Awan Kaes-eskanna, Parammag Kitaen met ti Kinailubongan; Kinapalangguad Kinaulbod wenno panangallilaw; kinapalangguad. Kaipapanan pay ti awan kaes-eskanna ken kinaparammag ti kinaubbaw wenno awan pategna. Isu nga awanan kinaparammag iti kaungganna ti makastrek iti nasantuan a lugar ti Apo, Sal. 24:3–4. No agkararagkayo, diyo aramaten ti awan kaes-eskanna a panangulit-ulit, Mat. 6:7. Ti dakkel ken nalawa a pasdek awan kaes-eskanna nga arapaap ken pagtangtangsit, 1 Ne. 12:18. Ipettengyo kadi ti mangisaad iti puspusoyo kadagiti awan pategna a bambanag iti lubong? Alma 5:53. Saanmo a sapulen dagiti awan pategna a banag iti daytoy a lubong; gapu ta saanmo a maitugot ida, Alma 39:14. Ti kinaparammag ken kaawan ti pammati ti nangiturong iti Simbaan iti pannakadusa, DkK 84:54–55. No ikagumaantayo a pagustuan ti awan kaes-eskanna nga arapaaptayo, adaywan ti langit, DkK 121:37.