Ti simbolo ti panagsao. Nasken a tenglen dagiti Santo dagiti dilada, kayatna a sawen a nasken a timbengenda ti panagsaoda. Itudo met ti dila ti pagsasao dagiti tao. Idi agangay, agparintumeng ti tunggal tumeng ken agpudno amin a dila iti Dios (Isa. 45:23 ; Rom. 14:11 ).
Aluadam ta dilam iti dakes, Sal. 34:13 (1Â Ped. 3:10 ).
Asino man a mangsalimetmet iti ngiwat ken dilana salaknibanna ti kararuana iti riribuk, Prov. 21:23 .
Asino man a di mangtengngel iti dilana, awan serserbi ti relihion daytoy a tao, San. 1:26 .
Asino man a tao a di mangpasakit babaen ti balikas, naan-anay dayta a tao, San. 3:1–13 .
Maikasaba ti ebanghelio iti tunggal pagilian, kabagian, pagsasao, ken tattao, Apoc. 14:6–7 (2 Ne. 26:13 ; Mosiah 3:13, 20 ; DkK 88:103 ; 112:1 ).
Impalubos ti Apo kadagiti amin a pagilian, iti bukodda a pagilian ken pagsasao, a mangisuro iti balikasna, Alma 29:8 .
Maiwarasto dagitoy a pinanid iti tunggal pagilian, kakabagian, pagsasao, ken tattao, Alma 37:4 .
Gamgamem a magun-odmo ti balikasko, kalpasanna lumukayton ti dilam, DkK 11:21 .
Mangngegto ti tunggal tao ti pakabuklan ti ebanghelio iti bukodna a pagsasao, DkK 90:11 .