Agtungpal, Kinamanagtungpal, Natulnog Kitaen met ti Bendision, Nabendisionan, Pammendision; Bilin ti Dios, Dagiti; Imdengan; Magna, Magna iti Dios; Paglintegan; Rag-o Iti naespirituan a kaipapanan, ti kinatulnog isu ti panangaramid iti pagayatan ti Dios. Inaramid ni Noe kas mayannatup iti amin nga imbilin ti Dios kenkuana, Gen. 6:22. Nagtulnog ni Abraham iti Apo, Gen. 22:15–18. Aramidenminto amin nga imbaga ti Apo, Ex. 24:7. Dumngegka ngarud, O Israel, ket aramidem, Deut. 6:1–3. Ayatem ti Apo ket agtungpalka iti timekna, Deut. 30:20. Nasaysayaat ti agtulnog ngem ti agsakripisio, 1 Sam. 15:22. Agbutengka iti Dios, ken tungpalem dagiti bilinna, Ecl. 12:13–14. Saanto a makastrek ti amin iti pagarian ti langit no di ket ti mangaramid iti pagayatan ti Ama, Mat. 7:21 (3 Ne. 14:21). No adda man tao nga agtungpal iti pagayatanna, maammuanto no doktrina dayta ti Dios, Jn. 7:17. Masapul nga agtulnogkayo a nangnangruna iti Dios ngem kadagiti tao, Ara. 5:29. Ubbing, agtulnogkayo kadagiti dadakkelyo, Ef. 6:1 (Col. 3:20). Mapanak ken aramidek dagiti banag nga imbilin ti Apo, 1 Ne. 3:7. Tinungpalko ti timek ti Espiritu, 1 Ne. 4:6–18. No tungpalen dagiti annak ti tao dagiti bilin ti Dios, taraonanna ida, 1 Ne. 17:3. Agannadkayo amangan ta agtungpalkayo iti dakes nga espiritu, Mosiah 2:32–33, 37 (DkK 29:45). Apiten ti tao ti gunggonada a maibatay iti espiritu a nagtulnoganna, Alma 3:26–27. Nasken nga agaramid dagiti tao iti adu a banag iti bukodda a pagayatan, DkK 58:26–29. Awan ti pagbasolan ti tao ti Dios, malaksid dagiti saan a mangipudno iti imana ken saan a mangtungpal kadagiti bilinna, DkK 59:21. Siak, ti Apo ikarik nga aramidek ti sawek no agtungpalkayo, DkK 82:10. Tunggal kararua nga agtungpal iti timekko makitananto ti rupak ket maammuandanto a siak, DkK 93:1. Nasken a madusa dagiti tao agingga a maadalda ti panagtungpal, DkK 105:6. No makagun-odtayo ti ania man a bendision manipud iti Dios, babaen ti panagtulnog iti dayta a paglintegan a naibatay, DkK 130:21. Managtungpal ni Adan, Moises 5:5. Ipaneknektayo kadakuada daytoy ta kitaen no aramidenda met la amin a banag nga ibilin ti Apo, Abr. 3:25.