-ի ձեր սովորածից, որո՞նք էին որոշ կեղծ համոզմունքները սեռական հարաբերությունների մասին, որոնք գերիշխող էին Կորնթոսում:
Ուսանողների պատասխանից հետո գրեք այդ սկզբունքը գրատախտակի գծապատկերի ձախակողմյան քառակուսու մեջ «Կեղծ համոզմունք»-ի տակ. Ընդունելի է սեռական մտերմություն ունենալ ցանկացած մարդու հետ:
Բացատրեք, որ Կորնթոսի Եկեղեցու անդամները գրել են Պողոս Առաքյալին՝ խնդրելով ուղղորդություն սեռական անարատության Տիրոջ չափանիշների վերաբերյալ:
Ուսանողներից մեկին հրավիրեք կարդալ Ա Կորնթացիս 7․1-ը բարձրաձայն և խնդրեք դասարանին փնտրել այն հարցը, որ կորնթացի Սրբերը տվեցին Պողոսին:
ի՞նչ հարց տվեցին կորնթացի Սրբերը Պողոսին։
Բացատրեք, որ «լավ է մարդիս որ կնկայ չմօտենայ» հատված 1-ում արտահայտությունը նշանակում է, որ կորնթացի Սրբերը հարցեր ունեին այն մասին, թե արդյոք սեռական մտերմությունը համապատասխան էր և երբ: Ոմանք հավանաբար հարցրել են, թե արդյոք ամուսնացած մարդիկ նույնպես պետք է ունենային սեռական մտերմություն: Գրեք այս սկզբունքը գրատախտակի գծապատկերի աջակողմյան քառակուսու մեջ «Կեղծ համոզմունք»-ի տակ: Բնավ ընդունելի չէ ֆիզիկական մտերմություն ունենալ, նույնիսկ ամուսնական կապերի մեջ եղածների համար:
Նշեք, որ գծապատկերում գրի առնված կեղծ համոզմունքներից երկուսն էլ ներկայացնում են ծայրահեղ տեսանկյուններ, որոնք տարբերվում են սեռական մտերմության Աստվածային չափանիշից:
Խնդրեք մի ուսանողի կարդալ Ա Կորնթացիս 7.2-3-ը բարձրաձայն: Դասարանին հրավիրեք հետևել նրան և փնտրել, թե Պողոսը ինչ ուսուցանեց կորնթացիներին սեռական մտերմության մասին։ (Օգնեք ուսանողներին հասկանալ, որ ապօրինի կենակցությունը վերաբերում է ամուսնական կյանքից դուրս սեռական հարաբերություններին և շնորհիվ բարյացկամության արտահայտությունը վերաբերում է ամուսնու և կնոջ միջև սիրուն ու մտերմությանը):
Հանձնարարեք որևէ ուսանողի կարդալ հետևյալ հայտարարությունը «Երիտասարդներին զորացնելու համար» գրքույկից.
