Pannakaammo Kitaen met ti Kinapudno; Kinasirib; Pannakaawat Pannakaawat ken panangtukod, kangrunaanna ti kinapudno kas insuro wenno pinatalgedan ti Espiritu. Ti Apo ti Dios ti pannakaammo, 1 Sam. 2:3. Naan-anay ti pannakaammo ti Apo, Job 37:16. Ti panagbuteng iti Apo ti punganay ti pannakaammo, Prov. 1:7. Ti mangmedmed kadagiti saona addaan pannakaammo, Prov. 17:27. Mapnonto ti daga iti pannakaammo ti Apo, Isa. 11:9 (2 Ne. 21:9; 30:15). Inikkatyo ti tulbek ti pannakaammo, Luc. 11:52. Itden ti ayat ni Cristo ti pannakaammo, Ef. 3:19. Inayonyo iti pammatiyo ti saguday, ken iti saguday ti pannakaammo, 2 Ped. 1:5. Addaan ni Nephi iti dakkel a pannakaammo iti kinaimbag ti Dios, 1 Ne. 1:1. Maammuandanto ti Mannubbotda, 2 Ne. 6:11. Maaddaanto dagiti nalinteg iti naan-anay a pannakaammo iti kinalintegda, 2 Ne. 9:14. Mangted ti Espiritu iti pannakaammo, Alma 18:35. Naan-anay ti pannakaammoyo maipapan iti dayta a banag, Alma 32:34. Maiturongto kadagiti Lamanite ti pudno a pannakaammo iti Mannubbotda, Hel. 15:13. Maammuanyo iti naan-anay a pannakaammo dagitoy iti Dios, Moro. 7:15–17. Masarakanto dagiti Santo ti dakkel a kinabaknang iti pannakaammo, DkK 89:19. Ti natarnaw a pannakaammo padakkelenna ti kararua, DkK 121:42. Isu nga addaan iti tulbek ti nasantuan a kinasaserdote saan a marigatan a manggun-od iti pannakaammo kadagiti pasamak, DkK 128:11. No makagun-od ti tao iti pannakaammo iti daytoy a biag, dakdakkelto nga amang ti gundawayna iti sabali a lubong, DkK 130:19. Saan a mabalin a maisalakan ti tao iti kinakuneng, DkK 131:6.