Agparsua, Panagparsua Kitaen met ti Aldaw a Panaginana; Daga; Jesucristo; Panagparsua iti Espiritu; Punganay Panangbukel. Binukel ti Dios, babaen ti panagtrabahoda iti Anakna, ni Jesucristo, dagiti bambanag iti nakaparsuaan a mangbukel iti daga. Pinarsua ti Nailangitan nga Ama ken ni Jesus ti tao a kalanglangada (Moises 2:26–27). Idi punganay pinarsua ti Dios ti langit ken ti daga, Gen. 1:1. Aramidentayo koma ti tao iti ladawantayo, Gen. 1:26 (Moises 2:26–27; Abr. 4:26). Inaramidna amin a banag, Jn. 1:3, 10. Pinarsua ti Dios dagiti amin a banag, Ef. 3:9. Isu ti nangparsua kadagiti amin a banag nga adda iti langit, Col. 1:16 (Mosiah 3:8; Hel. 14:12). Inaramid ti Dios dagiti lubong babaen ti Anakna, Heb. 1:2. Naparsua ti tao idi punganay, Mosiah 7:27. Pinarsuak ti langit ken ti daga ken amin a banag, 3 Ne. 9:15 (Mormon 9:11, 17). Naparsua amin a tao manipud pay idi punganay a kalanglangak, Ether 3:15. Pinarsua ni Jesucristo ti langit ken ti daga, DkK 14:9. Pinarsuana ti tao, lalaki ken babai, a karuprupana, DkK 20:18. Saan a mabilang dagiti lubong a pinarsuak, Moises 1:33. Babaen ti Bugbugtongko pinarsuak ti langit, Moises 2:1. Siak, ti Apo Dios, pinarsuak amin a banag a naespirituan sakbay a nagbalinda a gagangay iti rabaw ti daga, Moises 3:5. Linaklaksa a daga a kas iti daytoy saan nga isu ti punganay ti bilang dagiti parsuam, Moises 7:30. Inurnos ken binukel dagiti Dios dagiti langit, Abr. 4:1.