Marcos
Iti Baro a Tulag, anak ni Maria ni Juan Marcos, a nagnaed idiay Jerusalem (Ara. 12:12); mabalin a kasinsin (wenno kaanakan) met ni Bernabe (Col. 4:10). Nagdaliasatda kada Pablo ken Bernabe manipud idiay Jerusalem iti umuna a panagmisionda, ket imbatina ida idiay Perga (Ara. 12:25; 13:5, 13). Idi agangay kinaduana ni Bernabe a napan idiay Ciprus (Ara. 15:37–39). Kaduana ni Pablo idiay Roma (Col. 4:10; Filem. 1:24); ken kinaduana ni Pedro idiay Babilonia (mabalin nga idiay Roma) (1 Ped. 5:13). Kamaudiananna, kimmuyog ken ni Timoteo idiay Efeso (2 Tim. 4:11).
Ti Ebanghelio ni Marcos
Ti maikadua a libro iti Baro a Tulag. Mabalin a naisurat ti ebanghelio ni Marcos babaen ti panangiturong ni Pedro. Panggepna nga iladawan ti Apo a kas Anak ti Dios a makipagbibiag ken makipulpulapol kadagiti tao. Inladawan ni Marcos, a sigaganetget ken sipapakumbaba, ti kapanunotan a naimula ni Jesus kadagiti agbuybuya. Inlanad ti kannawidan a ti ipapatay ni Pedro, simmarungkar ni Marcos iti Egipto, binangonna ti Simbaan idiay Alejandria, ken natay a martir.
Para iti nayababa a kapitulo, Kitaen ti Ebanghelio, Dagiti.