Para iti aramid ti Apo iti daga. Tinudingan ti Dios dagiti pilina a katulongan a mangisuro iti aramidna. No aramiden dagiti pudno a ministro ti pagayatan ti Apo, ibagianda ti Apo iti opisial a pagrebbenganda ket agtignayda a kas pannakabagina (DkK 64:29), ket iwanwanda ti aramid a kasapulan iti pannakaisalakan ti sangkataw-an. Inted ti Apo dagiti apostol, propeta, ebanghelista, nangato a saserdote, pitopulo, elder, obispo, saserdote, maestro, diakono, katulongan, ken gobierno para iti panagbalin a naan-anay dagiti santo, para iti aramid iti naespirituan a panagserbi (Ef. 4:11–16; 1 Cor. 12:12–28; DkK 20; 107).