Taga-Tesalonica, Sursurat Para Kadagiti
Dua a libro iti Baro a Tulag. Sigud a surat ida ni Pablo kadagiti taga-Tesalonica bayat ti kaaddana iti Corinto iti immuna nga isasarungkarna iti Europa idi agarup K.P. 50. Nailadawan ti aramidna iti Tesalonica iti Ara. 17. Pinanggep ni Pablo ti agsubli iti Tesalonica ngem saanna a naaramid (1 Tes. 2:18). Imbaonna ngarud ni Timoteo a mangliwliwa kadagiti napasurot ket impadamagna kenkuana ti kasasaadda. Insurat ni Pablo ti immuna a surat a kas bunga ti panagyamanna iti panagsubli ni Timoteo.
Umuna a Taga-Tesalonica
Laonen dagiti kapitulo 1–2 ti kablaaw ni Pablo ken ti kararagna kadagiti Santo; nangted dagiti kapitulo 3–5 iti pangiwanwan iti panagsantak ti kinaespirituan, ayat, kinadalus ti dayaw, kinaregta, ken ti maikadua a yaay ni Jesucristo.
Maikadua a Taga-Tesalonica
Laonen ti kapitulo 1 ti kararag a para kadagiti Santo. Ibaga ti kapitulo 2 ti dumteng nga ikakalilis. Laonen ti kapitulo 3 ti kararag ni Pablo iti panagballigi ti panggep ti ebanghelio.