Aaron, Kabsat ni Moises Kitaen met ti Kinasaserdote nga Aaron; Moises Iti Daan a Tulag, anak da Amram ken Jochebed, iti tribu ni Levi (Ex. 6:16–20); ti manong ni Moises (Ex. 7:7). Tinudingan ti Apo a tumulong ken ni Moises a mangiruar kadagiti annak ti Israel iti Egipto ken pannakangiwatna, Ex. 4:10–16, 27–31; 5:1–12:51. Iti Bantay Sinai, immawat ni Moises iti panangiwanwan maipanggep iti pannakatuding ni Aaron ken dagiti uppat nga annakna iti Kinasaserdote nga Aaron, Ex. 28:1–4. Nangaramid iti balitok a baka iti dawat dagiti tao, Ex. 32:1–6, 21, 24, 35. Natay iti Bantay Hor idi agtawen iti 123, Num. 20:22–29 (Num. 33:38–39). Pinatalgedan met ti Apo ti kinasaserdote ken ni Aaron ken dagiti bukelna, DkK 84:18, 26–27, 30. Agbalin nga annak da Moises ken Aaron dagiti mangipateg iti akemda iti kinasaserdote, DkK 84:33–34. Ikalinteganto ti Apo dagiti nalinteg nga aramid dagiti inawagan ti Ama a kas ken ni Aaron, DkK 132:59.