«Ֆիզիկական մտերմությունը ամուսնու և կնոջ միջև գեղեցիկ է և սուրբ: Աստծո կողմից այն կարգված է երեխաներ ունենալու և ամուսնու ու կնոջ միջև սիրո արտահայտման համար: Աստված պատվիրել է, որ սեռական մտերմությունը պետք է պահպանվի ամուսնության համար» («Երիտասարդներին զորացնելու համար» [գրքույկ, 2011], 35):
Մենք հենց նոր որտեղի՞ց ընթերցեցինք, թե ինչ կարող ենք սովորել սեռական մտերմության մասին: (Ուսանողների պատասխաններից հետո, հետևյալ ճշմարտությունը գրեք գծապատկերի վրա «Ճշմարտության» տակ. Ամուսնու և կնոջ միջև ֆիզիկական մտերմությունը կարգված է Աստծո կողմից:)
Հանձնարարեք որևէ ուսանողի բարձրաձայն կարդալ Տասներկու Առաքյալների Քվորումից Նախագահ Բոյդ Կ Փաքերի հետևյալ խոսքերը։ Դասարանին խնդրեք լսել, թե ամուսնության մեջ մտերմությունը ինչո՞ւ է սահմանված Աստծո կողմից:
Նկար
Նախագահ Բոյդ Ք. Փաքեր
«Ծննդաստեղծ զորությունը պատահական մաս չէ երջանկության ծրագրում, դա երջանկության ծրագիրն է, դա երջանկության բանալին է:
Մարդկության զուգավորման ցանկությունը մշտական է և շատ ուժեղ: Մեր երջանկությունը մահկանացու կյանքում, ուրախությունն ու մեծարումը կախված են այն բանից, թե ինչպես ենք մենք պատասխանում այդ կայուն, գերող ֆիզիկական բաղձանքներին» («Երջանկության ծրագիրը», Ensign կամ Լիահոնա, մայիս 2015, 26):
Որո՞նք են ամուսնու և կնոջ միջև ֆիզիկական մտերմության նպատակները:
Ինչո՞ւ է սերնդի ստեղծումը` մահկանացու կյանք ստեղծելու ունակությունը, այդքան կարևոր Երկնային Հոր ծրագրում:
Ամփոփեք Ա Կորնթացիս 7.4-24-ը` բացատրելով, որ Պողոսը ուսուցանեց, որ ամուսնական զույգերը սովորաբար չպիտի խուսափեն միմյանց նկատմամբ ամուսնական ջերմություն ցուցադրել, որ Եկեղեցուամուսնալուծված ու այրիացած անդամներին թույլատրվում է կրկին ամուսնանալ ցանկության դեպքում, և որ Եկեղեցու անդամը պետք է «մնայ Աստուծոյ առաջին» ինչպիսի հանգամանքներում էլ որ լինի: Պողոսը չէր քաջալերում նաև բաժանությունը:
Որպեսզի օգնեք ուսանողներին գտնել մեկ այլ ճշմարտություն Պողոսի գրվածքներից Ա Կորնթացիս 7-ում, ուսանողներին բաժանեք երկու կամ երեք հոգուց բաղկացած խմբերի և ապահովեք յուրաքանչյուր խմբին հետևյալ թերթիկի մեկ օրինակով.
Սեմինարիայի ուսուցչի Նոր Կտակարանի ուսուցման դասագիրք. Դաս 106
Կորնթոսում կային Եկեղեցու անդամներ, որոնց ամուսնական զույգերը Քրիստոնյա չէին:
Ի՞նչ դժվարություններ կունենան տարբեր հավատ ունեցող ամուսնական զույգերը :
Բարձրաձայն ընթերցեք Պողոսի խորհուրդը այդ մասնակի անդամներով ընտանիքներին Ա Կորնթացիս 7.12-17-ում, փնտրելով ճշմարտությունները, որ Պողոսը ուսուցանեց, և որոնք կարող են օգնել մասնակի անդամներով ընտանիքներին այսօր:
Հետևյալ տեղում ամփոփեք, թե ինչ է Պողոսը ուսուցանել այն ազդեցության վերաբերյալ, որ Եկեղեցու հավատարիմ անդամները կարող են ունենալ իրենց ընտանիքների վրա: .
