Gloria Kitaen met ti Kinapudno; Silaw, Silaw ni Cristo; Tukad ti Gloria Iti nasantuan a kasuratan, masansan nga itudo ti gloria ti lawag ken kinapudno ti Dios. Mabalinna met nga itudo ti panagdayaw wenno panangbigbig ken ti maysa a kasasaad ti agnanayon a biag wenno iti gloria ti Dios. Nasantuan ti Apo ti pangen: napno ti intero a daga iti dayagna, Isa. 6:3 (2 Ne. 16:3). Agbalbaliw ti langatayo iti tunggal gloria, 2 Cor. 3:18. Itag-aynakto a makipagtaeng kenkuana iti gloriana, Alma 36:28. Dagiti dayag a naawat iti panagungar agdudumanto a maibatay iti kinalinteg, DkK 76:50–119. Gloria ti Dios ti saririt, DkK 93:36. Ti gloria ti Dios ti nasken a mangipatungpal iti saan nga ipapatay ken ti agnanayon a biag ti tao, Moises 1:39. Nakitak ti dua a Kinatao, nga artapan ti lawag ken tan-okna ti amin a panangiladawan, JS—P 1:17.