Nehemias
Ti natan-ok nga Israelita iti Babilonia iti Daan a Tulag (mabalin a Levita wenno nagtaud iti tribu ni Juda) a nangimaton iti pannakaiserbi ti arak iti korte ni Artaxerxes, a nakagun-odanna iti nangato a saad a nakapalubosanna a mangbangon kadagiti pader ti Jerusalem.
Ti libro ni Nehemias
Tuloy ti libro ni Esdras daytoy a libro. Naglaon iti pakaammo iti panagdur-as ken parikut ti trabaho iti Jerusalem kalpasan ti panagsubli dagiti Hudio a nabalud iti Babilonia. Ibaga dagiti kapitulo 1–7 ti immuna nga isasarungkar ni Nehemias idiay Jerusalem ken ti pannakabangon manen dagiti pader ti siudad, iti baet ti nabileg nga isusuppiat. Iladawan dagiti kapitulo 8–10 ti relihion ken naigimongan a panagbalbaliw a pinadas nga ipatungpal ni Nehemias. Nailista kadagiti kapitulo 11–13 ti nagan dagiti maikari ken insuratna ti pannakaidaton ti pader. Naisurat kadagiti bersikulo 4–31 ti kapitulo 13 ti maikadua nga isasarungkar ni Nehemias iti Jerusalem kalpasan ti pannakaipusingna iti 12 a tawen.