Kinasirib Kitaen met ti Kinapudno; Pannakaammo; Pannakaawat Ti kabaelan wenno sagut ti Dios a mangeddeng iti umno. Magun-od ti tao ti pagsiriban babaen ti padas ken panagadal ken babaen ti panangsurot iti balakad ti Dios. No awan ti tulong ti Dios, awan ti pudno a kinasirib ti tao (2 Ne. 9:28; 27:26). Inikkan ti Dios ni Solomon iti kinasirib, 1 Ari 4:29–30. Kangrunaan a banag ti sirib: gun-oden ngarud ti sirib, Prov. 4:7. Ti manggun-od iti kinasirib ay-ayatenna ti kararuana, Prov. 19:8. Immadu ti pagsiriban ni Jesus, Luc. 2:40, 52. Siasinoman kadakayo ti agkurang iti kinasirib agdawat koma iti Apo, San. 1:5 (DkK 42:68; JS—P 1:11). Ibagak dagitoy a banag kadakayo tapno masursuroyo ti pagsiriban, Mosiah 2:17. Adalem ti pagsiriban iti kinaagtutubom, Alma 37:35. Masarakanto dagiti Santo ti sirib ken dakkel a kinabaknang iti pannakaammo, DkK 89:19. Adalen koma ti kuneng ti pagsiriban babaen ti panagpakumbabana ken panangawagna iti Apo, DkK 136:32.