Ի՞նչ օրինակներ եք տեսել, որտեղ Եկեղեցու անդամը դրական ազդեցություն է ունեցել ընտանիքի անդամների վրա, ովքեր կամ Եկեղեցու անդամներ չեն կամ էլ Եկեղեցում ակտիվ չեն:
Բավարար ժամանակ տրամադրելուց հետո հրավիրեք ուսանողներին զեկուցել ճշմարտությունը, որ նրանք բացահայտել են Ա Կորնթացիս 7.12–17-ում: (Ուսանողների պատասխանները կարող են տարբեր լինել, սակայն նրանք պիտի արտահայտեն նմանատիպ մի սկզբունք. Հիսուս Քրիստոսի հավատարիմ հետևորդները սրբագործող ազդեցություն ունեն իրենց ընտանիքների վրա:
Ցանկության դեպքում հրավիրեք մի քանի ուսանողների կիսվել այն Եկեղեցու անդամների օրինակներով, ովքեր դրական ազդեցություն էին ունեցել իրենց ընտանիքի անդամների վրա, որոնք Եկեղեցու անդամներ չէին կամ էլ ակտիվ չէին եղել Եկեղեցում:
Ամփոփեք Ա Կորնթացիս 7.25–40-ը բացատրելով, որ Պողոսն իր կարծիքն էր արտահայտել միայնակ անդամների վերաբերյալ, ովքեր «Կանչվել էին ծառայության» (Ջոզեֆ Սմիթի թարգմանություն, Ա Կորնթացիս 7.29 [Աստվածաշնչյան հավելվածում]) և բացատրել, որ իրենց հանգամանքները թույլ էին տալիս նրանց ծառայել Տիրոջը «առանց արգելքի» (հատված 35-ում) կամ առանց ընտանիքի ապահովությանը վերաբերող աշխարհիկ մտահոգությունների: Ինչևէ, նա նրանց չէր արգելում ամուսնանալ:
Պողոսը պատասխանում է կուռքերին առաջարկվող միսը ճաշակելու հարցին:
Հանձնարարեք որևէ ուսանողի բարձրաձայն կարդալ Տասներկու Առաքյալների Քվորումից Երեց Լ․ Թոմ Փերիի հետևյալ հայտարարությունը․
Նկար
Երեց Լ. Թոմ Փերի
«Ես աշխատել եմ հանրախանութների գործարարության ոլորտում: Քանի որ ես կառավարող թիմի անդամ էի, ինձ համար կարևոր էր հասարակական հաղորդակցություն ունենալ տեղական գործարար կազմակերպությունների հետ: Այդ կազմակերպություններից շատերի հետ հանդիպումները միշտ սկսվում էին պաշտոնական հավաքույթով [որի ընթացքում ավանդաբար մատուցվում են ոգելից խմիչքներ]: Դա մի հավաքույթ էր` հաղորդակցվելու և ծանոթանալու այն մարդկանց հետ, ովքեր կազմակերպության անդամ էին: Ես միշտ անհարմար եմ զգացել այդ հասարակական հավաքույթների ժամանակ: Սկզբում ես սկսում էի` խնդրելով կիտրոնով սոդայաջուր: Շուտով հայտնաբերեցի, որ կիտրոնով սոդայաջուրը նման է մյուս խմիչքներից շատերին: Չէի կարող տպավորություն ստեղծել, որ ոգելից խմիչքներ չեմ օգտագործում, մաքուր սոդայաջուր բռնելով ձեռքիս: (“The Tradition of a Balanced, Righteous Life,” Ensign, Aug. 2011, 48–49):
Ի՞նչ կարող էր տեղի ունենալ,, եթե Երեց Փերին շարունակեր խմել մաքուր սոդա կոկտեյլի ժամերին:
Ուրիշ ի՞նչ իրավիճակներ գիտեք, որոնց ընթացքում մեր օրինակը կարող է բացասաբար ազդել մյուսների վրա, նույնիսկ, եթե մենք որևէ սխալ չենք անում:
Բացատրեք, որ Կորնթոսի Եկեղեցու անդամները հետաքրքրվում էին, թե արդյոք ընդունելի էր իրենց համար ճաշակել այնպիսի ուտելիք, որը առաջարկվել էր կուռքերին կամ հեթանոս աստվածներին:
