Panagkaykaysa Kitaen met ti Dios, Kinadios Panagtunos iti panunot, tarigagay, ken panggep ti umuna iti Amatayo iti Langit ken ni Jesucristo, sa kadagiti dadduma a Santo. Nagimbagen para kadagiti agkakabsat ti kinamaymaysa, Sal. 133:1. Siak ken ti Ama, maymaysakami, Jn. 10:30 (DkK 50:43). Inkararag ni Jesus nga agkaykaysa ti amin a kas kadakuada iti Ama, Jn. 17:11–23 (3 Ne. 19:23). Dawatek kadakayo nga awan koma dagiti panaglalasin kadakayo, no di ket naan-anay koma ti panagtitimpuyogyo, 1 Cor. 1:10. Agbalinkayo a natibker ken napinget nga agkaykaysa iti panunot ken puso, sangsangkamaysa iti amin a banag, 2 Ne. 1:21. Mapagrereppeng koma ti puspuso dagiti Santo ti panagkaykaysa, Mosiah 18:21. Inkararag ni Jesus ti panagkaykaysa koma dagiti disipulona a Nephite, 3 Ne. 19:23. Nagkaykaysa dagiti disipulo iti napasnek a panagkararag ken panagayuno, 3 Ne. 27:1. Maymaysa ti Ama, Anak, ken Espiritu Santo, DkK 20:27–28 (DkK 35:2; 50:43). Pagrebbengam ti makikaysa iti pudno a simbaan, DkK 23:7. Ania man ti dawatenyo a sipapammati, iti panagkaykaysayo iti kararag, maawatyonto, DkK 29:6. No saankayo nga agkaykaysa, saankayo a kukua, DkK 38:27. Ninaganan ti Apo dagiti taona iti Zion gapu ta sangsangkamaysa ti puso ken panunotda, Moises 7:18.