Lot

Iti Daan a Tulag, isu ti anak ni Haran a kaanakan ni Abraham (Gen. 11:27, 31; Abr. 2:4). Natay ni Haran gapu iti gawat idiay Ur (Abr. 2:1). Pimmanaw ni Lot iti Ur a kaduana da Abraham ken Sara ket nagdaliasatda a napan idiay Canaan (Gen. 12:4–5). Pinili ni Lot ti agyan idiay Sodoma. Nangibaon ti Apo iti mensahero a mangballaag ken ni Lot a pumanaw iti Sodoma sakbay a dadaelen ti Apo gapu iti kinadangkes dagiti tao (Gen. 13:8–13; 19:1, 13, 15); nupay kasta, timmaliaw ti asawa ni Lot iti rebba ket nagbalin a teddek nga asin (Gen. 19:26). Linaon ti Baro a Tulag dagiti pagsurotan ken ni Lot (Luc. 17:29; 2 Ped. 2:6–7). Nailadawan ti biagna kalpasan ti pannakisinana ken ni Abraham iti Gen. 13, 14 ken 19.