Նշեք, որ Պողոսը խոստովանեց, թե Եկեղեցու անդամները կարող էին մտածել, որ դա ընդունելի էր, քանզի նրանք գիտեին, որ հեթանոս աստվածները իրականում գոյություն չունեին (տես Ա Կորնթացիս 8.4-6-ը):
Հրավիրեք մի ուսանողի կարդալ 1 Կորնթացիս 8.1-ը և խնդրեք ուսանողներին փնտրել, թե Պողոսը ինչ ուսուցանեց կորնթացի Սրբերին:
Չնայած մարդիկ գիտեին, որ կուռքերը իրական չէին, Պողոսը ի՞նչ ասաց, որն ավելի կարևոր էր, քան այն, ինչ նրանք գիտեին: (Բարեգործությունը կամ անձնվեր սերը ուրիշների նկատմամբ):
Համաձայն այդ հատվածի, ինչի՞ կարող էր հանգեցնել գիտելիքը:: (Դառնալ հպարտ կամ ամբարտավան): Ո՞րն է բարեգործության արդյունքը: (Իր կամ ուրիշների զարգացումն ու զորացումը:)
Հրավիրեք մի ուսանողի կարդալ Ա Կորնթացիս 8.7-10-ը բարձրաձայն: Դասարանին խնդրեք հետևել` փնտրելով, թե կորնթացի Սրբերը երբ չպիտի ճաշակեին միսը, որը հավանաբար առաջարկվել էր կուռքերին: (Օգնեք ուսանողներին հասկանալ, որ տկար բառը այդ հատվածներում վերաբերում է տկարություն հասկացությանը, իսկ ազատությունը [հատված 9-ում] վերաբերում է Եկեղեցու անդամների` մսից օգտվելու ազատությանը , որը կարող է առաջարկվել կուռքերին):
Ըստ 9-րդ հատվածում տրված Պողոսի խոսքերի, նրանք ինչ պայմաններում չպիտի ճաշակեին կուռքերին առաջարկված միսը: (Հնարավոր է, որ այն լինի գայթակղության քար մեկի համար, ով ունի թույլ վկայություն կամ չունի ավետարանի մասին գիտելիք):
Պողոսը ի՞նչ օրինակ բերեց հատված10-ում այն մասին, որ կուռքերին միակողմանիորեն զոհաբերված միսը ճաշակելը կարող է լինել գայթակղության քար: (Եթե թույլ հավատ ունեցող Եկեղեցու անդամը տեսնի մի ուրիշ անդամի` տեղական հեթանոսական տաճարի հետ կապ ունեցող ճաշասրահում ճաշելիս, նա կարող է հավատալ, որ ոչ մի վատ բան չկա կռապաշտության մեջ: )
Խնդրեք մի ուսանողի կարդալ Ա Կորնթացիս 8.11-13-ը բարձրաձայն: Դասարանին խնդրեք հետևել և գտնել Պողոսի պատասխանը՝ կուռքերին առաջարկվող ուտելիքը ճաշակելու հարցին։
Համաձայն հատված 13-ի, ի՞նչ էր Պողոսը ասում, որ կլինի այդ իրավիճակում իր սեփական գործողությունը: Ինչո՞ւ: (Օգնեք ուսանողներին հասկանալ, որ վիրավորել բառը այդ հատվածում նշանակում է հոգևոր առումով սայթաքել, մեղանչել, կամ հավատը կորցնել):
Ի՞նչ սկզբունք կարող ենք սովորել այդ հատվածներից այն մասին, թե ինչպես կարող ենք խուսափել ուրիշներին դեպի հոգևոր առումով սայթաքման տանելուց: (Ուսանողների պատասխաններից հետո հետևյալ սկզբունքը գրեք գրատախտակին. Մենք կարող ենք բարեգործություն անել ուրիշներին՝ խուսափելով գործողություններից, որոնք կարող են առաջնորդել նրանց հոգևոր առումով սայթաքել):
Հանձնարարեք ուսանողներից մեկին բարձրաձայն կարդալ Երեց Փերիի պատմության շարունակությունը: Խնդրեք ուսանողներին ուշադրություն դարձնել, թե Երեց Փերին ինչպես կիրառեց այդ սկզբունքը.
