Kordero ti Dios Kitaen met ti Jesucristo; Mangsubbot, Pannubbot; Paskua Ti nagan para iti Mangisalakan a mangitudo ken ni Jesus a maisakripisio a daton a naited a mangisaup kadatayo. Kasla maysa a kordero a naipan iti pagpartian, Isa. 53:7 (Mosiah 14:7). Adtoy ti Kordero ti Dios, a mangugas iti basol ti lubong, Jn. 1:29 (Alma 7:14). Nasubbotkayo iti napateg a dara ni Cristo, a kas iti karnero nga awanan mulit, 1 Ped. 1:18–20. Maikari ti Kordero a napapatay, Apoc. 5:12. Naparmektayo ni Satanas babaen ti dara ti Kordero, Apoc. 12:11. Naaramid a puraw dagitoy iti dara ti Kordero gapu ti pammatida kenkuana, 1 Ne. 12:11. Ti Kordero ti Dios ti Anak ti Agnanayon nga Ama, ken ti Mangisalakan iti lubong, 1 Ne. 13:40 (1 Ne. 11:21). Umawagkayo a sipapasnek iti Ama iti nagan ni Jesus, tapno bareng madalusankayo babaen ti dara ti Kordero, Morm. 9:6 (Apoc. 7:14; Alma 34:36). Ti Kordero ti Anak ti Tao a napapatay manipud iti pamuon ti lubong, Moises 7:47.