Ni Adan ti ama ken patriarka ti sangkataw-an iti daga. Ti panagbasolna iti Minuyongan ti Eden (Gen. 3; DkK 29:40–42; Moises 4) ti nakaigapuanan ti “pannakatnagna” ket nagbalin a matay, nasken nga addang tapno dumur-as ti sangkataw-an iti daga (2 Ne. 2:14–29; Alma 12:21–26). Nasken a madaydayaw ngarud da Adan ken Eva iti nagrebbenganda iti pannakaipatungpal ti agnanayon a panagdur-astayo. Ni Adan ti Sibibiag iti Agnanayon ken am-ammo pay a kas Miguel (Dan. 7; DkK 27:11; 107:53–54; 116; 138:38). Isu ti arkanghel ket umayto manen iti daga a kas patriarka ti kaamaan ti tao, a pakauna ti maikadua a yaay ni Jesucristo (DkK 29:26).