Նկար
Երեց Լ. Թոմ Փերի
«Ես որոշեցի, որ պիտի խմեմ մի խմիչք, որը ցայտունկընդգծի, որ ես ոգելից խմիչք չեմ օգտագործում: Ես գնացի բարմենի մոտ և խնդրեցի մի բաժակ կաթ: Բարմենից երբեք նմանատիպ բան չէին խնդրել: Նա խոհանոց գնաց և մի բաժակ կաթ գտավ ինձ համար: Այժմ ես մի խմիչք ունեի, որը շատ էր տարբերվում ոգելից խմիչքներից, որ մյուսները խմում էին: …
«Կաթը դարձավ կոկտեյլի ժամանակ իմ ընտրած խմիչքը: Շուտով բոլորն իմացան, որ ես Մորմոն եմ: Հարգանքը, որ ստանում էի, իրապես զարմացնում էր ինձ, որպես մի հետաքրքիր դեպք, որը տեղի է ունենում: Շուտով ուրիշներն էլ միացան ինձ` ըմպելով անարատ կաթով կոկտեյլ»: (“The Tradition of a Balanced, Righteous Life,” 49).
Որո՞նք են այլ օրինակները, թե ինչպե՞ս մենք պետք է գթություն ցուցադրենք մյուսների նկատմամբ՝ խուսափելով այնպիսի արարքներից, որոնք կստիպեն ուրիշներին հոգևոր առումով սայթաքել։
Վկայեք այն ճշմարտությունների մասին, որ ուսանողները հայտնաբերել են այսօր և քաջալերեք ուսանողներին փնտրել Սուրբ Հոգու առաջնորդությունը, երբ նրանք ջանք են գործադրում ապրել այդ ճշմարտությունների համաձայն:
Նախագահ Հովարդ Վ. Հանթերը ուսուցանել է, որ ամուսնու և կնոջ միջև գթառատ վարքագիծը Տիրոջ չափանիշն է համարվում:
«Քնքշությունը և հարգանքը,և ոչ երբեք եսասիրությունը պետք է լինեն առաջնորդող սկզբունքները ամուսնու և կնոջ միջև եղած ինտիմ փոխհարաբերություններում» («Being a Righteous Husband and Father,» Ensign, նոյ. 1994, 51): (Տես նաև Նոր Կտակարանի ուսանողի ձեռնարկ [ Եկեղեցու կրթական համակարգի ձեռնարկ, 2014], 368):
Հիմնվելով հատվածներ Ա Կորնթացիս 7.8, 25-35-ի վրա, որոշ մարդիկ կարող են սխալմամբ եզրակացնել, որ Պողոսը դեմ էր ամուսնությանը: Ջոզեֆ Սմիթի Թարգմանությունը նաև պարզաբանում է, որ այս հատվածներում Պողոսը դիմեց նրանց, ովքեր շուտով «պետք է ուղարկվեին ծառայության» կամ միսիոներական ծառայության (Ջոզեֆ Սմիթ Թարգմանություն, Ա Կորնթացիս 7.29 [Աստվածաշնչյան հավելված]): Այդ լույսի տակ Նրա խորհուրդը նման էր Եկեղեցու առաջնորդների այսօրվա տրված խորհրդին, ովքեր երիտասարդ միսիոներներին խորհուրդ են տալիս ձեռնպահ մնալ ժամադրությունից կամ ռոմանտիկ հարաբերություններ ձևավորելուց միսիայում ծառայելիս: Այլ առիթներով Պողոսը բարի կամեցողությամբ է գրել ամուսնության մասին (տես Ա Կորնթացիս 9.1–5, 11.11, 1 Տիմոթեոս 3.2, Եբրայեցիս 13.4-ը): Պողոսի խոսքերը գրի առնված Ա Կորնթացիս 7-ում ամուսնության վերաբերյալ Պողոսի տեսանկյան ամբողջական պատկերը չէր, սակայն նպատակ ուներ ցուցադրել այն մարդկանց ժամանակավոր կյանքը, ովքեր կանչվել էին ծառայելու միսիայում:
Ա Կորնթացիս 7.14: Պողոսի խորհրդի վերաբերյալ Վերջին օրերի գաղափարները
Վարդապետություն և Ուխտեր 74-ը պարունակում է հավելյալ գաղափար Պողոսի խոսքերի մասին Ա Կորնթացիս 7.14: (Տես նաև Վարդապետություն և Ուխտեր և Եկեղեցու պատմության սեմինարիայի ուսուցչի ձեռնարկ [Եկեղեցու կրթական համակարգի ձեռնարկ, 2013], 260–61):