Kayo ti Olibo Kitaen met ti Israel; Lana Ti kayo a gagangay iti Israel ken napateg a mula kadagiti daga iti Biblia. Maimulmula gapu iti kayo, bunga, ken lanana. Namin-adu ti pannakaaramat ti kayo ti olibo iti nasantuan a kasuratan a mangisimbulo iti balay ti Israel. Maidilig ti balay ti Israel iti kayo ti olibo a natukkol ken naiwaras dagiti sangana, 1 Ne. 10:12 (1 Ne. 15:12). Inyarngi ti Apo ti balay ti Israel iti amo a kayo ti olibo, Jacob 5–6. Inawagan ni Joseph Smith ti paltiing iti benneg 88 a bulong ti olibo, DkK 88: paulo. Imbaga ti madaydayaw a tao kadagiti katulonganna a mapanda iti bangkagna ket agmulada iti sangapulo-ket-dua a puon ti olibo, DkK 101:43–62.