Gura, Pananggura Kitaen met ti Apal; Ayat; Panagibales Iti nasantuan a kasuratan, panangsupiat, makaparurod, ken gura. Nakaro a di panangayat iti maysa a tao wenno banag ti gura. Pagginnuraenkayto iti babai, Gen. 3:15 (Moises 4:21). Siak, ti Dios, kitaekto ti kinamanagbasol dagiti amma kadagiti ubbing dagiti manggura kaniak, Ex. 20:5. Dagitoy innem a banag a guraen ti Apo, Prov. 6:16. Laisenna ti inana ti maag a tao, Prov. 15:20. Inumsi ken di inawat dagiti tattao, Isa. 53:3. Agaramidkayo iti naimbag kadagiti manggura kadakayo, Mat. 5:44. Kagurananto ti maysa, ket ayatennanto ti sabali; wenno sumurotto iti maysa, ket umsienna ti sabali, Mat. 6:24. Guraennakanto ti amin a tao gapu iti naganko, Mat. 10:22. Amin nga agaramid iti dakes kagurana ti lawag, Jn. 3:20. Maibusor iti Dios ti nailubongan a pampanunot, Rom. 8:7. Dimo ipalubos nga umsien ti tao ti kinaagtutubom, 1 Tim. 4:12. Gura iti Dios ti pannakigayyem iti lubong, San. 4:4. Uyawenda ti marigrigat gapu ta baknangda, 2 Ne. 9:30. Diyo umsien dagiti paltiing ti Dios, Jacob 4:8. Tinagiawan dagiti tao dagiti pammagbaga ti Dios, ken umsienda dagiti balikasna, DkK 3:7. Iti dayta nga aldaw ti gura agkirpanto iti imatangko, DkK 101:26. Kinaguradak ken indadanesdak iti panangibagak a nakakitaak iti parmata, JS—P 1:25.