Isigaba 21
Isambulo esanikwa uJoseph Smith umPhrofethi, eFayette, eNew York, ngomhlaka 6 ku-Epreli 1830. Lesi sambulo sanikwa ekumisweni kwebandla, ngosuku oselushiwo, ekhaya lika Peter Whitmer oMdala. Amadoda ayisithupha, ayebhabhadisiwe phambilini, ahlanganyela. Ngevoti lokuvumelana laba bantu bazwakalisa isifiso sabo nokuzimisela ukumisa, ngokwemiyalelo kaNkulunkulu (bheka isigaba 20). Futhi bavota ukwamukela nokusekela uJoseph Smith omNcane no-Oliver Cowdery njengabengamele iBandla. Ngokubeka izandla ekhanda, uJoseph wabe esemgcoba u-Oliver njengegosa leBandla, futhi u-Oliver ngokufanayo naye wagcoba uJoseph. Emuva kokubusisa isidlo esingcwele, uJoseph no-Oliver babeka izandla phezu kwabahlanganyeli ngamunye ukubapha uMoya oNgcwele futhi nokuqiniswa ngamunye njengelungu leBandla.
1–3, UJoseph Smith ubizelwe ukuba umboni, umhumushi, umphrofethi, umphostoli, negosa; 4–8, Izwi lakhe lizohola umgomo weSiyoni; 9–12, AbaNgcwele bazowakholwa amazwi akhe nanini uma ekhuluma ngoMduduzi.
1 Bheka, kuyokuba anombhalo oyogcinwa phakathi kwenu; futhi kuwo uyobizwa bngomboni, umhumushi, umphrofethi, cumphostoli kaJesu Kristu, igosa lebandla ngentando kaNkulunkulu uBaba, nangomusa weNkosi yenu uJesu Kristu,
2 aOshisekeliswe nguMoya oNgcwele ukubeka isisekelo salo, futhi nokulakhela ekukholweni okungcwele kakhulu.
3 Lelo abandla belahlelwa futhi lamiswa ngonyaka weNkosi yenu wamakhulu ayishumi nesishiyagalombili namashumi amathathu, ngenyanga yesine, futhi ngosuku lwesithupha lwenyanga ebizwa ngokuthi u-Epreli.
4 Ngalokho-ke, ngisho ibandla, aniyowanaka wonke amazwi akhe nemiyalelo ayoninikeza yona nanini uma eyinikwa, nihamba bngobungcwele bonke phambi kwami;
5 Ngamanye amagama aizwi lakhe niyolamukela, kube sengathi liphuma kowami umlomo, ngokubekezela konke nangokukholwa konke.
6 Ngokuba ngokwenza lezi zinto aamasango esihogo ngeke abuse phezu kwenu; yebo, futhi iNkosi uNkulunkulu izowachitha amandla bobumnyama iwasuse phambi kwenu, futhi yenze camazulu azamazame ukuze nizuze, dnokudumisa igama lakhe.
7 Ngokuba isho kanje iNkosi uNkulunkulu: Yena ngimshisekelisile ukuba ahambise umgomo we aSiyoni ngamandla amakhulu ukuze nizuze, futhi ukukhuthala kwakhe ngiyakwazi, nemikhuleko yakhe ngiyizwile.
8 Yebo, ukulilela kwakhe iSiyoni ngikubonile, futhi ngizokwenza ukuthi angabe esaqhubeka nokuyililela; ngokuba izinsuku zakhe zokuthokoza sezifikile ngenxa ayokuthethelelwa kwezono zakhe, futhi nokubonakaliswa kwezibusiso zami phezu kwemisebenzi yakhe.
9 Ngokuba, bhekani, ngiyoba abusisa bonke labo abasebenza bensimini yami ngesibusiso esikhulu, futhi bayokholelwa emazwini akhe, anikwe wona ngami cnguMduduzi, dowambula ukuthi uJesu ewabethelwa fngabantu ababi ukuze kukhokhelwe izono gzomhlaba, yebo, ukuze kuthethelelwe izono kulabo habanezinhliziyo ezidabukileyo.
10 Ngalokho-ke kuyintando yami ukuba aagcotshwe nguwe, u-Oliver Cowdery mphostoli wami;
11 Lokhu okuyisimiso kuwe, ukuthi uyigosa ngaphansi kwesandla sakhe, yena abe angowokuqala kuwe, ukuze ube yigosa kuleli bandla likaKristu, elaziwa ngegama lami—
12 Futhi ungumshumayeli wokuqala walelibandla ebandleni, naphambi komhlaba, yebo, phambi kwabeZizwe; yebo, futhi isho kanje iNkosi uNkulunkulu, bheka, bheka! naku amaJuda futhi. Amen.